MLA Sabrinathan : ਥਲਾਪਤੀ ਵਿਜੇ ਦੇ ਡਰਾਈਵਰ ਦਾ ਮੁੰਡਾ ਸ਼ਬਰੀਨਾਥਨ ਕੌਣ ? ਜਾਣੋ ਕਿਵੇਂ ਗ਼ਰੀਬੀ ਚੋਂ ਉਠ ਕੇ ਬਣਿਆ MLA

MLA R Sabrinathan : ਤਾਮਿਲਨਾਡੂ ਵਿਧਾਨ ਸਭਾ ਚੋਣਾਂ ਵਿੱਚ, ਦੱਖਣ ਦੇ ਸੁਪਰਸਟਾਰ ਥਲਾਪਤੀ ਵਿਜੇ (Thalapathy Vijay) ਦੀ ਪਾਰਟੀ TVK (ਭਾਵ - ਸਾਰੇ ਬਰਾਬਰ ਹਨ) ਨੇ ਕੁਝ ਅਜਿਹਾ ਪ੍ਰਾਪਤ ਕੀਤਾ ਹੈ, ਜਿਸਨੇ ਦੇਸ਼ ਭਰ ਦਾ ਧਿਆਨ ਖਿੱਚਿਆ ਹੈ। ਉਨ੍ਹਾਂ ਦੀ ਪਾਰਟੀ ਦੇ ਉਮੀਦਵਾਰਾਂ ਨੇ ਕਈ ਦਿੱਗਜਾਂ ਨੂੰ ਹਰਾਇਆ ਅਤੇ ਰਾਜ ਦੀ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉਭਰੀ। ਇਸ ਦੌਰਾਨ, ਕੁਝ ਉਮੀਦਵਾਰ ਉੱਭਰ ਰਹੇ ਹਨ, ਜੋ ਗਰੀਬੀ ਤੋਂ ਉੱਠੇ ਹਨ ਅਤੇ ਹੁਣ ਸਰਕਾਰ ਚਲਾਉਣ ਲਈ ਤਿਆਰ ਹਨ। ਇਨ੍ਹਾਂ ਵਿੱਚੋਂ ਇੱਕ ਆਰ. ਸਬਰੀਨਾਥਨ ਹੈ, ਜੋ ਥਲਾਪਤੀ ਵਿਜੇ ਦੇ ਡਰਾਈਵਰ ਦਾ ਪੁੱਤਰ ਹੈ, ਜੋ ਹੁਣ ਤਾਮਿਲਨਾਡੂ ਵਿਧਾਨ ਸਭਾ ਵਿੱਚ ਦਿਖਾਈ ਦੇਵੇਗਾ। (Tamil Nadu Assembly Results 2026)

ਵਿਜੇ ਦੇ ਡਰਾਈਵਰ ਰਾਜੇਂਦਰਨ ਦੇ ਪੁੱਤਰ ਆਰ. ਸਬਰੀਨਾਥਨ ਨੇ ਵੀਰੂਗੰਬੱਕਮ ਵਿਧਾਨ ਸਭਾ ਸੀਟ (Virugambakkam) ਤੋਂ ਭਾਰੀ ਜਿੱਤ ਪ੍ਰਾਪਤ ਕੀਤੀ ਹੈ, ਸੱਤਾਧਾਰੀ ਡੀਐਮਕੇ (DMK) ਦੇ ਮੌਜੂਦਾ ਵਿਧਾਇਕ ਏਐਮਵੀ ਪ੍ਰਭਾਕਰ ਰਾਜਾ ਨੂੰ 27,086 ਵੋਟਾਂ ਦੇ ਵੱਡੇ ਫਰਕ ਨਾਲ ਹਰਾਇਆ ਹੈ। ਸਬਰੀਨਾਥਨ ਦੇ ਪਿਤਾ ਪਿਛਲੇ 30 ਸਾਲਾਂ ਤੋਂ ਅਦਾਕਾਰ ਵਿਜੇ ਨਾਲ ਹਨ ਅਤੇ ਉਨ੍ਹਾਂ ਦੀ ਕਾਰ ਚਲਾਉਂਦੇ ਹਨ।

ਕਿੰਨਾ ਪੜ੍ਹਿਆ-ਲਿਖਿਆ ਹੈ ਡਰਾਈਵਰ ਦਾ ਮੁੰਡਾ ?

ਸ਼ਬਰੀਨਾਥਨ ਦੀ ਸਿੱਖਿਆ ਬਾਰੇ MyNeta ਦੇ ਅਨੁਸਾਰ, ਉਸਨੇ 2021 ਵਿੱਚ ਡਾ. ਐਮਜੀਆਰ ਐਜੂਕੇਸ਼ਨਲ ਐਂਡ ਰਿਸਰਚ ਇੰਸਟੀਚਿਊਟ ਤੋਂ ਮਕੈਨੀਕਲ ਇੰਜੀਨੀਅਰਿੰਗ ਵਿੱਚ ਡਿਗਰੀ ਪ੍ਰਾਪਤ ਕੀਤੀ। ਉਸਨੇ ਮਕੈਨੀਕਲ ਇੰਜੀਨੀਅਰਿੰਗ ਵਿੱਚ ਡਿਪਲੋਮਾ ਵੀ ਕੀਤਾ ਹੈ। ਸ਼ਬਰੀਨਾਥਨ ਨੇ 2013 ਵਿੱਚ ਵੇਦ ਵਿਕਾਸ ਮੈਟ੍ਰਿਕ ਤੋਂ ਆਪਣੀ 12ਵੀਂ ਜਮਾਤ ਪੂਰੀ ਕੀਤੀ।

ਦੱਸ ਦਈਏ ਕਿ ਲੰਘੇ ਦਿਨ ਆਏ ਚੋਣ ਨਤੀਜਿਆਂ ਵਿੱਚ ਵਿਜੇ ਦੀ ਨਵੀਂ ਪਾਰਟੀ, ਟੀਵੀਕੇ ਨੇ ਨਾ ਸਿਰਫ਼ ਜਿੱਤ ਹਾਸਲ ਕੀਤੀ ਹੈ, ਸਗੋਂ ਪਾਰਟੀ ਨੇ 234 ਸੀਟਾਂ ਵਾਲੀ ਵਿਧਾਨ ਸਭਾ ਵਿੱਚ 100 ਤੋਂ ਵੱਧ ਸੀਟਾਂ ਜਿੱਤ ਕੇ ਮੁੱਖ ਵਿਰੋਧੀ ਪਾਰਟੀਆਂ 'ਚ ਵੀ ਖਲਬਲੀ ਮਚਾ ਦਿੱਤੀ ਹੈ। ਵਿਜੇ ਨੇ ਖੁਦ ਵੀ ਪੇਰਾਮਬੁਰ ਹਲਕੇ ਤੋਂ 53,000 ਤੋਂ ਵੱਧ ਵੋਟਾਂ ਦੇ ਫਰਕ ਨਾਲ ਜਿੱਤ ਪ੍ਰਾਪਤ ਕੀਤੀ।