NRI ਪੰਜਾਬੀ ਹੋੲੇ AAP ਤੋਂ ਨਾਰਾਜ਼, ਜਾਣੋ ਵਜ੍ਹਾ: ਆਮ ਆਦਮੀ ਪਾਰਟੀ ਦੇ ਸਪੋਰਟਰ ਐੱਨ.ਆਰ.ਆਈ. ਪੰਜਾਬ ਪਾਰਟੀ ਵੱਲੋਂ ਚੁਣੀ ਗਈ ਰਾਜ ਸਭਾ ਦੇ ਉਮੀਦਵਾਰਾਂ ਦੀ ਚੋਣ ਨੂੰ ਲੈ ਕੇ ਕਾਫੀ ਨਰਾਜ਼ ਹਨ।ਆਪ ਆਗੂ ਇਸ ਗੱਲ ਆਪਣੇ ਆਪ ਹੀ ਕਹਿ ਰਹੇ ਹਨ ਕਿ ਉਹ ਪਾਰਟੀ ਦੇ ਇਸ ਫੈਸਲੇ ਤੋਂ ਨਾਖ਼ੁਸ਼ ਹਨ। ਆਪ ਵਲੋਂ ਰਾਜ ਸਭਾ ਦੇ ਮੈਬਰਾਂ ਦੀ ਚੋਣ ਦਿੱਲੀ ਤੋਂ ਸੀਨੀਅਰ ਆਗੂ ਸੰਜੇ ਸਿੰਘ,ਕਾਰੋਬਾਰੀ ਸੁਸ਼ੀਲ ਗੁਪਤਾ ਅਤੇ ਚਾਰਟਰਡ ਅਕਾਊਟੈਂਟ ਐੱਨ.ਡੀ.ਗੁਪਤਾ ਦੀ ਚੋਣ ਕੀਤੀ ਗਈ ਹੈ।
ਸੁਸ਼ੀਲ ਗੁਪਤਾ ਦੇ ਕਾਂਗਰਸ ਦੇ ਨਾਲ ਸਬੰਧ ਹੋਣ ਕਰਕੇ ਆਸਟ੍ਰੇਲੀਆ ਦੇ ਭਵਜੀਤ ਸਿੰਘ ਨੇ ਤਿੱਖੀ ਪ੍ਰੀਕਿਰਿਆ ਦਿੱਤੀ ਹੈ। ਉਹਨਾਂ ਨੇ ਕਿਹਾ ਹੈ ਕਿ ਉਮਮੀਦਵਾਰਾ ਦੀ ਚੋਣ ਦੇ ਨਾਵਾਂ ਨੇ ਉਹਨਾਂ ਨੂੰ ਕਾਫੀ ਨਰਾਜ਼ ਕੀਤਾ ਹੈ।ਸਾਰੇ ਐੱਨ.ਆਰ.ਆਈ ਵਲੰਟੀਅਰ ਇਸ ਗੱਲ ਤੋਂ ਵੀ ਨਿਰਾਸ਼ ਹਨ ਕਿ ਪਾਰਟੀ ਦੀ ਸਾਰੀ ਵਾਂਗਡੋਰ ਦਿੱਲੀ ਦੇ ਆਗੂਆਂ ਦੇ ਹੱਥ ਫੜਾ ਦਿੱਤੀ ਹੈ। ਤੇ ਨਾਲ ਹੀ ਇਸ ਗੱਲ ਦਾ ਵੀ ਖੁਲਾਸਾ ਕੀਤਾ ਹੈ ਕਿ ਪਾਰਟੀ ਨੂੰ ਸਾਡੀਆਂ ਭਾਵਨਾਵਾਂ ਨਾਲ ਕੋਈ ਤਾਲੁਕ ਨਹੀ ਉਹਨਾਂ ਨੂੰ ਸਿਰਫ ਡਾਲਰ ਚਾਹੀਦੇ ਹਨ। ਇਸ ਸਬੰਧ ਵਿੱਚ ਸਾਰੇ ਐੱਨ.ਆਰ.ਆਈ ਗੁੱਸੇ ਵਿੱਚ ਭੜਕ ਰਹੇ ਹਨ।
-PTC News