Ludhiana ’ਚ ਚੱਲਦੇ ਆਟੋ ’ਚ 2 ਬਦਮਾਸ਼ਾਂ ਨੇ ਔਰਤ ਨਾਲ ਲੁੱਟਖੋਹ ਦੀ ਕੀਤੀ ਕੋਸ਼ਿਸ਼, ਬਚਾਅ ਲਈ ਔਰਤ ਲਟਕੀ ਬਾਹਰ, ਦੇੇਖੋ ਵੀਡੀਓ
Ludhiana News : ਪੰਜਾਬ ’ਚ ਲੁਟਖੋਹ ਦੀਆਂ ਵਾਰਦਾਤਾਂ ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ। ਇਸੇ ਤਰ੍ਹਾਂ ਦਾ ਮਾਮਲਾ ਲੁਧਿਆਣਾ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਲੁਟੇਰਿਆਂ ਨੇ ਔਰਤ ਨਾਲ ਚੱਲਦੇ ਆਟੋ ’ਚ ਲੁਟਣ ਦੀ ਕੋਸ਼ਿਸ਼ ਕੀਤੀ ਪਰ ਮਹਿਲਾ ਦੇ ਹੌਂਸਲੇ ਅੱਗੇ ਉਨ੍ਹਾਂ ਦੀ ਇੱਕ ਨਾ ਚੱਲ ਸਕੀ।
ਮਿਲੀ ਜਾਣਕਾਰੀ ਮੁਤਾਬਿਕ ਲੁਧਿਆਣਾ ਦੇ ਇੱਕ ਹਾਈਵੇਅ 'ਤੇ ਇੱਕ ਔਰਤ ਲੁੱਟ ਦੀ ਕੋਸ਼ਿਸ਼ ਵਿੱਚ ਵਾਲ-ਵਾਲ ਬਚ ਗਈ ਜਦੋਂ ਇੱਕ ਆਟੋ-ਰਿਕਸ਼ਾ ਸਵਾਰ ਤਿੰਨ ਬਦਮਾਸ਼ਾਂ ਨੇ ਉਸਨੂੰ ਲੁੱਟਣ ਦੀ ਕੋਸ਼ਿਸ਼ ਕੀਤੀ। ਹਮਲਾਵਰਾਂ ਨੇ ਉਸਦੇ ਹੱਥ ਸਕਾਰਫ਼ ਨਾਲ ਬੰਨ੍ਹ ਦਿੱਤੇ ਅਤੇ ਉਸਨੂੰ ਤੇਜ਼ਧਾਰ ਹਥਿਆਰਾਂ ਨਾਲ ਧਮਕੀਆਂ ਦਿੱਤੀਆਂ, ਪਰ ਉਸਨੇ ਬਹਾਦਰੀ ਨਾਲ ਉਨ੍ਹਾਂ ਦਾ ਵਿਰੋਧ ਕੀਤਾ। ਸਭ ਤੋਂ ਹੈਰਾਨੀ ਦੀ ਗੱਲ ਇਹ ਹੈ ਕਿ ਲਗਭਗ ਅੱਧੇ ਕਿਲੋਮੀਟਰ ਤੱਕ, ਉਹ ਆਪਣੇ ਆਪ ਨੂੰ ਬਚਾਉਣ ਲਈ ਚੱਲਦੀ ਆਟੋ ਦੇ ਬਾਹਰ ਲਟਕਦੀ ਰਹੀ। ਇਸ ਸਬੰਧੀ ਵੀਡੀਓ ਵੀ ਸਾਹਮਣੇ ਆਈ ਹੈ।
ਇਸ ਦੌਰਾਨ ਔਰਤ ਵਾਰ-ਵਾਰ ਵਾਹਨ ਤੋਂ ਡਿੱਗਣ ਤੋਂ ਬਚਦੀ ਰਹੀ। ਹੋਰ ਵਾਹਨ ਚਾਲਕਾਂ ਨੇ ਉਸਦੀ ਮਦਦ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਆਟੋ ਚਾਲਕ ਨੇ ਤੇਜ਼ ਰਫ਼ਤਾਰ ਜਾਰੀ ਰੱਖੀ। ਥੋੜ੍ਹੀ ਦੂਰੀ ਤੋਂ ਬਾਅਦ ਆਟੋ ਕੰਟਰੋਲ ਗੁਆ ਬੈਠਾ ਅਤੇ ਪਲਟ ਗਿਆ। ਇਸ ਦੌਰਾਨ ਬਾਕੀ ਲੁਟੇਰਿਆਂ ਨੂੰ ਕਾਬੂ ਕਰ ਲਿਆ ਗਿਆ ਜਦਕਿ ਇੱਕ ਭੱਜਣ ’ਚ ਸਫਲ ਰਿਹਾ।
ਮਾਮਲੇ ਸਬੰਧੀ ਪੁਲਿਸ ਨੇ ਦੱਸਿਆ ਕਿ ਲੁਧਿਆਣਾ ਦੇ ਲਾਡੋਵਾਲ ਹਾਈਵੇ ’ਤੇ ਇੱਕ ਔਰਤ ਨੇ ਆਟੋ ਲਿਆ ਸੀ ਇਸ ਆਟੋ ’ਚ ਪਹਿਲਾਂ ਤੋਂ ਹੀ ਤਿੰਨ ਬਦਮਾਸ਼ ਬੈਠੇ ਹੋਏ ਸੀ। ਇਨ੍ਹਾਂ ਬਦਮਾਸ਼ਾਂ ਵੱਲੋਂ ਲੁੱਟਖੋਹ ਦੀ ਕੋਸ਼ਿਸ਼ ਕੀਤੀ। ਉਨ੍ਹਾਂ ਨੇ ਪਹਿਲਾਂ ਔਰਤ ਦੇ ਹੱਥ ਚੁੱਨੀ ਨਾਲ ਬੰਨ੍ਹ ਦਿੱਤੇ ਇਸ ਤੋਂ ਬਾਅਦ ਉਸ ਨੂੰ ਤੇਜ਼ ਹਥਿਆਰਾਂ ਦੇ ਨਾਲ ਡਰਾਉਣ ਦੀ ਕੋਸ਼ਿਸ਼ ਕੀਤੀ। ਪਰ ਮਹਿਲਾ ਨੇ ਬਹਾਦੁਰੀ ਨਾਲ ਉਨ੍ਹਾਂ ਦਾ ਸਾਹਮਣਾ ਕੀਤਾ। ਪੁਲਿਸ ਨੇ ਇਹ ਵੀ ਦੱਸਿਆ ਕਿ ਮਹਿਲਾ ਦੇ ਨਾਲ ਉਸਦੇ ਬੱਚੇ ਵੀ ਸੀ। ਪੂਰਾ ਇੱਕ ਕਿਲੋਮੀਟਰ ਤੱਕ ਖੁਦ ਨੂੰ ਆਟੋ ਤੋਂ ਬਾਹਰ ਲਟਕਾ ਕੇ ਉਸ ਨੇ ਖੁਦ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ।
ਕਾਬਿਲੇਗੌਰ ਹੈ ਕਿ ਪੁਲਿਸ ਦੀ ਢਿੱਲੀ ਗਸ਼ਤ ਕਾਰਨ ਹਾਈਵੇਅ 'ਤੇ ਔਰਤਾਂ ਨਾਲ ਜੁੜੀਆਂ ਅਜਿਹੀਆਂ ਘਟਨਾਵਾਂ ਵਧ ਰਹੀਆਂ ਹਨ।
ਇਹ ਵੀ ਪੜ੍ਹੋ : Takhat Sri Harimandir Ji Patna Sahib ਦੇ ਲੰਗਰ ਹਾਲ ਨੂੰ ਮਿਲੀ ਬੰਬ ਨਾਲ ਉਡਾਉਣ ਦੀ ਧਮਕੀ
- PTC NEWS
