ਇਸ ਸਾਲ ਦੇ ਅਖ਼ੀਰਲੇ ਮਹੀਨੇ ਆਦਿੱਤਿਆ ਨਾਰਾਇਣ ਅਤੇ ਸ਼ਵੇਤਾ ਅਗਰਵਾਲ ਕਰਵਾਉਣਗੇ ਵਿਆਹ

ਇੱਕ ਤਾਜ਼ਾ ਇੰਟਰਵਿਊ ਦੌਰਾਨ ਆਦਿੱਤਿਆ ਨੇ ਆਪਣੇ ਵਿਆਹ ਨੂੰ ਲੈ ਕੇ ਦੱਸਿਆ ਕਿ ਉਹ ਇਸ ਸਾਲ ਦਸੰਬਰ ਮਹੀਨੇ ਯਾਨੀ ਕਿ ਸਰਦੀ ਦੇ ਮੌਸਮ 'ਚ ਵਿਆਹ ਕਰਵਾਉਣਗੇ। ਦੱਸ ਦੇਈਏ ਕਿ Aditya Narayan ਅਤੇ ਸ਼ਵੇਤਾ ਨੇ 1 ਦਸੰਬਰ ਨੂੰ ਮੁੰਬਈ ਵਿੱਚ ਵਿਆਹ ਕਰਾਉਣ ਦਾ ਫੈਸਲਾ ਕੀਤਾ ਹੈ। ਗਾਇਕ ਨੇ ਯੋਜਨਾਵਾਂ ਬਾਰੇ ਦੱਸਦਿਆਂ ਕਿਹਾ, “ਅਸੀਂ 1 ਦਸੰਬਰ ਨੂੰ ਵਿਆਹ ਕਰਵਾ ਰਹੇ ਹਾਂ। ਕੋਵਿਡ -19 ਦੇ ਕਾਰਨ, ਅਸੀਂ ਸਿਰਫ ਨੇੜਲੇ ਪਰਿਵਾਰ ਅਤੇ ਦੋਸਤਾਂ ਨੂੰ ਸੱਦਾ ਦੇ ਸਕਦੇ ਹਾਂ, ਕਿਉਂਕਿ ਮਹਾਰਾਸ਼ਟਰ ਵਿਖੇ ਵਿਆਹ ਵਿੱਚ 50 ਤੋਂ ਵੱਧ ਮਹਿਮਾਨਾਂ ਨੂੰ ਇਕੱਠੇ ਨਹੀਂ ਹੋਣ ਦੀ ਇਜ਼ਾਜਤ ਨਹੀਂ ਹੈ । "

ਪ੍ਰਸਿੱਧ ਪਲੇਬੈਕ ਗਾਇਕ ਉਦਿਤ ਨਾਰਾਇਣ ਦੇ ਬੇਟੇ ਨੇ ਦੱਸਿਆ ਕਿ ਪਰਿਵਾਰ ਵਧੀਆ ਤਰੀਕੇ ਨਾਲ ਵਿਆਹ ਚਾਹੁੰਦਾ ਸੀ, ਪਰ ਕੋਰੋਨਾ ਮਹਾਂਮਾਰੀ ਨੇ ਸਾਰੀਆਂ ਯੋਜਨਾਵਾਂ ਨੂੰ ਵਿਗਾੜ ਦਿੱਤਾ ਅਤੇ ਹੁਣ ਜਦੋਂ ਕਿ ਹਲਾਤ ਮੁੜ ਤੋਂ ਕੁਝ ਆਮ ਹੋਣ ਲੱਗੇ ਹਨ, ਤਾਂ ਪਰਿਵਾਰਾਂ ਨੇ ਮਹਿਜ਼ ਕੁਝ ਕੁ ਨਜ਼ਦੀਕੀ ਰਿਸ਼ਤੇਦਾਰਾਂ ਦੀ ਮੌਜੂਦਗੀ ਅਤੇ ਦੋਸਤਾਂ ਦੀ ਹਾਜ਼ਰੀ 'ਚ ਰਵਾਇਤੀ ਵਿਆਹ ਦਾ ਫੈਸਲਾ ਕੀਤਾ ਹੈ ।

ਦੱਸ ਦੇਈਏ ਕਿ ਦੋਵੇਂ ਹਿੰਦੂ ਵਿਆਹ ਦੇ ਰੀਤੀ-ਰਿਵਾਜਾਂ ਅਨੁਸਾਰ ਵਿਆਹ ਕਰਾਉਣਗੇ ਅਤੇ ਇੱਕ ਮੰਦਰ ਵਿੱਚ ਆਪਣੇ ਫੇਰੇ ਲੈਣਗੇ । ਉਮੀਦ ਕੀਤੀ ਜਾ ਰਹੀ ਹੈ ਕਿ ਮਹਾਂਮਾਰੀ ਖ਼ਤਮ ਹੋਣ ਤੋਂ ਬਾਅਦ Aditya Narayan ਦੇ ਵਿਆਹ ਦਾ ਸ਼ਾਨਦਾਰ ਰਿਸੈਪਸ਼ਨ ਹੋਵੇਗਾ ।

Aditya Narayan ਅਤੇ ਸ਼ਵੇਤਾ ਆਪਣੀ ਸਾਲ 2010 ਵਿੱਚ ਆਈ ਫਿਲਮ Shaapit ਦੇ ਸੈੱਟ 'ਤੇ ਮਿਲੇ ਅਤੇ ਇੱਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕਰ ਦਿੱਤਾ। ਜੀਵਨ ਦੇ ਨਵੇਂ ਪੜਾਅ ਦੀ ਸ਼ੁਰੂਆਤ ਲਈ ਆਦਿਤਿਆ -ਸ਼ਵੇਤਾ ਨੂੰ ਸ਼ੁਭਕਾਮਨਾਵਾਂ।