ਮੁਹਾਲੀ: ਪੰਜਾਬੀ ਗਾਇਕ ਰੰਮੀ-ਪ੍ਰਿੰਸ ਰੰਧਾਵਾ ਭੇਜੇ ਗਏ ਜੇਲ੍ਹ, ਜਾਣੋ ਪੂਰਾ ਮਾਮਲਾ
Jashan A
January 22nd 2020 05:01 PM
ਮੁਹਾਲੀ: ਪੰਜਾਬੀ ਗਾਇਕ ਰੰਮੀ-ਪ੍ਰਿੰਸ ਰੰਧਾਵਾ ਭੇਜੇ ਗਏ ਜੇਲ੍ਹ, ਜਾਣੋ ਪੂਰਾ ਮਾਮਲਾ,ਮੁਹਾਲੀ: ਬੀਤੀ ਰਾਤ ਹਾਊਸਿੰਗ ਸੁਸਾਇਟੀ ਦੇ ਮੈਂਬਰਾਂ ਨੇ ਗਾਲੀ-ਗਲੋਚ ਤੇ ਹੱਥੋਂਪਾਈ ਕਰਨ ਦੇ ਦੋਸ਼ 'ਚ ਪੰਜਾਬੀ ਗਾਇਕ ਰੰਮੀ ਰੰਧਾਵਾ ਖਿਲਾਫ ਮੋਹਾਲੀ ਦੇ ਸੋਹਾਣਾ ਥਾਣੇ 'ਚ ਸ਼ਿਕਾਇਤ ਦਰਜ ਕਰਵਾਈ।
ਜਿਸ ਤੋਂ ਬਾਅਦ ਪੁਲਿਸ ਨੇ ਕਾਰਵਾਈ ਕਰਦਿਆਂ ਰੰਮੀ ਰੰਧਾਵਾ ਨੂੰ ਹਿਰਾਸਤ 'ਚ ਲਿਆ ਤੇ ਹੁਣ ਰੰਮੀ ਰੰਧਾਵਾ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਐੱਸ.ਡੀ.ਐੱਮ. ਨੇ ਰੰਮੀ-ਪ੍ਰਿੰਸ ਤੇ ਸਾਥੀ ਮਨਪ੍ਰੀਤ ਨੂੰ ਇੱਕ ਦਿਨ ਲਈ ਜੇਲ੍ਹ ਭੇਜ ਦਿੱਤਾ ਹੈ।
ਹੋਰ ਪੜ੍ਹੋ: ਹਿਮਾਚਲ ਦੇ ਸ਼ਿਮਲਾ 'ਚ ਮਹਿਸੂਸ ਕੀਤੇ ਗਏ ਭੁਚਾਲ ਦੇ ਝਟਕੇ
ਦੱਸਣਯੋਗ ਹੈ ਕਿ ਕੁਝ ਸਮੇਂ ਪਹਿਲਾਂ ਰੰਮੀ ਰੰਧਾਵਾ ਦਾ ਪੰਜਾਬੀ ਗਾਇਕ ਐਲੀ ਮਾਂਗਟ ਨਾਲ ਵੀ ਵਿਵਾਦ ਹੋਇਆ ਸੀ, ਜਿਸਨੂੰ ਲੈ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਛਿੜੀ ਸੀ ਤੇ ਇੱਕ ਵਾਰ ਫਿਰ ਤੋਂ ਇਹ ਗਾਇਕ ਵਿਵਾਦਾਂ ‘ਚ ਘਿਰ ਗਏ ਹਨ।
-PTC News