Haryana News : ਬਹਾਦਰਗੜ੍ਹ 'ਚ ਨੌਜਵਾਨਾਂ ਨੂੰ ਸਟੰਟ ਕਰਨੇ ਪਏ ਮਹਿੰਗੇ, ਪੁਲਿਸ ਨੇ ਚਲਾਨ ਕੱਟਣ ਦੀ ਬਜਾਏ ਲਗਵਾਈਆਂ ਡੰਡ ਬੈਠਕਾਂ
Haryana News : ਹਰਿਆਣਾ ਦੇ ਬਹਾਦਰਗੜ੍ਹ 'ਚ ਰੋਹੜ ਟੋਲ ਪਲਾਜ਼ਾ ਨੇੜੇ ਰਾਸ਼ਟਰੀ ਰਾਜਮਾਰਗ 'ਤੇ ਨੌਜਵਾਨਾਂ ਨੂੰ ਕਾਰਾਂ ਨਾਲ ਸਟੰਟ ਕਰਨਾ ਮਹਿੰਗਾ ਪੈ ਗਿਆ ਹੈ। ਏਸੀਪੀ ਦਿਨੇਸ਼ ਸਾਂਗਵਾਨ ਨੇ ਨੌਜਵਾਨਾਂ ਨੂੰ ਇੱਕ ਅਨੋਖੀ ਸਜ਼ਾ ਦਿੱਤੀ ਹੈ। ਉਨ੍ਹਾਂ ਨੇ ਚਲਾਨ ਕੱਟਣ ਦੀ ਬਜਾਏ ਉਨ੍ਹਾਂ ਨੂੰ ਝਿੜਕਿਆ ਅਤੇ ਉਨ੍ਹਾਂ ਤੋਂ ਪੁਸ਼-ਅੱਪ ਲਗਵਾਏ। ਨੌਜਵਾਨਾਂ ਤੋਂ ਪੁਸ਼-ਅੱਪ ਲਗਵਾਉਣ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।
ਏਸੀਪੀ ਦਿਨੇਸ਼ ਕੁਮਾਰ ਨੇ ਦੱਸਿਆ ਕਿ ਰੋਹਤਕ ਦੇ ਕੁਝ ਨੌਜਵਾਨ ਥਾਰ ਅਤੇ ਵਰਨਾ ਕਾਰਾਂ ਵਿੱਚ ਸਟੰਟ ਕਰ ਰਹੇ ਸਨ। ਇਹ ਘਟਨਾ ਕੱਲ੍ਹ ਦੇਰ ਸ਼ਾਮ ਵਾਪਰੀ। ਏਸੀਪੀ ਅਸੋਦਾ ਦਿਨੇਸ਼ ਸਾਂਗਵਾਨ ਨੇ ਗਸ਼ਤ ਦੌਰਾਨ ਉਨ੍ਹਾਂ ਨੂੰ ਰੋਕਿਆ। ਏਸੀਪੀ ਨੇ ਨੌਜਵਾਨਾਂ ਨੂੰ ਝਿੜਕਿਆ ਅਤੇ ਸੜਕ ਸੁਰੱਖਿਆ ਦੀ ਮਹੱਤਤਾ ਸਮਝਾਉਂਦੇ ਹੋਏ ਉਨ੍ਹਾਂ ਨੂੰ ਹਾਈਵੇਅ 'ਤੇ ਪੁਸ਼-ਅੱਪ ਕਰਨ ਲਈ ਕਿਹਾ।
ਉਨ੍ਹਾਂ ਨੇ ਨੌਜਵਾਨਾਂ ਨੂੰ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਸਟੰਟ ਕਰਨ ਤੋਂ ਬਚਣ ਦੀ ਸਖ਼ਤ ਹਦਾਇਤ ਕੀਤੀ। ਏਸੀਪੀ ਨੇ ਸਪੱਸ਼ਟ ਕੀਤਾ ਕਿ ਅਜਿਹੀਆਂ ਕਾਰਵਾਈਆਂ ਨਾ ਸਿਰਫ਼ ਉਨ੍ਹਾਂ ਦੀ ਜਾਨ ਲਈ ਖ਼ਤਰਾ ਹਨ, ਸਗੋਂ ਸੜਕ 'ਤੇ ਦੂਜਿਆਂ ਦੀ ਸੁਰੱਖਿਆ ਲਈ ਵੀ ਖ਼ਤਰਾ ਪੈਦਾ ਕਰਦੀਆਂ ਹਨ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇਕਰ ਉਹ ਭਵਿੱਖ ਵਿੱਚ ਦੁਬਾਰਾ ਅਜਿਹਾ ਕਰਦੇ ਫੜੇ ਗਏ ਤਾਂ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਦੱਸ ਦੇਈਏ ਕਿ ਏਸੀਪੀ ਦਿਨੇਸ਼ ਕੁਮਾਰ ਅੰਤਰਰਾਸ਼ਟਰੀ ਬੋਕਸਰ ਹਨ। ਉਹ ਲਗਾਤਾਰ 10 ਸਾਲਾਂ ਤੋਂ ਬਾਕਸਿੰਗ ਦੇ ਨੈਸ਼ਨਲ ਚੈਂਪੀਅਨ ਰਹੇ ਹਨ। ਇਸ ਤੋਂ ਇਲਾਵਾ 2010 ਵਿੱਚ ਉਨ੍ਹਾਂ ਨੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸੋਨ ਤਗਮਾ ਜਿੱਤਿਆ ਸੀ। ਉਹ ਕਾਫ਼ੀ ਸਮੇਂ ਤੋਂ ਬਹਾਦਰਗੜ੍ਹ ਵਿੱਚ ਏਸੀਪੀ ਵਜੋਂ ਤਾਇਨਾਤ ਹਨ।
ਉਨ੍ਹਾਂ ਨੇ ਇੰਸਪੈਕਟਰ ਰਹਿੰਦੇ ਵੀ ਬਹਾਦਰਗੜ੍ਹ ਵਿੱਚ ਬਤੌਰ ਟ੍ਰੈਫਿਕ ਐਸਐਚਓ ਸੇਵਾਵਾਂ ਨਿਭਾਈਆਂ ਹਨ। ਏਸੀਪੀ ਦਿਨੇਸ਼ ਕੁਮਾਰ ਸਮੇਂ-ਸਮੇਂ 'ਤੇ ਪਟਾਕੇ ਚਲਾਉਣ ਵਾਲੇ ਬੁਲੇਟ ਮੋਟਰਸਾਈਕਲਾਂ 'ਤੇ ਸਵਾਰ ਲੋਕਾਂ ਅਤੇ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਵਿਰੁੱਧ ਮੁਹਿੰਮ ਚਲਾਉਂਦੇ ਹਨ, ਨੌਜਵਾਨਾਂ ਨੂੰ ਵਿਲੱਖਣ ਤਰੀਕਿਆਂ ਨਾਲ ਸਬਕ ਸਿਖਾਉਂਦੇ ਹਨ।
- PTC NEWS
