ਪਟਿਆਲਾ ਦੇ ਥਾਪਰ ਕਾਲਜ ਦੀ ਵਿਦਿਆਰਥਣ ਦੀ ਨਹਿਰ 'ਚੋਂ ਮਿਲੀ ਲਾਸ਼
Joshi
July 16th 2018 02:48 PM --
Updated:
July 16th 2018 03:01 PM
ਪਟਿਆਲਾ ਦੇ ਥਾਪਰ ਕਾਲਜ ਦੀ ਵਿਦਿਆਰਥਣ ਦੀ ਨਹਿਰ 'ਚੋਂ ਮਿਲੀ ਲਾਸ਼ ਪਟਿਆਲਾ ਦੇ ਥਾਪਰ ਕਾਲਜ ਵਿਚ ਪੜ੍ਹਨ ਵਾਲੀ ਸੁਮੀਤ ਕੌਰ ਨਾਮਕ ਲੜਕੀ ਦੀ ਲਾਸ਼ ਨਾਭਾ ਰੋਡ ਤੇ ਸਥਿਤ ਭਾਖੜਾ ਨਹਿਰ 'ਚੋਂ ਮਿਲੀ ਹੈ।ਮਿਲ਼ੀ ਜਾਣਕਾਰੀ ਮੁਤਾਬਕ, ਸਵੇਰੇ ਮ੍ਰਿਤਕ ਦੇਹ ਗੋਤਾਖੋਰਾਂ ਨੇ ਨਹਿਰ 'ਚੋਂ ਕੱਢੀ ਲੜਕੀ ਦੇ ਕੋਲੋਂ ਥਾਪਰ ਕਾਲਜ ਦਾ ਸ਼ਨਾਖਤੀ ਕਾਰਡ ਮਿਲਿਆ ਹੈ, ਜਿਸ ਤੋਂ ਲੜਕੀ ਦੀ ਪਹਿਚਾਣ ਹੋ ਸਕੀ ਹੈ। ਲੜਕੀ ਲਾਂਡਰਾਂ ਦੀ ਰਹਿਣ ਵਾਲੀ ਹੈ ਜਿਸ ਦਾ ਕੋਰਸ ਖ਼ਤਮ ਹੋ ਗਿਆ ਸੀ। ਅੱਜ ਲੜਕੀ ਦਾ ਕਾਲਜ ਵਿਚ ਆਖਰੀ ਦਿਨ ਸੀ ਅਤੇ ਪਰਿਵਾਰ ਨੇ ਉਸ ਨੂੰ ਲੈਣ ਆਉਣਾ ਸੀ, ਜਿਸ ਤੇ ਪਰਿਵਾਰਕ ਮੈਂਬਰਾਂ ਨੂੰ ਸੂਚਿਤ ਕਰ ਦਿਤਾ ਗਿਆ ਹੈ। ਉੱਥੇ ਹੀ ਪੁਲਿਸ ਵਲੋਂ ਲਾਸ਼ ਨੂੰ ਪਟਿਆਲਾ ਦੇ ਸਰਕਾਰੀ ਰਾਜਿੰਦਰ ਹਸਪਤਾਲ ਦੇ ਮੁਰਦਾ ਘਰ ਵਿਚ ਭੇਜ ਦਿੱਤਾ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ। —PTC News