ਮਤਰੇਈ ਮਾਂ ਨੇ ਧੀ ਨਾਲ ਕਰਵਾਇਆ ਬਲਾਤਕਾਰ ,ਫਿਰ ਕੀਤਾ ਕਤਲ:ਜੰਮੂ-ਕਸ਼ਮੀਰ ਦੇ ਬਾਰਾਮੁਲਾ ਜਿ਼ਲ੍ਹੇ 'ਚ ਇੱਕ ਮਤਰੇਈ ਮਾਂ ਵੱਲੋਂ 9 ਸਾਲਾਂ ਦੀ ਇੱਕ ਬੱਚੀ ਨਾਲ ਬਲਾਤਕਾਰ ਕਰਵਾ ਕੇ ਮੌਤ ਦੇ ਘਾਟ ਉਤਾਰੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਇਸ ਮਾਮਲੇ 'ਚ ਪੁਲਿਸ ਨੇ ਦੱਸਿਆ ਕਿ ਬੱਚੀ ਦੀ ਮਤਰੇਈ ਮਾਂ, ਮਤਰੇਵੇ ਭਰਾ ਸਮੇਤ ਪੰਜ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਪੁਲਿਸ ਜਾਂਚ ਦੌਰਾਨ ਮਤਰੇਈ ਮਾਂ ਫਹੀਮਾ ਨੇ ਦੱਸਿਆ ਕਿ ਉਸਦਾ ਪਤੀ ਆਪਣੀ ਦੂਜੀ ਪਤਨੀ ਨਾਲ ਜ਼ਿਆਦਾ ਸਮਾਂ ਬਿਤਾਉਂਦਾ ਸੀ ਅਤੇ ਦੂਜੀ ਪਤਨੀ ਦੀ ਇਸ ਬੱਚੀ ਨੂੰ ਬਹੁਤ ਪਿਆਰ ਕਰਦਾ ਸੀ।ਇਸੇ ਕਾਰਨ ਫਹੀਮਾ ਉਕਤ ਬੱਚੀ ਨੂੰ ਪਸੰਦ ਨਹੀ ਸੀ ਕਰਦੀ।ਬਾਰਾਮੁਲਾ ਦੇ ਐਸਐਸਪੀ ਇਮਤਿਆਜ਼ ਹੁਸੈਨ ਮੀਰ ਨੇ ਕਿਹਾ ਕਿ ਬੱਚੀ ਕਈ ਦਿਨਾਂ ਤੋਂ ਲਾਪਤਾ ਸੀ, ਜਿਸ ਤੋਂ ਬਾਅਦ ਉਸਦੇ ਪਿਤਾ ਨੇ ਪੁਲਿਸ 'ਚ ਮਾਮਲਾ ਦਰਜ ਕਰਵਾਇਆ ਸੀ। ਪੁਲਿਸ ਨੇ ਦੱਸਿਆ ਕਿ ਜਦੋਂ ਮਤਰੇਈ ਮਾਂ ਫਹੀਮਾ ਕੋਲੋਂ ਸਖਤੀ ਨਾਲ ਪੁੱਛਗਿੱਛ ਕੀਤੀ ਤਾਂ ਸਾਰੀ ਕਹਾਣੀ ਖੁੱਲ ਕੇ ਸਾਹਮਣੇ ਆ ਗਈ।ਉਨ੍ਹਾਂ ਘਟਨਾ ਬਾਰੇ ਅੱਗੇ ਦੱਸਿਆ ਕਿ 24 ਅਗਸਤ ਨੂੰ ਫਹੀਮਾ ਨੇ ਆਪਣੋ ਕੋਲ ਇੱਕ ਚਾਕੂ ਰੱਖਿਆ ਅਤੇ 9 ਸਾਲਾਂ ਇਸ ਬੱਚੀ ਨੂੰ ਆਪਣੇ ਨਾਲ ਨੇੜਲੇ ਇੱਕ ਜੰਗਲ ਵਿਚ ਲੈ ਗਈ।ਜਿੱਥੇ ਫਹੀਮਾ ਦਾ 14 ਸਾਲਾਂ ਸਕਾ ਪੁੱਤਰ ਹੋਰਨਾਂ ਤਿੰਨ ਨੌਜਵਾਨਾਂ ਨਾਲ ਪਹਿਲਾਂ ਹੀ ਤਿਆਰ ਬੈਠਾ ਸੀ। ਜਿਸ ਤੋਂ ਬਾਅਦ ਇਨ੍ਹਾਂ ਚਾਰਾਂ ਨੇ ਪਹਿਲਾਂ ਇਸ ਬੱਚੀ ਨਾਲ ਬਲਾਤਕਾਰ ਕੀਤਾ।ਇਸ ਤੋਂ ਬਾਅਦ ਮਤਰੇਈ ਮਾਂ ਫਹੀਮਾ ਨੇ ਇਸ ਬੱਚੀ ਦਾ ਗਲ ਘੋਟ ਕੇ ਇਸਨੂੰ ਮਾਰ ਦਿੱਤਾ।ਜਿਸ ਤੋਂ ਬਾਅਦ ਫਹੀਮਾ ਨੇ ਕੁਹਾੜੀ ਨਾਲ ਕਈ ਵਾਰ ਕਰਕੇ ਇਸ ਬੱਚੀ ਦੀ ਸਰੀਰ ਨੂੰ ਖੁਰਦ ਬੁਰਦ ਕਰ ਦਿੱਤਾ ਅਤੇ ਬਾਅਦ 'ਚ ਘਰੋਂ ਤੇਜ਼ਾਬ ਲਿਆ ਕੇ ਬੱਚੀ ਦੇ ਸਰੀਰ ਨੂੰ ਵੀ ਸਾੜ ਦਿੱਤਾ।ਇਸ ਦਰਦਨਾਕ ਮੌਤ ਮਗਰੋਂ ਮਾਸੂਮ ਬੱਚੀ ਦੀਆਂ ਅੱਖਾਂ ਵੀ ਬਾਹਰ ਆ ਗਈਆਂ ਸਨ। ਪੁਲਿਸ ਨੇ ਦੱਸਿਆ ਕਿ ਇਨ੍ਹਾਂ ਦੋਸ਼ੀਆਂ ਚੋਂ ਦੋ ਨੇ ਮ੍ਰਿਤਕ ਬੱਚੀ ਦੀ ਲਾਸ਼ ਨੂੰ ਨੇੜਲੀ ਝਾੜੀਆਂ 'ਚ ਸੁੱਟ ਦਿੱਤਾ।ਇਸ ਘਟਨਾ 'ਚ ਵਰਤੀ ਗਈ ਕੁਹਾੜੀ,ਚਾਕੂ ਅਤੇ ਤੇਜ਼ਾਬ ਦੀ ਬੋਤਲ ਆਦਿ ਪੁਲਿਸ ਨੇ ਬਰਾਮਦ ਕਰ ਲਏ ਹਨ। -PTCNews