Arunachal Sela lake : ਅਰੁਣਾਚਲ 'ਚ ਭਿਆਨਕ ਹਾਦਸਾ, ਬਰਫ਼ ਨਾਲ ਜੰਮੀ ਝੀਲ 'ਚ ਡਿੱਗਣ ਕਾਰਨ ਦੋ ਸੈਲਾਨੀਆਂ ਦੀ ਮੌਤ, ਜੰਮੀਆਂ ਮਿਲੀਆਂ ਲਾਸ਼ਾਂ
Arunachal Sela lake : ਅਰੁਣਾਚਲ ਪ੍ਰਦੇਸ਼ ਦੇ ਤਵਾਂਗ ਜ਼ਿਲ੍ਹੇ ਵਿੱਚ ਸ਼ੁੱਕਰਵਾਰ ਦੁਪਹਿਰ ਨੂੰ ਇੱਕ ਦਰਦਨਾਕ ਹਾਦਸੇ ਵਿੱਚ ਕੇਰਲ (Kerala youth died in Arunachal) ਦੇ ਦੋ ਸੈਲਾਨੀਆਂ ਦੀ ਮੌਤ ਹੋ ਗਈ। ਇਹ ਘਟਨਾ ਮਸ਼ਹੂਰ ਸੇਲਾ ਝੀਲ 'ਤੇ ਵਾਪਰੀ, ਜਿੱਥੇ ਸੈਲਾਨੀ ਬਰਫੀਲੇ ਪਾਣੀ ਵਿੱਚ ਡਿੱਗ ਗਏ, ਜਦੋਂ ਉਹ ਜੰਮੀ ਹੋਈ ਝੀਲ ਦੀ ਸਤ੍ਹਾ 'ਤੇ ਸੈਰ ਕਰ ਰਹੇ ਸਨ ਤਾਂ ਬਰਫ਼ ਅਚਾਨਕ ਟੁੱਟ ਗਈ।
ਤਵਾਂਗ ਦੇ ਪੁਲਿਸ ਸੁਪਰਡੈਂਟ ਡੀਡਬਲਯੂ ਥੁੰਗਨ ਦੇ ਅਨੁਸਾਰ, ਕੇਰਲ ਦੇ ਸੱਤ ਸੈਲਾਨੀਆਂ ਦਾ ਇੱਕ ਸਮੂਹ ਦੁਪਹਿਰ 2:30 ਤੋਂ 3:00 ਵਜੇ ਦੇ ਵਿਚਕਾਰ ਇੱਥੇ ਰੁਕਿਆ ਸੀ। ਝੀਲ ਦੀ ਸਤ੍ਹਾ ਕਮਜ਼ੋਰ ਹੋਣ ਕਾਰਨ, ਤਿੰਨ ਲੋਕ ਫਿਸਲ ਕੇ ਅੰਦਰ ਡਿੱਗ ਗਏ। ਉਨ੍ਹਾਂ ਵਿੱਚੋਂ ਇੱਕ ਨੂੰ ਬਚਾ ਲਿਆ ਗਿਆ, ਪਰ ਬਾਕੀ ਦੋ ਝੀਲ ਦੇ ਡੂੰਘੇ ਪਾਣੀ ਵਿੱਚ ਡੁੱਬ ਗਏ।
ਹਾਦਸੇ ਤੋਂ ਤੁਰੰਤ ਬਾਅਦ ਭਾਰਤੀ ਫੌਜ, ਸਸ਼ਤਰ ਸੀਮਾ ਬਲ (SSB), NDRF ਅਤੇ ਸਥਾਨਕ ਪੁਲਿਸ ਨੇ ਇੱਕ ਸਾਂਝਾ ਬਚਾਅ ਕਾਰਜ ਸ਼ੁਰੂ ਕੀਤਾ। ਬਰਾਮਦ ਕੀਤੀ ਗਈ ਲਾਸ਼ ਦੀ ਪਛਾਣ ਕੇਰਲ ਦੇ ਕੋਲਮ ਦੇ ਰਹਿਣ ਵਾਲੇ ਬੀਨੂ ਪ੍ਰਕਾਸ਼ (ਦਿਨੂ 26) ਵਜੋਂ ਹੋਈ ਹੈ। ਦੂਜੇ ਸੈਲਾਨੀ, ਜਿਸਦੀ ਪਛਾਣ ਮਹਾਵੀਰ ਵਜੋਂ ਹੋਈ ਹੈ।केरल के दो टूरिस्ट की अरुणाचल प्रदेश में एक झील में डूबने से मौत हो गई।
अक्सर टूरिस्ट कई बार बिना जानकारी और एहतियात के अधिक एडवेंचर करने लगते हैं। इससे परहेज करना चाहिए। यह जानलेवा होता है। pic.twitter.com/lWmek7FLD7 — Narendra Nath Mishra (@iamnarendranath) January 17, 2026
ਘਟਨਾ ਦੀ ਰੌਂਗਟੇ ਖੜੇ ਕਰਨ ਵਾਲੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਦੋ ਨੌਜਵਾਨ ਬਰਫੀਲੇ ਪਾਣੀ ਵਿੱਚ ਡਿੱਗਣ ਤੋਂ ਬਾਅਦ ਮਦਦ ਲਈ ਚੀਕਦੇ ਅਤੇ ਬਚਣ ਲਈ ਸੰਘਰਸ਼ ਕਰਦੇ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਦੇ ਦੋਸਤ ਉਨ੍ਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਦਿਖਾਈ ਦਿੱਤੇ। ਹੋਰ ਲੋਕ ਝੀਲ ਦੇ ਕੰਢੇ ਵਾਪਰਦੇ ਭਿਆਨਕ ਦ੍ਰਿਸ਼ ਨੂੰ ਦੇਖਦੇ ਦਿਖਾਈ ਦਿੱਤੇ।
- PTC NEWS
