Indian American couple donates $200mn: ਇਕ ਭਾਰਤੀ-ਅਮਰੀਕੀ ਡਾਕਟਰ ਜੋੜ੍ਹੇ ਨੇ ਇੱਕ ਅਮਰੀਕੀ ਯੂਨੀਵਰਸਿਟੀ ਨੂੰ 1300 ਕਰੋੜ ਰੁਪਏ ਦਾਨ ਕੀਤੇ ਹਨ।ਕਿਰਨ ਪਟੇਲ ਜੋ ਕਿ ਦਿਲ ਦੇ ਰੋਗਾਂ ਦੇ ਮਾਹਿਰ ਹਨ, ਅਤੇ ਉਹਨਾਂ ਦੀ ਪਤਨੀ ਪੱਲਵੀ ਪਟੇਲ ਜੋ ਕਿ ਬਾਲ ਰੋਗ ਮਾਹਿਰ ਹੈ ਨੇ ਫਲੋਰੀਡਾ ਦੀ ਇਕ ਯੂਨੀਵਰਸਿਟੀ ਨੂੰ 20 ਕਰੋੜ ਡਾਲਰ ਦਾ ਦਾਨ ਦਿੱਤਾ ਹੈ।
ਇਹਨਾਂ ਪੈਸਿਆਂ ਨਾਲ ਟੇਂਪਾ 'ਚ ਨੋਵਾ ਸਾਊਥ ਈਸਟਰਨ ਯੂਨੀਵਰਸਿਟੀ ਦਾ ਨਵਾਂ ਕੰਪਲੈਕਸ ਖੋਲ੍ਹੇ ਜਾਣ ਦੀ ਸੂਚਨਾ ਹੈ। ਇਹ ਪੈਸੇ ਦਾਨ ਕਰਨ ਦਾ ਉਹਨਾਂ ਦਾ ਮਕਸਦ ਸਿਹਤ ਖੇਤਰ 'ਚ ਸੁਧਾਰ ਕਰਨਾ ਹੈ।
ਜ਼ਿਕਰਯੋਗ ਹੈ ਕਿ ਇੱਥੇ ਭਾਰਤ ਦੇ ਡਾਕਟਰਾਂ ਨੂੰ ਵੀ ਸਿਖਲਾਈ ਦਿੱਤੀ ਜਾਵੇਗੀ। ਕਿਰਨ ਪਟੇਲ ਜਾਂਬੀਆ 'ਚ ਜਨਮੇ ਅਤੇ ਭਾਰਤ 'ਚ ਪੜ੍ਹੇ ਹਨ। ਉਹ ਟੇਂਪਾ 'ਚ ਫ੍ਰੀਡਮ ਹੈਲਥ ਨਾਂ ਦਾ ਸੰਗਠਨ ਚਲਾਉਂਦੇ ਹਨ।
ਯੂਨੀਵਰਸਿਟੀ ਨੇ ਪਟੇਲ ਜੋੜੇ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਤੁਹਾਡੀ ਮਦਦ ਨਾਲ ਆਰਥਿਕ ਤੌਰ 'ਤੇ ਕਮਜ਼ੋਰ ਲੋਕਾਂ ਨੂੰ ਮੁੱਢਲੀਆਂ ਅਤੇ ਸਿਹਤ ਸੇਵਾਵਾਂ ਮੁਹੱਈਆ ਹੋ ਸਕਣਗੀਆਂ।
—PTC News