ਗੁਰਦਾਸਪੁਰ ਦੇ ਕਿਸ਼ਨਪੁਰ ਪੱਤਣ ਵਿਖੇ ਨਹਾਉਣ ਗਏ 3 ਨੌਜਵਾਨ ਬਿਆਸ ਦਰਿਆ ਵਿਚ ਰੁੜੇ
ਗੁਰਦਾਸਪੁਰ ਦੇ ਕਿਸ਼ਨਪੁਰ ਪੱਤਣ ਵਿਖੇ ਨਹਾਉਣ ਗਏ 3 ਨੌਜਵਾਨ ਬਿਆਸ ਦਰਿਆ ਵਿਚ ਰੁੜੇ:ਗੁਰਦਾਸਪੁਰ ਦੇ ਕਿਸ਼ਨਪੁਰ ਪੱਤਣ ਵਿਖੇ ਨਹਾਉਣ ਗਏ 3 ਨੌਜਵਾਨਾਂ ਦੇ ਬਿਆਸ ਦਰਿਆ ਵਿੱਚ ਰੁੜ ਜਾਣ ਦੀ ਖ਼ਬਰ ਮਿਲੀ ਹੈ।
ਪੁਲਿਸ ਵੱਲੋਂ ਗੋਤਾਖੋਰਾਂ ਦੀ ਮਦਦ ਨਾਲ ਦਰਿਆ ਵਿਚ ਰੁੜੇ 3 ਨੌਜਵਾਨਾਂ ਨੂੰ ਲੱਭਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਪਰ ਦੇਰ ਸ਼ਾਮ ਤੱਕ ਪੁਲਿਸ ਨੂੰ ਉਨ੍ਹਾਂ ਦਾ ਕੁੱਝ ਵੀ ਪਤਾ ਨਹੀਂ ਲੱਗਿਆ।ਮਿਲੀ ਜਾਣਕਾਰੀ ਮੁਤਾਬਕ ਅੱਜ ਦੁਪਹਿਰ ਤੋਂ ਬਾਅਦ 4 ਵਜੇ ਦੇ ਕਰੀਬ ਪੰਜ ਨੌਜਵਾਨ ਕਿਸ਼ਨਪੁਰਾ ਪਤਨ 'ਤੇ ਬਿਆਸ ਦਰਿਆ ਵਿਚ ਨਹਾਉਣ ਗਏ ਸਨ।
ਇਸ ਦੌਰਾਨ ਸਿਮਰਨਜੀਤ ਸਿੰਘ,ਲਵਪ੍ਰੀਤ ਸਿੰਘ ਅਤੇ ਗੁਰਵਿੰਦਰ ਸਿੰਘ ਪਾਣੀ ਵਿਚ ਰੁੜ ਗਏ ਹਨ।ਦੱਸਿਆ ਜਾਂਦਾ ਹੈ ਕਿ ਉਨ੍ਹਾਂ ਦੇ ਦੂਸਰੇ ਦੋਸਤਾਂ ਨੇ ਆਪਣੇ ਪੱਧਰ 'ਤੇ ਲੱਭਣ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਦੇਰ ਤੱਕ ਉਨ੍ਹਾਂ ਦਾ ਪਤਾ ਨਹੀਂ ਲੱਗਾ ਤਾਂ ਦੋਵਾਂ ਨੇ ਘਰ ਆ ਕੇ ਇਸ ਦੀ ਸੂਚਨਾ ਦਿੱਤੀ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਐੱਸ.ਐੱਚ.ਓ. ਥਾਣਾ ਮੀਆਂ ਖਾਂ ਕੁਲਵਿੰਦਰ ਸਿੰਘ ਪੁਲਿਸ ਪਾਰਟੀ ਸਮੇਤ ਮੌਕੇ 'ਤੇ ਪਹੁੰਚੇ ਅਤੇ ਗੋਤਾਖੋਰਾਂ ਦੀ ਮਦਦ ਨਾਲ ਨੌਜਵਾਨਾਂ ਨੂੰ ਲੱਭਣ ਵਿਚ ਜੁੱਟ ਗਏ।
-PTCNews