Airtel ਆਪਣੇ ਗਾਹਕਾਂ ਨੂੰ ਦੇਵੇਗਾ ਵੱਡਾ ਤੋਹਫ਼ਾ !
Airtel ਆਪਣੇ ਗਾਹਕਾਂ ਨੂੰ ਦੇਵੇਗਾ ਵੱਡਾ ਤੋਹਫ਼ਾ !:ਟੈਲੀਕਾਮ ਕੰਪਨੀ ਏਅਰਟੈਲ ਜਲਦੀ ਹੀ ਆਪਣੇ ਗਾਹਕਾਂ ਨੂੰ ਮਸ਼ਹੂਰ ਵੀਡੀਓ ਸਟਰੀਮਿੰਗ ਨੈੱਟਫਲੈਕਸ ਦਾ ਮੁਫ਼ਤ ਸਬਸਕ੍ਰਿਪਸ਼ਨ ਦੇਵੇਗਾ।ਫਿਲਹਾਲ ਏਅਰਟੈਲ ਦੀ ਅਮਰੀਕੀ ਵੀਡੀਓ ਕੰਟੈਂਟ ਕੰਪਨੀ ਨੈੱਟਫਲੈਕਸ ਨਾਲ ਗੱਲਬਾਤ ਚੱਲ ਰਹੀ ਹੈ।
ਮੋਬਾਈਲ ਇੰਡੀਅਨ ਦੀ ਇੱਕ ਰਿਪੋਰਟ ਮੁਤਾਬਕ ਮਈ ਵਿੱਚ ਏਅਰਟੈਲ ਤੇ ਨੈੱਟਫਲੈਕਸ ਵਿਚਾਲੇ ਸਮਝੌਤਾ ਹੋ ਸਕਦਾ ਹੈ।ਜੇ ਅਜਿਹਾ ਹੁੰਦਾ ਹੈ ਤਾਂ ਏਅਰਟੈਲ ਦੇ ਗਾਹਕਾਂ ਨੂੰ ਨੈੱਟਫਲੈਕਸ ਦੇ ਕੰਟੈਂਟ ਦਾ ਫ਼ਰੀ ਐਕਸੈੱਸ ਮਿਲੇਗਾ।ਭਾਰਤ ਵਿੱਚ ਨੈੱਟਫਲੈਕਸ ਸਾਲ 2016 ਵਿੱਚ ਆਇਆ ਸੀ।
ਆਪਣੀਆਂ ਬਿਹਤਰੀਨ ਸੀਰੀਜ਼ ਕਰਕੇ ਇਸ ਨੇ ਘੱਟ ਸਮੇਂ 'ਚ ਹੀ ਲੋਕਾਂ ਦਾ ਦਿਲ ਜਿੱਤ ਲਿਆ ਸੀ। ਇਸ ਦੇ ਪਲਾਨ 500 ਰੁਪਏ ਪ੍ਰਤੀ ਮਹੀਨਾ ਤੋਂ ਸ਼ੁਰੂ ਹੋ ਜਾਂਦੇ ਹਨ।ਏਅਰਟੈਲ ਗਾਹਕਾਂ ਨੂੰ ਏਅਰਟੈਲ ਟੀਵੀ ਐਪ ਤੋਂ ਇਲਾਵਾ ਅਮੇਜ਼ੌਨ ਪ੍ਰਾਈਮ ਵੀਡੀਓ ਚੈਨਲ ਦਾ ਸਬਸਕ੍ਰਿਪਸ਼ਨ ਦਿੰਦਾ ਹੈ ਜਿਸ ਦੀ ਸਾਲਾਨਾ ਫ਼ੀਸ 999 ਰਪਏ ਪ੍ਰਤੀ ਮਹੀਨਾ ਹੈ।
ਏਅਰਟੈਲ ਗਾਹਕਾਂ ਨੂੰ ਇਹ ਸਬਸਕ੍ਰਿਪਸ਼ਨ ਇੱਕ ਸਾਲ ਲਈ ਫ਼ਰੀ ਮਿਲਦੀ ਹੈ। ਯਾਦ ਰਹੇ ਕਿ ਇਰ ਆਫ਼ਰ ਕੰਪਨੀ ਦੇ ਪੋਸਟ ਪੇਡ ਗਾਹਕਾਂ ਲਈ ਹੀ ਹੈ।
-PTCNews
