ਅਮਰੀਕਾ ਦੀ 'ਦਿ ਕੈਪੀਟਲ' ਅਖਬਾਰ ਦੀ ਬਿਲਡਿੰਗ 'ਚ ਗੋਲੀਬਾਰੀ ਨਾਲ ਹੋਈਆਂ 5 ਮੌਤਾਂ
ਅਮਰੀਕਾ 'ਚ ਮੈਰੀਲੈਂਡ ਸੂਬੇ ਵੀਰਵਾਰ ਦੁਪਹਿਰ ਇੱਕ ਵੱਡੀ ਘਟਨਾ ਵਾਪਰਨ ਦੀ ਖਬਰ ਮਿਲੀ ਹੈ। ਇਸ ਘਟਨਾ 'ਚ 'ਦਿ ਕੈਪੀਟਲ ਗਾਜੈਟ' ਅਖਬਾਰ ਦੀ ਬਿਲਡਿੰਗ 'ਚ ਇਕ ਨੌਜਵਾਨ ਵੱਲੋਂ ਅੰਨ੍ਹੇਵਾਹ ਗੋਲੀਬਾਰੀ ਕੀਤੇ ਜਾਣ ਦੀ ਖਬਰ ਹੈ।
ਇਸ ਘਟਨਾ 'ਚ 5 ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਲੋਕ ਜ਼ਖਮੀ ਹੋ ਗਏ ਹਨ।
ਪੁਲਸ ਮੁਤਾਬਕ, ਗੋਲੀਆਂ ਚਲਾਉਣ ਵਾਲੇ ਉਸ ਨੌਜਵਾਨ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਹਮਲੇ ਦੇ ਸਮੇਂ ਕਰੀਬ 170 ਲੋਕ ਮੌਜੂਦ ਸਨ।
ਪੁਲਸ ਅਧਿਕਾਰੀ ਅਨੁਸਾਰ ਦੋਸ਼ੀ ਨੌਜਵਾਨ ਨੇ ਕੱਚ ਦੇ ਦਰਵਾਜ਼ੇ ਤੋਂ ਗੋਲੀਬਾਰੀ ਕੀਤੀ ਗਈ ਸੀ। ਪੁਲਸ ਵੱਲੋਂ ਅਜੇ ਤੱਕ ਵਿਅਕਤੀ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ।
—PTC News