ਐਕਵਾ ਵੇਲੋਸਿਟੀ’ ਮੁਕਾਬਲੇ ਵਿੱਚ ਨੌਜਵਾਨ ਤੈਰਾਕਾਂ ਨੇ ਦਿਖਾਇਆ ਹੁਨਰ

ਚੰਡੀਗੜ੍ਹ: ਐਤਵਾਰ ਨੂੰ ਸੈਕਟਰ-23 ਸਥਿਤ ਆਲ ਵੈਦਰ ਸਵਿਮਿੰਗ ਪੂਲ ਵਿਖੇ ਬਿਲਟ ਫ਼ਾਰ ਸਪੀਡ ਐਨਜੀਓ ਵੱਲੋਂ ਕਰਵਾਏ ਗਏ ‘ਐਕਵਾ ਵੇਲੋਸਿਟੀ’ ਤੈਰਾਕੀ ਮੁਕਾਬਲੇ ਵਿੱਚ ਨੌਜਵਾਨ ਤੈਰਾਕਾਂ ਨੇ ਆਪਣੀ ਪ੍ਰਤਿਭਾ, ਆਤਮਵਿਸ਼ਵਾਸ ਅਤੇ ਖੇਡ ਭਾਵਨਾ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।

ਇਸ ਮੁਕਾਬਲੇ ਵਿੱਚ ਵੱਖ-ਵੱਖ ਉਮਰ ਵਰਗਾਂ ਦੇ 175 ਸਕੂਲੀ ਬੱਚਿਆਂ ਨੇ ਹਿੱਸਾ ਲਿਆ। ਮੁਕਾਬਲੇ ਦੌਰਾਨ ਬੱਚਿਆਂ ਵਿੱਚ ਕਾਫ਼ੀ ਉਤਸ਼ਾਹ ਦੇਖਣ ਨੂੰ ਮਿਲਿਆ। ਬੱਚਿਆਂ ਦੇ ਮਾਪੇ ਵੀ ਮੌਜੂਦ ਰਹੇ ਅਤੇ ਉਨ੍ਹਾਂ ਨੇ ਆਪਣੇ ਬੱਚਿਆਂ ਦਾ ਹੌਸਲਾ ਵਧਾਇਆ।

‘ਐਕਵਾ ਵੇਲੋਸਿਟੀ’ ਦਾ ਆਯੋਜਨ ਬੱਚਿਆਂ ਵਿੱਚ ਤੈਰਾਕੀ ਪ੍ਰਤੀ ਰੁਚੀ, ਆਤਮਵਿਸ਼ਵਾਸ ਅਤੇ ਸਮਰੱਥਾ ਨੂੰ ਵਧਾਉਣ ਦੇ ਉਦੇਸ਼ ਨਾਲ ਕੀਤਾ ਗਿਆ। ਇਸ ਮੁਕਾਬਲੇ ਰਾਹੀਂ ਬੱਚਿਆਂ ਨੂੰ ਛੋਟੀ ਉਮਰ ਵਿੱਚ ਹੀ ਖੇਡ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਦਾ ਸਕਾਰਾਤਮਕ, ਉਤਸ਼ਾਹਜਨਕ ਅਤੇ ਸੁਚੱਜਾ ਮੌਕਾ ਪ੍ਰਦਾਨ ਕੀਤਾ ਗਿਆ।

ਇਸ ਮੌਕੇ ਪੰਜਾਬ ਯੂਨੀਵਰਸਿਟੀ ਦੇ ਸਪੋਰਟਸ ਅਤੇ ਫਿਜ਼ੀਕਲ ਐਜੂਕੇਸ਼ਨ ਵਿਭਾਗ ਦੇ ਡਾਇਰੈਕਟਰ ਡਾ. ਰਾਕੇਸ਼ ਮਲਿਕ, ਯੂਟੀ ਚੰਡੀਗੜ੍ਹ ਖੇਡ ਵਿਭਾਗ ਦੇ ਜੁਆਇੰਟ ਡਾਇਰੈਕਟਰ ਡਾ. ਮਹਿੰਦਰ ਸਿੰਘ, ਯੂਟੀ ਚੰਡੀਗੜ੍ਹ ਦੇ ਸੀਨੀਅਰ ਤੈਰਾਕੀ ਕੋਚ ਪਰਮਜੀਤ ਸਿੰਘ, ਪੰਜਾਬ ਦੇ ਮਹਾਰਾਜਾ ਰਣਜੀਤ ਸਿੰਘ ਪੁਰਸਕਾਰ ਨਾਲ ਸਨਮਾਨਿਤ ਤੈਰਾਕੀ ਕੋਚ ਚਾਹਤ ਅਰੋੜਾ ਅਤੇ ਸੈਕਟਰ-23 ਪੂਲ ਦੇ ਇੰਚਾਰਜ ਅਤੇ ਤੈਰਾਕੀ ਕੋਚ ਸ਼ਰਨਪ੍ਰੀਤ ਸਿੰਘ ਮੌਜੂਦ ਰਹੇ।

ਇਸ ਮੌਕੇ ਬਿਲਟ ਫ਼ਾਰ ਸਪੀਡ ਐਨਜੀਓ ਦੇ ਜਨਰਲ ਸਕੱਤਰ ਅਨੀਸ਼ ਜਖ਼ਮੀ ਨੇ ਕਿਹਾ ਕਿ ਸੰਸਥਾ ਦਾ ਉਦੇਸ਼ ਸਿਰਫ਼ ਵੱਖ-ਵੱਖ ਖੇਡ ਮੁਕਾਬਲੇ ਕਰਵਾਉਣ ਤੱਕ ਸੀਮਿਤ ਨਹੀਂ ਹੈ।

ਉਨ੍ਹਾਂ ਕਿਹਾ, “ਸਾਡਾ ਲੰਬੇ ਸਮੇਂ ਦਾ ਉਦੇਸ਼ ਪ੍ਰਤਿਭਾਸ਼ਾਲੀ ਅਤੇ ਖੇਡ ਪ੍ਰਤੀ ਸਮਰਪਿਤ ਨੌਜਵਾਨ ਖਿਡਾਰੀਆਂ ਦੀ ਪਛਾਣ ਕਰਨਾ ਅਤੇ ਉਨ੍ਹਾਂ ਨੂੰ ਅੱਗੇ ਵਧਣ ਵਿੱਚ ਸਹਿਯੋਗ ਦੇਣਾ ਹੈ। ਅਸੀਂ ਸਿਰਫ਼ ਮੁਕਾਬਲਿਆਂ ਵਿੱਚ ਭਾਗੀਦਾਰੀ ਤੱਕ ਸੀਮਿਤ ਨਹੀਂ ਰਹਿਣਾ ਚਾਹੁੰਦੇ, ਸਗੋਂ ਅਜਿਹੀ ਵਿਵਸਥਾ ਤਿਆਰ ਕਰਨਾ ਚਾਹੁੰਦੇ ਹਾਂ, ਜਿਸ ਵਿੱਚ ਬੱਚਿਆਂ ਨੂੰ ਉਨ੍ਹਾਂ ਦੇ ਖੇਡ ਸਫ਼ਰ ਦੇ ਵੱਖ-ਵੱਖ ਪੜਾਵਾਂ ’ਤੇ ਢੁਕਵਾਂ ਸਹਿਯੋਗ ਮਿਲ ਸਕੇ। ਇਸ ਵਿੱਚ ਖੇਡ ਪ੍ਰਤੀ ਰੁਚੀ ਪੈਦਾ ਹੋਣ ਤੋਂ ਲੈ ਕੇ ਬੁਨਿਆਦੀ ਹੁਨਰ ਸਿੱਖਣ ਅਤੇ ਅੱਗੇ ਮੁਕਾਬਲੇ ਦੇ ਪੱਧਰ ’ਤੇ ਬਿਹਤਰ ਪ੍ਰਦਰਸ਼ਨ ਕਰਨ ਤੱਕ ਉਨ੍ਹਾਂ ਦੀ ਸਹਾਇਤਾ ਕੀਤੀ ਜਾ ਸਕੇ।”

ਉਨ੍ਹਾਂ ਕਿਹਾ ਕਿ ‘ਐਕਵਾ ਵੇਲੋਸਿਟੀ’ ਵਰਗੇ ਮੁਕਾਬਲੇ ਬੱਚਿਆਂ ਨੂੰ ਝਿਜਕ ਦੂਰ ਕਰਨ, ਸਿਹਤਮੰਦ ਮੁਕਾਬਲੇ ਦੀ ਭਾਵਨਾ ਨੂੰ ਸਮਝਣ ਅਤੇ ਅਨੁਸ਼ਾਸਨ ਤੇ ਖੇਡ ਭਾਵਨਾ ਵਿਕਸਿਤ ਕਰਨ ਵਿੱਚ ਮਦਦ ਕਰਦੇ ਹਨ। ਇਸ ਦੇ ਨਾਲ ਹੀ, ਬੱਚਿਆਂ ਨੂੰ ਸੁਚੱਜੇ ਢੰਗ ਨਾਲ ਕਰਵਾਏ ਜਾਂਦੇ ਖੇਡ ਮੁਕਾਬਲੇ ਵਿੱਚ ਹਿੱਸਾ ਲੈਣ ਦਾ ਆਨੰਦ ਵੀ ਮਿਲਦਾ ਹੈ।

ਬਿਲਟ ਫ਼ਾਰ ਸਪੀਡ ਐਨਜੀਓ ਇਸ ਪਹਿਲ ਨੂੰ ਅੱਗੇ ਵਧਾਉਂਦੇ ਹੋਏ ਐਥਲੈਟਿਕਸ ਅਤੇ ਲਾਅਨ ਟੈਨਿਸ ਸਮੇਤ ਹੋਰ ਖੇਡਾਂ ਵਿੱਚ ਵੀ ਇਸੇ ਤਰ੍ਹਾਂ ਦੇ ਮੁਕਾਬਲੇ ਕਰਵਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਸ ਦਾ ਵਿਆਪਕ ਉਦੇਸ਼ ਟ੍ਰਾਈਸਿਟੀ ਖੇਤਰ ਵਿੱਚ ਖੇਡ ਪ੍ਰਤਿਭਾਵਾਂ ਨੂੰ ਅੱਗੇ ਵਧਾਉਣਾ ਅਤੇ ਸ਼ਾਨਦਾਰ ਪ੍ਰਦਰਸ਼ਨ, ਭਾਗੀਦਾਰੀ ਅਤੇ ਖੇਡ ਭਾਵਨਾ ਦੀ ਸੰਸਕ੍ਰਿਤੀ ਨੂੰ ਉਤਸ਼ਾਹਿਤ ਕਰਨਾ ਹੈ।

ਸੰਸਥਾ ਦਾ ਟੀਚਾ ਨੌਜਵਾਨ ਖਿਡਾਰੀਆਂ ਨੂੰ ਅਜਿਹਾ ਬਿਹਤਰ ਅਤੇ ਸਹਿਯੋਗਪੂਰਨ ਮੁਕਾਬਲੇ ਵਾਲਾ ਮਾਹੌਲ ਪ੍ਰਦਾਨ ਕਰਨਾ ਵੀ ਹੈ, ਜਿੱਥੇ ਉਹ ਆਪਣੀ ਸਮਰੱਥਾ ਨੂੰ ਪਰਖ ਸਕਣ। ਲੰਬੇ ਸਮੇਂ ਵਿੱਚ ਇਸ ਦਾ ਉਦੇਸ਼ ਪ੍ਰਤਿਭਾਸ਼ਾਲੀ ਅਤੇ ਸਮਰਪਿਤ ਬੱਚਿਆਂ ਨੂੰ ਖੇਡ ਦੇ ਉੱਚ ਪੱਧਰ ਤੱਕ ਪਹੁੰਚਣ ਵਿੱਚ ਸਹਿਯੋਗ ਦੇਣਾ ਹੈ।

ਜੇਤੂਆਂ ਵਿੱਚ ਦਿਵਿਆਨਾ ਭੰਡਾਰੀ ਨੇ ਗਰਲਜ਼ ਅੰਡਰ-17 50 ਮੀਟਰ ਬੈਕਸਟ੍ਰੋਕ ਵਿੱਚ 42.63 ਸਕਿੰਟ ਦੇ ਸਮੇਂ ਨਾਲ ਪਹਿਲਾ ਸਥਾਨ ਹਾਸਲ ਕੀਤਾ, ਜਦਕਿ ਆਦਿਤਿਆ ਕਰਕੋਟੀ ਨੇ ਬੁਆਏਜ਼ ਅੰਡਰ-14 50 ਮੀਟਰ ਬਟਰਫਲਾਈ ਵਿੱਚ 31.33 ਸਕਿੰਟ ਦੇ ਸਮੇਂ ਨਾਲ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਆਯਨੀ ਸਿੰਗਲਾ ਨੇ ਗਰਲਜ਼ ਅੰਡਰ-12 25 ਮੀਟਰ ਬਟਰਫਲਾਈ ਵਿੱਚ 22.93 ਸਕਿੰਟ ਦੇ ਸਮੇਂ ਨਾਲ ਪਹਿਲਾ ਸਥਾਨ ਹਾਸਲ ਕੀਤਾ। ਬੁਆਏਜ਼ ਅੰਡਰ-10 25 ਮੀਟਰ ਫ੍ਰੀਸਟਾਈਲ ਵਿੱਚ ਗੁਰਸੰਜਮ ਮਾਨ 17.12 ਸਕਿੰਟ ਦੇ ਸਮੇਂ ਨਾਲ ਪਹਿਲੇ ਸਥਾਨ ’ਤੇ ਰਹੇ, ਜਦਕਿ ਐਲਾਵਰਬੀਰ ਸਿੰਘ ਗਿੱਲ ਨੇ ਬੁਆਏਜ਼ ਅੰਡਰ-8 25 ਮੀਟਰ ਫ੍ਰੀਸਟਾਈਲ ਵਿੱਚ 22.11 ਸਕਿੰਟ ਦੇ ਸਮੇਂ ਨਾਲ ਜਿੱਤ ਦਰਜ ਕੀਤੀ। ਅਰਨਿਕਾ ਕਟੋਚ ਨੇ ਗਰਲਜ਼ ਅੰਡਰ-8 25 ਮੀਟਰ ਫ੍ਰੀਸਟਾਈਲ ਵਿੱਚ 21.00 ਸਕਿੰਟ ਦੇ ਸਮੇਂ ਨਾਲ ਪਹਿਲਾ ਸਥਾਨ ਹਾਸਲ ਕੀਤਾ।

ਹੋਰ ਤਮਗਾ ਜੇਤੂਆਂ ਵਿੱਚ ਗਰਲਜ਼ ਅੰਡਰ-17 50 ਮੀਟਰ ਬੈਕਸਟ੍ਰੋਕ ਵਿੱਚ ਗੁਨਰੂਪ ਕੌਰ ਨੇ 55.87 ਸਕਿੰਟ ਦੇ ਸਮੇਂ ਨਾਲ ਦੂਜਾ ਅਤੇ ਸਲਾਮਤ ਬਰਾੜ ਨੇ 01:06.42 ਮਿੰਟ ਦੇ ਸਮੇਂ ਨਾਲ ਤੀਜਾ ਸਥਾਨ ਹਾਸਲ ਕੀਤਾ। ਬੁਆਏਜ਼ ਅੰਡਰ-14 50 ਮੀਟਰ ਬਟਰਫਲਾਈ ਵਿੱਚ ਨਿਮਿਸ਼ ਸ਼ਰਮਾ ਨੇ 32.50 ਸਕਿੰਟ ਅਤੇ ਆਰੀਅਨ ਦੇਵਧਰ ਨੇ 34.73 ਸਕਿੰਟ ਦੇ ਸਮੇਂ ਨਾਲ ਕ੍ਰਮਵਾਰ ਦੂਜਾ ਅਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।

ਗਰਲਜ਼ ਅੰਡਰ-12 25 ਮੀਟਰ ਬਟਰਫਲਾਈ ਵਿੱਚ ਯਾਵੀ ਸ਼ਾਹ ਨੇ 23.15 ਸਕਿੰਟ ਦੇ ਸਮੇਂ ਨਾਲ ਦੂਜਾ ਅਤੇ ਅਨਾਹਿਤਾ ਚੌਹਾਨ ਨੇ 23.79 ਸਕਿੰਟ ਦੇ ਸਮੇਂ ਨਾਲ ਤੀਜਾ ਸਥਾਨ ਹਾਸਲ ਕੀਤਾ। ਬੁਆਏਜ਼ ਅੰਡਰ-10 25 ਮੀਟਰ ਫ੍ਰੀਸਟਾਈਲ ਵਿੱਚ ਅਯਾਨ ਬਿਸ਼ਨੋਈ ਨੇ 18.46 ਸਕਿੰਟ ਅਤੇ ਪੀਯੂਸ਼ ਨੇ 18.53 ਸਕਿੰਟ ਦੇ ਸਮੇਂ ਨਾਲ ਕ੍ਰਮਵਾਰ ਦੂਜਾ ਅਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।

ਬੁਆਏਜ਼ ਅੰਡਰ-8 25 ਮੀਟਰ ਫ੍ਰੀਸਟਾਈਲ ਵਿੱਚ ਅਰਹਾਨ ਸਿੰਘ ਨੇ 23.12 ਸਕਿੰਟ ਅਤੇ ਕਰਮਬੀਰ ਸਿੰਘ ਨੇ 23.71 ਸਕਿੰਟ ਦੇ ਸਮੇਂ ਨਾਲ ਕ੍ਰਮਵਾਰ ਦੂਜਾ ਅਤੇ ਤੀਜਾ ਸਥਾਨ ਹਾਸਲ ਕੀਤਾ। ਉੱਥੇ ਹੀ, ਗਰਲਜ਼ ਅੰਡਰ-8 25 ਮੀਟਰ ਫ੍ਰੀਸਟਾਈਲ ਵਿੱਚ ਮੀਰਾ ਗੁਪਤਾ ਨੇ 21.86 ਸਕਿੰਟ ਅਤੇ ਸਾਇਰਾ ਨੇ 24.10 ਸਕਿੰਟ ਦੇ ਸਮੇਂ ਨਾਲ ਕ੍ਰਮਵਾਰ ਦੂਜਾ ਅਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।

ਭਾਰਤ ਦੀ ਮਹਿਲਾ ਰਿਲੇ ਟੀਮ ਨੇ ਗੋਲਡ ਮੈਡਲ ਜਿੱਤ ਕੇ ਇਤਿਹਾਸ ਰਚ ਦਿੱਤਾ। ਭਾਰਤ ਨੇ ਔਰਤਾਂ ਦੀ 4×400 ਮੀਟਰ ਰਿਲੇ ਦੌੜ ਵਿੱਚ 3:29.69 ਮਿੰਟ ਦੇ ਬੈਸਟ ਸਮੇਂ ਨਾਲ ਗੋਲਡ ਮੈਡਲ ਜਿੱਤਿਆ। ਕਿਰਨ, ਪੂਵੰਮਾ, ਪ੍ਰਾਚੀ ਅਤੇ ਵਿਥਿਆ ਦੀ ਟੀਮ ਨੇ ਮਿਲ ਕੇ ਹੈਰਤਅੰਗੇਜ਼ ਪ੍ਰਦਰਸ਼ਨ ਕੀਤਾ। ਇਹ ਮੌਜੂਦਾ ਖੇਡਾਂ ਵਿੱਚ ਭਾਰਤ ਦਾ ਕੁੱਲ ਛੇਵਾਂ ਸੋਨ ਅਤੇ 10ਵੇਂ ਦਿਨ ਦਾ ਦੂਜਾ ਮੈਡਲ ਹੈ। ਵਿਤਿਆ ਰਾਮਰਾਜਨ ਨੇ ਆਖਰੀ 400 ਮੀਟਰ ਵਿੱਚ ਬਹਿਰੀਨ ਅਤੇ ਚੀਨ ਨੂੰ ਪਛਾੜ ਕੇ ਭਾਰਤ ਨੂੰ ਦੂਜੇ ਸਥਾਨ ਤੋਂ ਪਹਿਲੇ ਸਥਾਨ ‘ਤੇ ਪਹੁੰਚਾਇਆ ਅਤੇ ਸੋਨ ਤਗਮਾ ਜਿੱਤਿਆ। ਇਨ੍ਹਾਂ ਖੇਡਾਂ ਵਿੱਚ ਅਥਲੈਟਿਕਸ ਵਿੱਚ ਇਹ ਭਾਰਤ ਦਾ ਪਹਿਲਾ ਗੋਲਡ ਮੈਡਲ ਹੈ।

ਐਥਲੈਟਿਕਸ ਦੇ ਆਖਰੀ ਦਿਨ ਧੀਆਂ ਨੇ ਕੀਤਾ ਕਮਾਲ

ਮੰਗਲਵਾਰ, 29 ਸਤੰਬਰ, ਜਾਪਾਨ ਦੇ ਆਈਚੀ-ਨਾਗੋਆ ਵਿੱਚ ਚੱਲ ਰਹੀਆਂ ਖੇਡਾਂ ਵਿੱਚ ਐਥਲੈਟਿਕਸ ਦਾ ਆਖਰੀ ਦਿਨ ਸੀ। ਇਸਦਾ ਮਤਲਬ ਸੀ ਕਿ ਭਾਰਤ ਕੋਲ ਟਰੈਕ ਐਂਡ ਫੀਲਡ ਵਿੱਚ ਵੱਧ ਤੋਂ ਵੱਧ ਮੈਡਲ ਜਿੱਤਣ ਦਾ ਆਖਰੀ ਮੌਕਾ ਸੀ। ਭਾਰਤ ਨੂੰ, ਖਾਸ ਕਰਕੇ, ਇੱਕ ਗੋਲਡ ਮੈਡਲ ਦੀ ਸਖ਼ਤ ਜ਼ਰੂਰਤ ਸੀ, ਜੋ ਕਿ ਟਰੈਕ ਐਂਡ ਫੀਲਡ ਦੀ ਸ਼ੁਰੂਆਤ ਤੋਂ ਬਾਅਦ ਨਹੀਂ ਆਇਆ ਸੀ। ਪਹਿਲੇ ਦਿਨ ਤੋਂ ਹੀ ਟਰੈਕ ਐਂਡ ਫੀਲਡ ਵਿੱਚ ਸਿਲਵਰ ਅਤੇ ਬ੍ਰਾਂਜ ਮੈਡਲ ਆ ਰਹੇ ਸਨ ਅਤੇ ਇਹ ਸਿਲਸਿਲਾ ਆਖਰੀ ਦਿਨ ਵੀ ਜਾਰੀ ਰਿਹਾ। ਪਰ ਹਰ ਇਵੈਂਟ ਦੇ ਨਾਲ ਗੋਲਡ ਦਾ ਮੌਕਾ ਖਿਸਕਦਾ ਜਾ ਰਿਹਾ ਸੀ।

ਫਿਰ ਆਇਆ ਸੈਕੇਂਡ ਲਾਸਟ ਇਵੈਂਟ, ਜਿਸ ਵਿੱਚ ਭਾਰਤ ਦੀਆਂ ਚਾਰ ਧੀਆਂ ਨੇ ਆਖਰਕਾਰ ਇਹ ਉਡੀਕ ਖਤਮ ਕਰ ਦਿੱਤੀ। ਕਿਰਨ ਨੇ ਇਸ ਫਾਈਨਲ ਵਿੱਚ ਭਾਰਤ ਲਈ ਦੌੜ ਸ਼ੁਰੂ ਕੀਤੀ ਅਤੇ ਫਿਰ ਪੂਵੰਮਾ ਨੂੰ ਬੈਟਨ ਪਕੜਾਈ। 36 ਸਾਲਾ ਪੂਵੰਮਾ ਨੇ ਆਪਣੇ ਤਜਰਬੇ ਦੀ ਪੂਰੀ ਵਰਤੋਂ ਕਰਦਿਆਂ ਭਾਰਤ ਨੂੰ ਟਾਪ-3 ਵਿੱਚ ਪਹੁੰਚਾਇਆ ਅਤੇ ਫਿਰ ਪ੍ਰਾਚੀ ਨੂੰ ਜਿੰਮੇਦਾਰੀ ਸੌਂਪ ਦਿੱਤੀ। ਪ੍ਰਾਚੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਭਾਰਤ ਨੂੰ ਦੂਜੇ ਸਥਾਨ ‘ਤੇ ਪਹੁੰਚਾਇਆ।

ਆਖਰੀ ਰਾਉਂਡ ‘ਚ ਬਦਲ ਗਿਆ ਦੌੜ ਦਾ ਰੁਖ਼

ਪ੍ਰਾਚੀ ਨੇ ਜਿਵੇਂ ਹੀ ਵਿਥਿਆ ਰਾਮਰਾਜ ਨੂੰ ਆਖਰੀ ਰਾਉਂਡ ਦੀ ਬੈਟਨ ਫੜਾਈ ਤਾਂ ਉੱਥੋਂ ਦੌੜ ਦਾ ਰੁਖ਼ ਬਦਲ ਗਿਆ। ਇੱਕ ਦਿਨ ਪਹਿਲਾਂ ਹੀ ਔਰਤਾਂ ਦੀ 400 ਮੀਟਰ ਰੁਕਾਵਟ ਦੌੜ ਵਿੱਚ ਬ੍ਰਾਂਜ ਮੈਡਲ ਜਿੱਤਣਅਤੇ ਪੀਟੀ ਉਸ਼ਾ ਦੇ ਸਾਲਾਂ ਪੁਰਾਣੇ ਰਿਕਾਰਡ ਨੂੰ ਤੋੜਣ ਵਾਲੀ ਵਿਥਿਆਨੇ ਇੱਕ ਵਾਰ ਫਿਰ ਆਪਣੀ ਤਾਕਤ ਦਿਖਾਈ। 28 ਸਾਲਾ ਵਿਥਿਆ ਨੇ ਮਜ਼ਬੂਤ ​​ਸ਼ੁਰੂਆਤ ਕੀਤੀ, ਮੋਹਰੀ ਚੀਨੀ ਦੌੜਾਕ ਨੂੰ ਪਛਾੜ ਕੇ ਨੰਬਰ ਇੱਕ ਬਣ ਗਈ। ਹਾਲਾਂਕਿ, ਬਹਿਰੀਨ ਦੀ ਦੌੜਾਕ ਬਹੁਤ ਨੇੜੇ ਆ ਗਈ, ਪਰ ਵਿਥਿਆ ਨੇ ਉਸਨੂੰ ਅੱਗੇ ਨਹੀਂ ਨਿਕਲਣ ਦਿੱਤਾ ਅਤੇ ਦੇਸ਼ ਲਈ ਯਾਦਗਾਰ ਗੋਲਡ ਮੈਡਲ ਜਿੱਤ ਕੇ ਹੀ ਦੱਮ ਲਿਆ।