ਮੀਂਹ ਨੇ ਰੋਕਿਆ ਭਾਰਤੀ ਟੀਮ ਦਾ ਅਭਿਆਸ

ਲਗਾਤਾਰ ਮੀਂਹ ਅਤੇ ਧੁੰਦ ਦੇ ਕਾਰਨ ਭਾਰਤੀ ਟੀਮ ਦੂਜੇ ਇੱਕ ਰੋਜ਼ਾ ਅੰਤਰਰਾਸ਼ਟਰੀ ਕ੍ਰਿਕਟ ਮੈਚ ਤੋਂ ਪਹਲਾਂ ਅਭਿਆਸ ਨਹੀ ਕਰ ਸਕੀ ਜਦੋਂ ਕਿ ਆਸਟਰੇਲੀਆ ਦੇ ਬੱਲੇਬਾਜ਼ਾਂ ਨੂੰ ਈਡਨ ਗਾਰਡਨਜ਼ ਵਿੱਚ  ਇਨਡੋਰ ਅਭਿਆਸ ਕਰ ਲਿਆ ਕਿਉਂਕਿ ਈਡਨ ਗਾਰਡਨ ਦੇ ਮੈਦਾਨ ਨੂੰ ਪਿਛਲੇ  ਦੋ ਦਿਨਾਂ  ਤੋਂ ਕਵਰ ਨਾਲ ਢਕਿਆ ਹੋਇਆ ਸੀ।ਕੋਲਕਾਤਾ ਮੌਸਮ ਵਿਭਾਗ  ਦੇ ਡਾਇਰੈਕਟਰ ਗਣੇਸ਼ ਦਾਸ ਨੇ ਦੱਸਿਆ ਕਿ ਅੱਜ ਮੌਸਮ ਇਸ ਲਈ ਖ਼ਰਾਬ ਸੀ ਕਿਉਂਕਿ  ਉੱਤਰ ਪੱਛਮੀ ਬੰਗਾਲ ਅਤੇ ਉਸਦੇ ਗਵਾਂਢੀ ਖੇਤਰਾਂ ਵਿੱਚ ਘੱਟ ਦਬਾਅ ਬਣ ਰਿਹਾ ਹੈ। ਇਸ ਤੋਂ ਇਲਾਵਾ ਮੌਨਸੂਨ ਵੀ ਭਾਰੂ ਹੈ ਜਿਸ ਕਾਰਨ ਮੀਂਹ ਪੈ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਵੀਰਵਾਰ ਨੂੰ ਵੀ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਚੇਨਈ ਵਿੱਚ  ਖੇਡਿਆ ਗਿਆ ਪਹਿਲਾਂ ਮੈਚ ਵੀ ਮੀਂਹ ਤੋਂ ਪ੍ਰਭਾਵਿਤ ਹੋ ਗਿਆ ਸੀ ਅਤੇ ਵੀਰਵਾਰ ਨੂੰ ਇੱਥੇ ਹੋਣ ਵਾਲੇ ਦੂਜੇ ਇੱਕ ਰੋਜ਼ਾ ਮੈਚ ਵਿੱਚ ਵੀ ਮੀਂਹ ਦਾ ਖਤਰਾ ਲੱਗ ਰਿਹਾ ਹੈ। India vs Australia: One day international Cricket match hit by rain ਭਾਰਤੀ ਟੀਮ ਨੇ ਸ਼ਾਮ ਦੇ ਸੈਸ਼ਨ ਵਿੱਚ ਅਭਿਆਸ ਕਰਨਾ ਸੀ ਪਰ ਮੌਸਮ ਨੂੰ ਦੇਖ ਕੇ ਟੀਮ ਨੇ ਅਭਿਆਸ ਨਾ ਕਰਨ ਦਾ ਫੈਸਲਾ ਲਿਆ ਹੈ। ਭਾਰਤੀ ਟੀਮ ਦਾ ਮੈਦਾਨ ਮੀਂਹ ਕਰਕੇ ਕਵਰ ਹੋਣ ਕਾਰਨ ਅੱਜ ਖਿਡਾਰੀ  ਮੈਦਾਨ ਵਿੱਚ  ਨਹੀਂ ਗਏ। ਪੂਰਬੀ ਖੇਤਰ ਦੇ ਕਉਰੇਟਰ ਆਸ਼ੀਸ਼ ਭੌਮਕਿ ਨੇ ਦੱਸਿਆ ਕਿ ਸਾਨੂੰ ਮੈਦਾਨ ਤਿਆਰ ਕਰਨ ਦੇ ਲਈ ਘੱਟੋ ਘੱਟ ਦੋ ਘੰਟੇ ਧੁੱਪ ਦੀ ਲੋੜ ਹੈ, ਅਸੀਂ ਪੂਰੀ ਤਰ੍ਹਾ ਤਿਆਰ  ਹਾਂ ਅਤੇ ਚੰਗੀ ਗੱਲ ਹੈ ਕਿ ਸਾਡੇ  ਕੋਲ ਅਜੇ ਵੀ ਦੋ ਦਿਨ ਹਨ। ਭਾਰਤ ਪੰਜ ਮੈਚਾਂ ਵਿੱਚ  ਅਜੇ ਵੀ 1-0 ਨਾਲ ਅੱਗੇ ਚੱਲ ਰਿਹਾ  ਹੈ। ਉਸ ਨੇ ਚੇਨਈ ਵਿੱਚ ਆਸਟਰੇਲੀਆ ਨੂੰ 26 ਦੌੜਾ ਨਾਲ ਹਰਾਇਆ ਸੀ —PTC News