Thailand ’ਚ ਵਾਪਰਿਆ ਵੱਡਾ ਟ੍ਰੇਨ ਹਾਦਸਾ; ਚੱਲਦੀ ਟ੍ਰੇਨ ’ਤੇ ਡਿੱਗੀ ਕ੍ਰੇਨ, 22 ਲੋਕਾਂ ਦੀ ਮੌਤ, ਕਈ ਜ਼ਖਮੀ
ਥਾਈਲੈਂਡ ਦੀ ਰਾਜਧਾਨੀ ਬੈਂਕਾਕ ਵਿੱਚ ਇੱਕ ਰੇਲਗੱਡੀ ਦੇ ਪਟੜੀ ਤੋਂ ਉਤਰਨ ਕਾਰਨ ਘੱਟੋ-ਘੱਟ 22 ਲੋਕਾਂ ਦੀ ਮੌਤ ਹੋ ਗਈ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਹਾਦਸੇ ਵਿੱਚ 30 ਲੋਕ ਜ਼ਖਮੀ ਹੋਏ ਹਨ।
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਬੈਂਕਾਕ ਤੋਂ ਉੱਤਰ-ਪੂਰਬੀ ਥਾਈਲੈਂਡ ਜਾ ਰਹੀ ਇੱਕ ਰੇਲਗੱਡੀ ਉਸ ਸਮੇਂ ਪਟੜੀ ਤੋਂ ਉਤਰ ਗਈ ਜਦੋਂ ਇੱਕ ਉਸਾਰੀ ਕਰੇਨ ਇੱਕ ਡੱਬੇ 'ਤੇ ਡਿੱਗ ਗਈ। ਨਖੋਨ ਰਤਚਾਸੀਮਾ ਪ੍ਰਾਂਤ ਦੇ ਸਥਾਨਕ ਪੁਲਿਸ ਮੁਖੀ ਥਚਾਪੋਨ ਚਿਨਾਵੋਂਗ ਨੇ ਕਿਹਾ, ਕਿ 22 ਲੋਕ ਮਾਰੇ ਗਏ ਅਤੇ 30 ਤੋਂ ਵੱਧ ਜ਼ਖਮੀ ਹੋ ਗਏ।
ਇਹ ਹਾਦਸਾ ਬੁੱਧਵਾਰ ਸਵੇਰੇ ਬੈਂਕਾਕ ਤੋਂ 230 ਕਿਲੋਮੀਟਰ (143 ਮੀਲ) ਉੱਤਰ-ਪੂਰਬ ਵਿੱਚ ਸਥਿਤ ਨਖੋਨ ਰਤਚਾਸੀਮਾ ਪ੍ਰਾਂਤ ਦੇ ਸਿੱਖੀਓ ਜ਼ਿਲ੍ਹੇ ਵਿੱਚ ਵਾਪਰਿਆ। ਰੇਲਗੱਡੀ ਉਬੋਨ ਰਤਚਾਥੀਨੀ ਪ੍ਰਾਂਤ ਜਾ ਰਹੀ ਸੀ।
ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਇੱਕ ਹਾਈ-ਸਪੀਡ ਰੇਲ ਪ੍ਰੋਜੈਕਟ 'ਤੇ ਕੰਮ ਕਰ ਰਹੀ ਕਰੇਨ ਡਿੱਗ ਗਈ ਅਤੇ ਲੰਘਦੀ ਇੱਕ ਰੇਲਗੱਡੀ ਨਾਲ ਟਕਰਾ ਗਈ, ਜਿਸ ਕਾਰਨ ਇਹ ਪਟੜੀ ਤੋਂ ਉਤਰ ਗਈ ਅਤੇ ਥੋੜ੍ਹੀ ਦੇਰ ਲਈ ਅੱਗ ਲੱਗ ਗਈ। ਪੁਲਿਸ ਨੇ ਕਿਹਾ ਕਿ ਅੱਗ ਬੁਝਾ ਦਿੱਤੀ ਗਈ ਹੈ ਅਤੇ ਬਚਾਅ ਕਾਰਜ ਜਾਰੀ ਹਨ।
ਇਹ ਵੀ ਪੜ੍ਹੋ : Russia ਨੇ ਮੁੜ ਯੂਕਰੇਨ 'ਤੇ ਢਾਹਿਆ ਕਹਿਰ; 300 ਡਰੋਨ, ਦਰਜਨਾਂ ਮਿਜ਼ਾਈਲਾਂ ਨਾਲ ਹਮਲਾ, ਪਾਵਰ ਗਰਿੱਡ ਨੂੰ ਵੀ ਬਣਾਇਆ ਨਿਸ਼ਾਨਾ
- PTC NEWS
