ਵੰਡ ਦਾ ਦੁਖਾਂਤ: ਪਾਕਿਸਤਾਨ 'ਚ ਰਹਿ ਰਹੀ ਭੈਣ 75 ਸਾਲ ਬਾਅਦ ਮਿਲੀ ਆਪਣੇ ਭਰਾਵਾਂ ਨੂੰ
Pardeep Singh
May 19th 2022 06:21 PM
ਸ੍ਰੀ ਕਰਤਾਰਪੁਰ ਸਾਹਿਬ: ਪਾਕਿ-ਭਾਰਤ ਦਾ ਦੁਖਾਂਤ ਅਜੇ ਵੀ ਬਜ਼ੁਰਗਾਂ ਦੇ ਦਿਲਾਂ ਵਿੱਚ ਉਵੇਂ ਹੀ ਹਰਾ ਹੈ। ਇਹ ਦੁਖਾਂਤ ਕਦੇ ਨਾ ਭੁੱਲਣ ਵਾਲਾ ਹੈ। 1947 ਵਿੱਚ ਕਈ ਪਰਿਵਾਰ ਵਿਛੜੇ ਹਨ ਜਿਨ੍ਹਾਂ ਦਾ ਵਿਛੋੜਾ ਪਰਿਵਾਰ ਦੀਆਂ ਸਿਮਰਤੀਆਂ ਵਿੱਚ ਹਮੇਸ਼ਾ ਰੜਕਦਾ ਰਹਿੰਦਾ ਹੈ।1947 ਦੀ ਵੰਡ ਦਾ ਸ਼ਿਕਾਰ ਬੀਬੀ ਮੁਮਤਾਜ ਵੀ ਹੋਈ। ਉਹ ਵੀ ਆਪਣੇ ਪਰਿਵਾਰ ਤੋਂ ਵਿਛੜ ਗਈ। ਬੀਬੀ ਮੁਮਤਾਜ ਦੱਸਦੀ ਹੈ ਕਿ ਉਹ ਜਦੋਂ 1947 ਦੀ ਵੰਡ ਹੋਈ ਉਸ ਸਮੇਂ ਉਹ ਛੋਟੀ ਬੱਚੀ ਸੀ। ਉਹ ਉਸ ਸਮੇਂ ਆਪਣੀ ਮਾਂ ਦੀ ਲਾਸ਼ ਕੋਲ ਬੈਠ ਕੇ ਰੋ ਰਹੀ ਸੀ। ਲਾਸ਼ ਕੋਲ ਬੈਠੀ ਨੂੰ ਦੇਖ ਕੇ ਪਾਕਿਸਤਾਨ ਦੇ ਇਕ ਮੁਸਲਿਮ ਜੋੜੇ ਨੂੰ ਉਸ 'ਤੇ ਤਰਸ ਆ ਗਿਆ। ਜਿਸ ਤੋਂ ਬਾਅਦ ਮੁਹੰਮਦ ਇਕਬਾਲ ਅਤੇ ਉਸਦੀ ਪਤਨੀ ਅੱਲ੍ਹਾ ਰੱਖੀ ਨੇ ਉਸ ਨੂੰ ਗੋਦ ਲੈ ਲਿਆ ਅਤੇ ਉਸਦਾ ਨਾਮ ਮੁਮਤਾਜ ਰੱਖਿਆ।