ਲੋਕਾਂ ਨੂੰ ਆਕਸੀਜਨ ਦੇ ਕੇ ਜਾਨ ਬਚਾਉਣਾ ਕਰੋੜਾਂ ਦੀ ਕਮਾਈ ਤੋਂ ਵੀ ਵੱਧ ਖੁਸ਼ੀਆਂ ਦਿੰਦਾ ਹੈ
Jagroop Kaur
April 28th 2021 05:45 PM
ਫ਼ਿਲਮ ਵਿਚ ਵਿਲੇਨ ਤੇ ਅਸਲ ਜ਼ਿੰਦਗੀ ਦੇ ਹੀਰੋ ਸੋਨੂ ਸੂਦ ਦੇਸ਼ ਵਿੱਚ ਫੈਲੀ ਕੋਰੋਨਾ ਮਹਾਂਮਾਰੀ ਦੌਰਾਨ ਲੋਕਾਂ ਦੇ ਲਈ ਮਸੀਹਾ ਤੋਂ ਘਟ ਸਾਬਿਤ ਨਹੀਂ ਹੋਏ ,ਸਰਕਾਰ ਵੱਲੋਂ ਦੇਸ਼ ਵਿੱਚ ਲੌਕਡਾਉਨ ਲਾਏ ਗਏ ਦੌਰਾਨ ਅਦਾਕਾਰ ਸੋਨੂੰ ਸੂਦ ਨੇ ਲੱਖਾਂ ਲੋਕਾਂ ਨੂੰ ਉਨ੍ਹਾਂ ਦੇ ਘਰਾਂ ਵਿੱਚ ਪੁੱਜਦਾ ਕਰਕੇ ਮਦਦ ਕੀਤੀ ਸੀ। ਸੋਨੂੰ ਦੀ ਇਸ ਕਦਮ ਨੇ ਸਾਰੇ ਦੇਸ਼ ਦਾ ਦਿਲ ਜਿੱਤ ਲਿਆ। ਸੋਨੂੰ ਨੇ ਇੱਕ ਵਾਰ ਫਿਰ ਕੋਰੋਨਾ ਨੂੰ ਮਾਤ ਦੇਣ ਲਈ ਤਿਆਰੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਮੁਸ਼ਕਲ ਹਾਲਾਤ ਵਿੱਚ ਲੋਕਾਂ ਦੀ ਮਦਦ ਕਰਨਾ ਕਿਸੇ ਵੀ 100 ਕਰੋੜ ਦੀ ਫਿਲਮ ਦਾ ਹਿੱਸਾ ਬਣਨ ਨਾਲੋਂ ਵਧੇਰੇ ਸੰਤੁਸ਼ਟੀਜਨਕ ਹੈ।
READ MORE : ਆਖਰੀ ਸਾਹਾਂ ਦਾ ਵਾਸਤਾ ਦਿੰਦਿਆਂ ਲੰਗਾਹ ਦੇ ਮਾਤਾ ਪਿਤਾ ਨੇ ਸ੍ਰੀ ਅਕਾਲ ਤਖਤ ਸਾਹਿਬ...
ਇਸ ਪੂਰੀ ਗੱਲਬਾਤ ਦਾ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੂੰ ਸੋਨੂੰ ਸੂਦ ਦੇ ਇਕ ਫੈਨ ਪੇਜ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਸ਼ੇਅਰ ਕੀਤਾ ਹੈ। ਵੀਡੀਓ 'ਚ ਨਜ਼ਰ ਆ ਰਿਹਾ ਹੈ ਕਿ ਚਿਹਰੇ 'ਤੇ ਮਾਸਕ ਲਾਏ ਸੋਨੂੰ ਸੂਦ ਏਅਰਪੋਰਟ ਦੇ ਅੰਦਰ ਜਾ ਰਹੇ ਹਨ ਉਦੋਂ ਇਕ ਸ਼ਖ਼ਸ ਉਨ੍ਹਾਂ ਦੇ ਕੋਲ ਆਉਂਦਾ ਹੈ ਤੇ ਇੰਜੈਕਸ਼ਨ ਸੰਬਧੀ ਕੁਝ ਕਹਿੰਦਾ ਹੈ। ਇਸ ਤੋਂ ਬਾਅਦ ਸੋਨੂੰ ਸੂਦ ਉਸ ਸ਼ਖ਼ਸ ਨੂੰ ਕਹਿੰਦੇ ਹਨ ਕਿ ਆਪਣਾ ਪਤਾ ਭੇਜ ,ਅਸੀਂ ਕਿੱਥੇ ਦਵਾਈ ਭੇਜੀਏ। ਸੋਨੂੰ ਸੂਦ ਆਪਣੇ ਨਾਲ ਮੌਜੂਦ ਟੀਮ ਮੈਂਬਰ ਤੋਂ ਉਸ ਸ਼ਖ਼ਸ ਦੀ ਡਿਟੇਲ ਲੈਣ ਲਈ ਕਹਿੰਦੇ ਹਨ ਤੇ ਅੱਗੇ ਵਧ ਜਾਂਦੇ ਹਨ।
