ਟੋਰਾਂਟੋ : ਘਰ ਖਰੀਦਣਾ ਹੋ ਸਕਦਾ ਹੈ ਮਹਿੰਗਾ..!!
ਟੋਰਾਂਟੋ ਖੇਤਰ ਵਿੱਚ ਘਰ ਖਰੀਦਣ ਵਾਲਿਆਂ ਵਿਚਾਲੇ ਮੁਕਾਬਲੇਬਾਜ਼ੀ ਵੱਧਦੀ ਹੀ ਜਾ ਰਹੀ ਹੈ। ਭਾਵੇਂ ਸਾਲ ਦਰ ਸਾਲ ਦੇ ਹਿਸਾਬ ਨਾਲ ਇਸ ਇਲਾਕੇ ਵਿੱਚ ਘਰਾਂ ਦੀਆਂ ਕੀਮਤਾਂ ਵਿੱਚ 6.6 ਫੀਸਦੀ ਗਿਰਾਵਟ ਆਈ ਹੈ, ਫਿਰ ਵੀ ਪਿਛਲੇ ਮਹੀਨੇ ਘਰਾਂ ਦੀ ਔਸਤ ਕੀਮਤ ਮਈ 2017 ਵਿੱਚ ਘਰਾਂ ਦੀ ਕੀਮਤ 862,149 ਦੇ ਮੁਕਾਬਲੇ 805,320 ਡਾਲਰ ਦਰਜ ਕੀਤੀ ਗਈ ਹੈ।
ਇਸੇ ਅਰਸੇ ਦੌਰਾਨ ਘਰਾਂ ਦੀ ਰੀਸੇਲ ਵਿੱਚ ਵੀ 22.2 ਫੀਸਦੀ ਗਿਰਾਵਟ ਰਿਕਾਰਡ ਕੀਤੀ ਗਈ ਹੈ। ਅਜਿਹੇ ਸੰਕੇਤ ਵੀ ਮਿਲ ਰਹੇ ਹਨ ਕਿ ਘਰ ਖਰੀਦਣ ਵਿੱਚ ਮੁਕਾਬਲੇਬਾਜ਼ੀ ਨੇ ਜ਼ੋਰ ਫੜ੍ਹਿਆ ਹੈ ਤੇ ਇਸ ਨਾਲ ਸਾਲ ਦੇ ਦੂਜੇ ਅੱਧ ਤੇ ਸਾਲ 2019 ਵਿੱਚ ਘਰਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋ ਸਕਦਾ ਹੈ। ਇਹ ਖੁਲਾਸਾ ਟੋਰਾਂਟੋ ਰੀਅਲ ਅਸਟੇਟ ਬੋਰਡ ਦੇ ਮਾਰਕਿਟ ਅਨੈਲੇਸਿਸ ਡਾਇਰੈਕਟਰ ਜੇਸਨ ਮਰਸਰ ਵੱਲੋਂ ਕੀਤਾ ਗਿਆ।
ਉਨ੍ਹਾਂ ਪ੍ਰੈੱਸ ਰਲੀਜ਼ ਵਿੱਚ ਆਖਿਆ ਕਿ ਮਈ ਵਿੱਚ ਹਰ ਘਰ ਦੀ ਕਿਸਮ ਲਈ ਵਿੱਕਰੀ ਦੀ ਰਕਮ ਔਸਤ ਜਾਂ ਔਸਤ ਲਿਸਟਿੰਗ ਕੀਮਤਾਂ ਤੋਂ ਉੱਪਰ ਹੀ ਰਹੀ। ਘਰਾਂ ਦੀ ਨਵੀਂ ਲਿਸਟਿੰਗ ਮਈ ਵਿੱਚ 26.2 ਫੀ ਸਦੀ ਘੱਟ ਰਹੀ। ਮਈ 2017 ਵਿੱਚ 25,764 ਦੇ ਮੁਕਾਬਲੇ ਰੀਸੇਲ ਘਰਾਂ ਦੀ ਨਵੀਂ ਲਿਸਟਿੰਗ 19,022 ਰਹੀ। ਅੰਕੜਿਆਂ ਦੇ ਹਿਸਾਬ ਨਾਲ ਅਪਰੈਲ ਦੇ ਮੁਕਾਬਲੇ ਮਈ ਵਿੱਚ ਔਸਤਨ ਵਿੱਕਰੀ ਕੀਮਤ ੧.੧ ਫੀਸਦੀ ਨਾਲ ਵੱਧ ਰਹੀ ਹੈ।
—PTC News