33 ਸਾਲ ਬਾਅਦ ਮੁੜ ਖਲਨਾਇਕ ਬਣੇ ਸੰਜੇ ਦੱਤ, Khalnayak Rutruns ਦਾ ਕੀਤਾ ਐਲਾਨ, ਵੇਖੋ ਪਹਿਲੀ ਝਲਕ

Khalnayak Rutruns Teaser : ਬਾਲੀਵੁੱਡ ਦੇ 'ਮੁੰਨਾ ਭਾਈ' ਸੰਜੇ ਦੱਤ (Sanjay Dutt New Movie) ਇੱਕ ਵਾਰ ਮੁੜ ਖਲਨਾਇਕ ਬਣਨ ਜਾ ਰਹੇ ਹਨ। ਜੀ ਹਾਂ, ਅਦਾਕਾਰ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਸਾਹਮਣੇ ਆਈ ਹੈ ਕਿ ਉਹ 33 ਸਾਲ ਬਾਅਦ ਫਿਰ ਤੋਂ ਖਲਨਾਇਕ ਫਿਲਮ (Khalnayak 2) ਦਾ ਦੂਜਾ ਹਿੱਸਾ ਲੈ ਕੇ ਆ ਰਹੇ ਹਨ, ਜਿਸ ਦੀ ਆਗਾਜ਼ ਫਿਲਮ ਦੇ ਟੀਜ਼ਰ ਨਾਲ ਕਰ ਦਿੱਤਾ ਹੈ।

ਦੱਸ ਦਈਏ ਕਿ 1993 ਦੀ ਸੁਪਰਹਿੱਟ ਫਿਲਮ 'ਖਲਨਾਇਕ' ਦੀਆਂ ਯਾਦਾਂ ਅਜੇ ਵੀ ਦਰਸ਼ਕਾਂ ਦੇ ਦਿਲਾਂ ਵਿੱਚ ਜਿਉਂਦੀਆਂ ਹਨ। ਸੰਜੇ ਦੱਤ ਅਤੇ ਮਾਧੁਰੀ ਦੀਕਸ਼ਿਤ ਵਾਲੀ ਇਸ ਫਿਲਮ ਨੇ ਬਾਕਸ ਆਫਿਸ 'ਤੇ ਧਮਾਲ ਮਚਾ ਦਿੱਤੀ ਸੀ। ਹੁਣ, 33 ਸਾਲਾਂ ਬਾਅਦ 'ਖਲਨਾਇਕ' ਵਾਪਸੀ ਕਰਨ ਲਈ ਤਿਆਰ ਹੈ, ਸੰਜੇ ਦੱਤ ਨੇ ਫਿਲਮ ਦਾ ਪਹਿਲਾ ਲੁੱਕ ਐਲਾਨ ਵੀਡੀਓ ਜਾਰੀ ਕਰ ਦਿੱਤਾ ਹੈ।

ਫਿਲਮ ਦਾ ਪਹਿਲਾ ਲੁੱਕ ਆਇਆ ਸਾਹਮਣੇ (Sanjay Dutt Khalnayak)

ਵੀਡੀਓ ਦਾ ਪਹਿਲਾ ਦ੍ਰਿਸ਼ ਬਹੁਤ ਭਿਆਨਕ ਹੈ। ਇਸ ਵਿੱਚ ਖੂਨ-ਖਰਾਬਾ ਦਿਖਾਇਆ ਗਿਆ ਹੈ। ਹਰ ਪਾਸੇ ਅੱਗ ਵਿਖਾਈ ਦੇ ਰਹੀ ਹੈ ਅਤੇ ਲਾਸ਼ਾਂ ਖਿੱਲਰੀਆਂ ਪਈਆਂ ਹਨ। ਫਿਰ, ਸੰਜੇ ਦੱਤ ਖੂਨ ਨਾਲ ਲੱਥਪੱਥ ਇੱਕ ਆਦਮੀ ਦੇ ਸਾਹਮਣੇ ਬੈਠ ਜਾਂਦੇ ਹਨ। ਅਦਾਕਾਰ ਦਾ ਚਿਹਰਾ ਜ਼ਖਮੀ ਅਤੇ ਖੂਨ ਨਾਲ ਲਥਪਥ ਹੈ। ਉਹ ਜੋਸ਼ ਨਾਲ ਆਪਣੀ ਸਿਗਾਰ ਜਲਾਉਂਦੇ ਹਨ। ਟੀਜ਼ਰ ਸੰਜੇ ਦੱਤ ਦੇ ਭਿਆਨਕ ਅੰਦਾਜ਼ ਨੂੰ ਦਰਸਾਉਂਦਾ ਹੈ। ਲੰਬੇ ਵਾਲਾਂ ਅਤੇ ਦਾੜ੍ਹੀ ਦੇ ਨਾਲ ਉਸਦਾ ਤੀਬਰ ਲੁੱਕ ਡਰ ਪੈਦਾ ਕਰਦਾ ਹੈ।

ਉਨ੍ਹਾਂ ਦੇ ਸਾਹਮਣੇ ਪਿਆ ਆਦਮੀ ਆਪਣੀ ਜਾਨ ਦੀ ਭੀਖ ਮੰਗ ਰਿਹਾ ਹੈ। ਸੰਜੇ ਕਹਿੰਦੇ ਹਨ, ''ਬੋਲਾ ਥਾ ਨਾ, ਰਾਤ ਦੇ 10 ਵਜੇ ਬੱਲੂ ਜੇਲ ਤੋਂ ਫੁਰਰਰ...ਨਾਇਕ ਨਹੀਂ ਖਲਨਾਇਕ ਹੂੰ ਮੈਂ।'' ਸੰਜੇ ਦੱਤ ਦੇ ਪ੍ਰਸ਼ੰਸਕ ਉਸਦੇ ਇਸ ਲੁੱਕ ਨੂੰ ਦੇਖ ਕੇ ਖੁਸ਼ ਹੋ ਰਹੇ ਹਨ।

ਟੀਜ਼ਰ ਸਾਂਝਾ ਕਰਦੇ ਹੋਏ ਸੰਜੇ ਦੱਤ ਨੇ ਲਿਖਿਆ, "ਕੁਝ ਕਹਾਣੀਆਂ ਕਦੇ ਖਤਮ ਨਹੀਂ ਹੁੰਦੀਆਂ... ਉਹ ਦੁਬਾਰਾ ਸ਼ੁਰੂ ਹੁੰਦੀਆਂ ਹਨ। ਖਲਨਾਇਕ ਰਿਟਰਨਜ਼।" ਸੰਜੇ ਤੋਂ ਇਲਾਵਾ ਫਿਲਮ ਦੇ ਹੋਰ ਕਿਰਦਾਰਾਂ ਦੀ ਕਾਸਟਿੰਗ ਅਜੇ ਤੱਕ ਸਾਹਮਣੇ ਨਹੀਂ ਆਈ ਹੈ।

ਟੀਜ਼ਰ ਦੇਖਣ ਤੋਂ ਬਾਅਦ, ਪ੍ਰਸ਼ੰਸਕ ਕਹਿ ਰਹੇ ਹਨ, "ਅਖੀਰ ਵਿੱਚ, ਬਾਬਾ ਆਪਣੇ ਰਾਜ ਵਿੱਚ ਮੁੜ ਆਏ ਹਨ। ਇੱਕ ਨੇ ਲਿਖਿਆ, "ਸੰਜੂ ਬਾਬਾ ਫਾਇਰ ਹੈ।" ਇੱਕ ਹੋਰ ਨੇ ਕਿਹਾ, "ਮੇਰਾ ਬਚਪਨ ਦਾ ਮਨਪਸੰਦ ਖਲਨਾਇਕ, ਬੱਲੂ ਬਲਰਾਮ, ਵਾਪਸ ਆ ਗਿਆ ਹੈ।"