ਬਾਬਰੀ ਮਸਜਿਦ ਢਾਹੇ ਜਾਣ ਦੀ 26ਵੀਂ ਬਰਸੀ ਅੱਜ ,ਅਯੁੱਧਿਆ 'ਚ ਹਾਈ ਅਲਰਟ ਜਾਰੀ:ਅਯੁੱਧਿਆ : ਅੱਜ ਬਾਬਰੀ ਮਸਜਿਦ ਢਾਹੁਣ ਦੀ 26ਵੀਂ ਬਰਸੀ ਹੈ।ਜਾਣਕਾਰੀ ਅਨੁਸਾਰ 6 ਦਸੰਬਰ 1992 ਨੂੰ ਯਾਨੀ ਕਿ ਅੱਜ ਭੀੜ ਨੇ ਬਾਬਰੀ ਮਸਜਿਦ ਨੂੰ ਤੋੜ ਦਿੱਤਾ ਸੀ।ਇਸ ਤੋਂ ਬਾਅਦ ਦੇਸ਼ 'ਚ ਦੰਗੇ ਭੜਕ ਗਏ ਸਨ,ਜਿਸ ਵਿੱਚ ਕਈ ਬੇਕਸੂਰ ਲੋਕ ਮਾਰੇ ਗਏ ਸਨ।
ਬਾਬਰੀ ਮਸਜਿਦ ਢਾਹੇ ਜਾਣ ਦੀ 26ਵੀਂ ਬਰਸੀ ਅੱਜ , ਅਯੁੱਧਿਆ 'ਚ ਹਾਈ ਅਲਰਟ ਜਾਰੀ
ਇਸ ਨੂੰ ਲੈ ਕੇ ਅੱਜ ਅਯੁੱਧਿਆ 'ਚ ਹਾਈ ਅਲਰਟ ਜਾਰੀ ਕੀਤਾ ਗਿਆ ਹੈ ਅਤੇ ਸਰਕਾਰ ਨੇ ਅਯੁੱਧਿਆ 'ਚ ਪੂਰੀ ਸੁਰੱਖਿਆ ਕਰ ਦਿੱਤੀ ਹੈ।ਉੱਥੇ ਹੀ ਸ੍ਰੀ ਕ੍ਰਿਸ਼ਨ ਜਨਮ ਸਥਾਨ, ਈਦਗਾਹ ਕੰਪਲੈਕਸ ਦੀ ਸੁਰੱਖਿਆ ਵੀ ਸਖ਼ਤ ਕੀਤੀ ਗਈ ਹੈ।
ਬਾਬਰੀ ਮਸਜਿਦ ਢਾਹੇ ਜਾਣ ਦੀ 26ਵੀਂ ਬਰਸੀ ਅੱਜ , ਅਯੁੱਧਿਆ 'ਚ ਹਾਈ ਅਲਰਟ ਜਾਰੀ
ਦੱਸ ਦੇਈਏ ਕਿ ਹਿੰਦੂ ਸੰਗਠਨ ਇਸ ਦਿਨ ਨੂੰ ਬਹਾਦਰੀ ਦੇ ਦਿਨ ਵਜੋਂ ਮਨਾਉਂਦੇ ਹਨ ਅਤੇ ਦੂਜੇ ਪਾਸੇ ਮੁਸਲਿਮ ਸੰਗਠਨ ਇਸ ਦਿਨ ਨੂੰ ਕਾਲੇ ਦਿਨ ਵਜੋਂ ਮਨਾਉਂਦੇ ਹਨ।ਅੱਜ ਬਾਬਾਰੀ ਮਸਜਿਦ ਦੀ ਬਰਸੀ ਮੌਕੇ ਦੋਹਾਂ ਧਿਰਾਂ ਵੱਲੋਂ ਪ੍ਰੋਗਰਾਮ ਕਰਵਾਏ ਜਾ ਰਹੇ ਹਨ, ਜਿਸ ਨੂੰ ਲੈ ਕੇ ਸਰਕਾਰ ਅਤੇ ਪ੍ਰਸ਼ਾਸਨ ਅਲਰਟ ਹੈ।
ਬਾਬਰੀ ਮਸਜਿਦ ਢਾਹੇ ਜਾਣ ਦੀ 26ਵੀਂ ਬਰਸੀ ਅੱਜ , ਅਯੁੱਧਿਆ 'ਚ ਹਾਈ ਅਲਰਟ ਜਾਰੀ
ਜਾਣਕਾਰੀ ਮੁਤਾਬਕ ਅਯੁੱਧਿਆ 'ਚ ਵੱਖ-ਵੱਖ ਥਾਵਾਂ `ਤੇ ਸੀਆਰਪੀਐਫ਼, ਆਰਏਐਫ਼ ਤਾਇਨਾਤ ਹੈ।ਇਸ ਮੌਕੇ ਡਰੋਨ ਰਾਹੀਂ ਸਾਰੀਆਂ ਥਾਵਾਂ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ।ਇੱਥੋਂ ਤੱਕ ਕਿ ਘਰਾਂ ਦੀਆਂ ਛੱਤਾਂ `ਤੇ ਵੀ ਪੁਲਿਸ ਤਾਇਨਾਤ ਕੀਤੀ ਗਈ ਹੈ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੀ ਘਟਨਾ ਨੂੰ ਰੋਕਿਆ ਜਾ ਸਕੇ।
-PTCNews