ਮੁੱਖ ਖਬਰਾਂ

PM Modi Birthday: ਜਨਮ ਦਿਨ ਮੌਕੇ PM ਮੋਦੀ ਦੇਸ਼ ਨੂੰ ਦੇਣਗੇ BIG ਗਿਫ਼ਟ ! ਜਾਣੋ ਕੀ ਹੋਵੇਗਾ ਖ਼ਾਸ?

By Riya Bawa -- September 17, 2022 8:14 am -- Updated:September 17, 2022 10:20 am

PM Narendra Modi Birthday: ਅੱਜ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਜਨਮ ਦਿਨ ਹੈ। ਉਹ ਅੱਜ 73 ਸਾਲ ਦੇ ਹੋ ਗਏ ਹਨ। ਪੀਐਮ ਮੋਦੀ ਬਾਰੇ ਕਿਹਾ ਜਾਂਦਾ ਹੈ ਕਿ ਉਹ ਨਿੱਜੀ ਅਤੇ ਜਨਤਕ ਜੀਵਨ ਵਿੱਚ ਆਪਣੇ ਆਪ ਨੂੰ ਕਾਫ਼ੀ ਅਨੁਸ਼ਾਸਿਤ ਰੱਖਦੇ ਹਨ। ਇਸ ਦੀਆਂ ਉਦਾਹਰਣਾਂ ਵੀ ਕਈ ਮੌਕਿਆਂ 'ਤੇ ਦੇਖਣ ਨੂੰ ਮਿਲ ਚੁੱਕੀਆਂ ਹਨ। ਦਿੱਲੀ, ਕਰਨਾਟਕ, ਰਾਜਸਥਾਨ ਸਮੇਤ ਦੇਸ਼ ਭਰ ਵਿੱਚ ਭਾਜਪਾ ਸੇਵਾ ਪਖਵਾੜਾ ਦੇ ਤਹਿਤ ਪੀਐਮ ਮੋਦੀ ਦਾ ਜਨਮ ਦਿਨ ਧੂਮਧਾਮ ਨਾਲ ਮਨਾਏਗੀ।

PM Modi

ਪੀਐਮ ਮੋਦੀ ਦੇ ਜਨਮ ਦਿਨ ਮੌਕੇ ਹੋਣ ਵਾਲੇ ਪ੍ਰੋਗਰਾਮ ਨੂੰ 3 ਹਿੱਸਿਆਂ ਵਿੱਚ ਵੰਡਿਆ ਗਿਆ ਹੈ। ਪਹਿਲਾ - ਸੇਵਾ ਪ੍ਰੋਗਰਾਮ ਅਤੇ ਖੂਨਦਾਨ ਕੈਂਪ, ਦੂਸਰਾ - ਮੁਫਤ ਸਿਹਤ ਜਾਂਚ, ਤੀਸਰਾ - ਅਪਾਹਜ ਵਿਅਕਤੀਆਂ ਨੂੰ ਉਪਕਰਨ ਅਤੇ ਟੀਕਾਕਰਨ ਪ੍ਰਦਾਨ ਕਰਨ ਵਿੱਚ ਸਹਾਇਤਾ।

70 ਸਾਲਾਂ ਬਾਅਦ ਚੀਤੇ ਇੱਕ ਵਾਰ ਫਿਰ ਭਾਰਤ ਪਰਤ ਰਹੇ ਹਨ। 1952 ਵਿੱਚ ਚੀਤਿਆਂ ਨੂੰ ਅਲੋਪ ਹੋਣ ਦਾ ਐਲਾਨ ਕੀਤਾ ਗਿਆ ਸੀ। ਹੁਣ ਦੇਸ਼ ਵਿੱਚ ਚੀਤਿਆਂ ਨੂੰ ਮੁੜ ਵਸਾਉਣ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਇਸ ਦੇ ਲਈ ਨਾਮੀਬੀਆ ਤੋਂ ਭਾਰਤ ਲਈ 8 ਚੀਤੇ ਆਯਾਤ ਕੀਤੇ ਗਏ ਹਨ, ਜਿਨ੍ਹਾਂ ਨੂੰ ਪ੍ਰਧਾਨ ਮੰਤਰੀ ਮੋਦੀ ਅੱਜ ਆਪਣੇ ਜਨਮ ਦਿਨ ਦੇ ਮੌਕੇ 'ਤੇ ਕੁਨੋ ਨੈਸ਼ਨਲ ਪਾਰਕ 'ਚ ਛੱਡਣਗੇ। ਇਨ੍ਹਾਂ ਚੀਤਿਆਂ ਨੂੰ ਸਵੇਰੇ ਕਰੀਬ 10.45 ਵਜੇ ਵਿਸ਼ੇਸ਼ ਦੀਵਾਰਾਂ ਵਿੱਚ ਛੱਡਿਆ ਜਾਵੇਗਾ।

PM Modi to interact with Indian contingent for Commonwealth Games 2022

ਗਵਾਲੀਅਰ ਤੋਂ ਚੀਤਿਆਂ ਨੂੰ ਭਾਰਤੀ ਹਵਾਈ ਸੈਨਾ ਦੇ ਚਿਨੂਕ ਹੈਲੀਕਾਪਟਰ ਦੁਆਰਾ ਕੇਐਨਪੀ ਹੈਲੀਪੈਡ 'ਤੇ ਉਤਾਰਿਆ ਜਾਵੇਗਾ। ਕੇਐਨਪੀ ਵਿੱਚ ਲਿਆਂਦੇ ਜਾ ਰਹੇ ਚੀਤਿਆਂ ਵਿੱਚੋਂ, 5 ਮਾਦਾ 2 ਤੋਂ 5 ਸਾਲ ਦੇ ਵਿਚਕਾਰ ਹਨ, ਜਦੋਂ ਕਿ ਨਰ ਚੀਤੇ 4.5 ਸਾਲ ਤੋਂ 5.5 ਸਾਲ ਦੇ ਵਿਚਕਾਰ ਹਨ। ਚੀਤਾ ਨੂੰ 1952 ਵਿੱਚ ਭਾਰਤ ਵਿੱਚ ਅਲੋਪ ਘੋਸ਼ਿਤ ਕੀਤਾ ਗਿਆ ਸੀ।

Govt investing in six fronts to boost healthcare services: PM Modi

ਨਰਿੰਦਰ ਮੋਦੀ ਨਾਲ ਜੁੜੀਆਂ ਖਾਸ ਗੱਲ੍ਹਾਂ 
-ਨਰਿੰਦਰ ਦਾਮੋਦਰਦਾਸ ਮੋਦੀ ਦਾ ਜਨਮ 17 ਸਤੰਬਰ 1950 ਨੂੰ ਵਡਨਗਰ, ਗੁਜਰਾਤ ਵਿੱਚ ਹੋਇਆ ਸੀ। ਜਦੋਂ ਮੋਦੀ ਸਿਰਫ਼ ਅੱਠ ਸਾਲ ਦੇ ਸਨ ਤਾਂ ਉਹ ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰਐਸਐਸ) ਦੇ ਸੰਪਰਕ ਵਿੱਚ ਆਏ। ਉਹ ਸਿਰਫ਼ 20 ਸਾਲ ਦੀ ਉਮਰ ਵਿੱਚ ਆਰਐਸਐਸ ਦਾ ਪੂਰਾ ਪ੍ਰਚਾਰਕ ਬਣ ਗਏ ਸੀ।

HappyBirthdayPMModi

-ਉਹ ਪਹਿਲੀ ਵਾਰ ਰਸਮੀ ਤੌਰ 'ਤੇ 1971 ਵਿੱਚ ਆਰਐਸਐਸ ਵਿੱਚ ਸ਼ਾਮਲ ਹੋਏ ਸਨ। ਇਸ ਤੋਂ ਬਾਅਦ ਉਹਨਾਂ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਨਰਿੰਦਰ ਮੋਦੀ ਨੇ ਬਚਪਨ ਵਿਚ ਵਡਨਗਰ ਰੇਲਵੇ ਸਟੇਸ਼ਨ 'ਤੇ ਚਾਹ ਵੇਚਣ ਵਿਚ ਆਪਣੇ ਪਿਤਾ ਦੀ ਵੀ ਮਦਦ ਕੀਤੀ ਸੀ।

23 मई से जापान दौरे पर जाएंगे प्रधानमंत्री नरेंद्र मोदी, 40 घंटे में करेंगे 23 बैठकें

-1985 ਵਿੱਚ ਆਰਐਸਐਸ ਨੇ ਨਰਿੰਦਰ ਮੋਦੀ ਨੂੰ ਭਾਜਪਾ ਦੇ ਹਵਾਲੇ ਕਰ ਦਿੱਤਾ। ਪਾਰਟੀ ਨੇ ਉਨ੍ਹਾਂ ਨੂੰ 1987 ਵਿੱਚ ਅਹਿਮਦਾਬਾਦ ਨਗਰਪਾਲਿਕਾ ਵਿੱਚ ਭਾਜਪਾ ਦੀ ਚੋਣ ਮੁਹਿੰਮ ਚਲਾਉਣ ਦੀ ਜ਼ਿੰਮੇਵਾਰੀ ਸੌਂਪੀ।

-2014 ਵਿੱਚ, ਨਰਿੰਦਰ ਮੋਦੀ ਭਾਰਤ ਦੇ 14ਵੇਂ ਪ੍ਰਧਾਨ ਮੰਤਰੀ ਬਣੇ। ਇਸ ਤੋਂ ਬਾਅਦ ਉਨ੍ਹਾਂ ਨੇ 2019 'ਚ ਵੀ ਭਾਰਤੀ ਜਨਤਾ ਪਾਰਟੀ ਨੂੰ ਸ਼ਾਨਦਾਰ ਜਿੱਤ ਦਿਵਾਈ। ਮੋਦੀ ਬਾਰੇ ਇੱਕ ਦਿਲਚਸਪ ਤੱਥ ਇਹ ਹੈ ਕਿ ਉਹ ਗੁਜਰਾਤ ਦੇ ਮੁੱਖ ਮੰਤਰੀ ਉਦੋਂ ਬਣੇ ਸਨ ਜਦੋਂ ਉਹ ਪਹਿਲੀ ਵਾਰ ਵਿਧਾਇਕ ਬਣੇ ਸਨ। ਇਸੇ ਤਰ੍ਹਾਂ ਜਦੋਂ ਉਹ ਪਹਿਲੀ ਵਾਰ ਸੰਸਦ ਮੈਂਬਰ ਬਣੇ ਤਾਂ ਉਹ ਭਾਰਤ ਦੇ ਪ੍ਰਧਾਨ ਮੰਤਰੀ ਬਣੇ।

-PTC News

  • Share