IND vs PAK WC 2023 Match: ਅਹਿਮਦਾਬਾਦ 'ਚ ਹੋਟਲ ਦੇ ਕਮਰੇ ਦਾ ਕਿਰਾਇਆ 1 ਲੱਖ ਰੁਪਏ ਤੱਕ ਪਹੁੰਚਿਆ, ਭਾਰਤ-ਪਾਕਿਸਤਾਨ ਮੁਕਾਬਲਾ ਹੈ ਵੱਡਾ ਕਾਰਨ

World Cup 2023: ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਵਿਸ਼ਵ ਕੱਪ 2023 ਦਾ ਇੱਕ ਮੈਚ ਅਹਿਮਦਾਬਾਦ ਵਿੱਚ ਖੇਡਿਆ ਜਾਵੇਗਾ। ਪ੍ਰਸ਼ੰਸਕ 15 ਅਕਤੂਬਰ ਨੂੰ ਹੋਣ ਵਾਲੇ ਇਸ ਮੈਚ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਭਾਰਤ-ਪਾਕਿ ਮੈਚ ਕਾਰਨ ਅਹਿਮਦਾਬਾਦ 'ਚ ਹੋਟਲ ਦੇ ਕਮਰਿਆਂ ਦੀਆਂ ਕੀਮਤਾਂ ਕਈ ਗੁਣਾ ਵਧ ਗਈਆਂ ਹਨ। ਇੱਕ ਰਿਪੋਰਟ ਮੁਤਾਬਕ ਅਹਿਮਦਾਬਾਦ ਵਿੱਚ ਹੋਟਲ ਦੇ ਕਮਰਿਆਂ ਦੇ ਰੇਟ ਇੱਕ ਲੱਖ ਰੁਪਏ ਤੱਕ ਪਹੁੰਚ ਗਏ ਹਨ। ਇਸ ਦੇ ਨਾਲ ਹੀ ਪਹਿਲਾਂ ਇਹ 50 ਹਜ਼ਾਰ ਰੁਪਏ ਤੱਕ ਵਧ ਗਿਆ ਸੀ। ਪਰ ਵੀਰਵਾਰ ਨੂੰ ਆਈ ਇਸ ਖਬਰ ਨੇ ਪ੍ਰਸ਼ੰਸਕਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ।

15 ਅਕਤੂਬਰ ਨੂੰ ਹੋਣ ਵਾਲੇ ਭਾਰਤ-ਪਾਕਿ ਮੈਚ ਕਾਰਨ

ਵਿਸ਼ਵ ਕੱਪ 2023 ਦੇ ਕੁੱਲ ਪੰਜ ਮੈਚ ਅਹਿਮਦਾਬਾਦ ਵਿੱਚ ਖੇਡੇ ਜਾਣੇ ਹਨ। ਭਾਰਤ-ਪਾਕਿ ਮੈਚ ਦੇ ਨਾਲ ਹੀ ਇੱਥੇ ਫਾਈਨਲ ਵੀ ਖੇਡਿਆ ਜਾਵੇਗਾ। ਇਸ ਕਾਰਨ ਹੋਟਲਾਂ ਦੇ ਕਮਰਿਆਂ ਦੇ ਰੇਟ ਵਧ ਗਏ ਹਨ। ਮੀਡੀਆਂ ਰਿਪੋਟਾਂ ਦੇ ਮੁਤਾਬਕ 15 ਅਕਤੂਬਰ ਨੂੰ ਹੋਣ ਵਾਲੇ ਭਾਰਤ-ਪਾਕਿ ਮੈਚ ਕਾਰਨ ਕਮਰੇ ਦੇ ਰੇਟ ਕਾਫੀ ਵਧ ਗਏ ਹਨ। ਇਸ ਵਿੱਚ 10 ਗੁਣਾ ਤੋਂ ਵੱਧ ਵਾਧਾ ਹੋਇਆ ਹੈ। ਕਰੀਬ ਇੱਕ ਲੱਖ ਰੁਪਏ ਵਿੱਚ ਇੱਕ ਰਾਤ ਲਈ ਕਮਰਾ ਉਪਲਬਧ ਹੈ।

ਮੈਚ ਵਾਲੇ ਦਿਨ ਲਈ 90679 ਰੁਪਏ ਦੇਣੇ ਪੈਣਗੇ

ਅਹਿਮਦਾਬਾਦ ਵਿੱਚ, ਲਗਜ਼ਰੀ ਹੋਟਲ ਦੇ ਕਮਰੇ ਆਮ ਦਿਨਾਂ ਵਿੱਚ 5 ਤੋਂ 8 ਹਜ਼ਾਰ ਦੇ ਵਿੱਚ ਉਪਲਬਧ ਹਨ। ਪਰ ਹੁਣ ਇਹ ਦਰ 40 ਹਜ਼ਾਰ ਤੋਂ ਇੱਕ ਲੱਖ ਤੱਕ ਪਹੁੰਚ ਗਈ ਹੈ। Booking.com ਮੁਤਾਬਕ 2 ਜੁਲਾਈ ਨੂੰ ਲਗਜ਼ਰੀ ਹੋਟਲ ਦੇ ਕਮਰੇ ਦੀ ਕੀਮਤ 5,699 ਰੁਪਏ ਸੀ। ਪਰ 15 ਅਕਤੂਬਰ ਨੂੰ ਉਸੇ ਹੋਟਲ ਦੇ ਕਮਰੇ ਦਾ ਰੇਟ 71,999 ਰੁਪਏ ਹੋ ਗਿਆ ਹੈ। ਦੂਜੇ ਪਾਸੇ ਆਮ ਦਿਨਾਂ 'ਤੇ ਇਕ ਹੋਰ ਹੋਟਲ ਦੇ ਕਮਰੇ ਦਾ ਕਿਰਾਇਆ 8 ਹਜ਼ਾਰ ਰੁਪਏ ਹੈ। ਪਰ ਇਸ ਮੈਚ ਵਾਲੇ ਦਿਨ ਲਈ 90679 ਰੁਪਏ ਦੇਣੇ ਪੈਣਗੇ।

ਫਾਈਨਲ ਮੈਚ 19 ਨਵੰਬਰ ਨੂੰ 

ਜ਼ਿਕਰਯੋਗ ਹੈ ਕਿ ਵਿਸ਼ਵ ਕੱਪ 2023 ਦਾ ਪਹਿਲਾ ਮੈਚ ਅਹਿਮਦਾਬਾਦ 'ਚ ਖੇਡਿਆ ਜਾਵੇਗਾ। ਇੱਥੇ 5 ਅਕਤੂਬਰ ਨੂੰ ਇੰਗਲੈਂਡ ਅਤੇ ਨਿਊਜ਼ੀਲੈਂਡ ਵਿਚਾਲੇ ਮੈਚ ਖੇਡਿਆ ਜਾਵੇਗਾ। ਇਸ ਤੋਂ ਬਾਅਦ 15 ਅਕਤੂਬਰ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੈਚ ਖੇਡਿਆ ਜਾਵੇਗਾ। ਅਤੇ 4 ਨਵੰਬਰ ਨੂੰ ਇੰਗਲੈਂਡ ਅਤੇ ਆਸਟ੍ਰੇਲੀਆ ਵਿਚਾਲੇ ਮੈਚ ਖੇਡਿਆ ਜਾਣਾ ਹੈ। ਇਹ ਮੈਚ 10 ਨਵੰਬਰ ਨੂੰ ਦੱਖਣੀ ਅਫਰੀਕਾ ਅਤੇ ਅਫਗਾਨਿਸਤਾਨ ਵਿਚਾਲੇ ਖੇਡਿਆ ਜਾਵੇਗਾ। ਇਸ ਤੋਂ ਬਾਅਦ ਫਾਈਨਲ ਮੈਚ 19 ਨਵੰਬਰ ਨੂੰ ਖੇਡਿਆ ਜਾਵੇਗਾ।