ਪੰਜਾਬੀ ਸਿੰਗਰ ਕਾਕੇ ਦੇ ਨਵੇਂ ਗੀਤ 'ਮਿੱਟੀ ਦੇ ਟਿੱਬੇ' ਨੇ You Tube 'ਤੇ ਮਚਾਈ ਧਮਾਲ, ਕਰੋੜਾਂ ਲੋਕਾਂ ਨੇ ਕੀਤਾ ਪਸੰਦ
Kaka New Punjabi Song: ਪੰਜਾਬੀ ਸਿੰਗਰ ਕਾਕਾ ਦਾ ਨਵਾਂ ਗੀਤ 'ਮਿੱਟੀ ਦੇ ਟਿੱਬੇ' (Mitti De Tibbe) ਕਾਫ਼ੀ ਚਰਚਾ 'ਚ ਹੈ। ਇਹ ਗੀਤ ਸੁਪਰਹਿੱਟ ਹੋ ਚੁੱਕਿਆ ਹੈ। ਇਸ ਗਾਣੇ ਨੂੰ ਯੂਟਿਊਬ 'ਤੇ ਹੁਣ ਤੱਕ 23 ਮਿਲੀਅਨ ਯਾਨਿ ਢਾਈ ਕਰੋੜ ਦੇ ਕਰੀਬ ਲੋਕ ਦੇਖ ਚੁੱਕੇ ਹਨ। ਇਹ ਗਾਣਾ ਯੂਟਿਊਬ ਤੇ ਮਿਊਜ਼ਿਕ ਲਈ 9ਵੇਂ ਨੰਬਰ ਤੇ ਟਰੈਂਡ ਕਰ ਰਿਹਾ ਹੈ।
ਦੱਸ ਦਈਏ ਕਿ ਇਹ ਗੀਤ 28 ਜੁਲਾਈ ਨੂੰ ਰਿਲੀਜ਼ ਕੀਤਾ ਗਿਆ ਸੀ। ਦੋ ਹਫ਼ਤਿਆਂ ਬਾਅਦ ਵੀ ਇਸ ਗੀਤ ਨੇ ਹਾਲੇ ਤੱਕ ਟਰੈਂਡਿੰਗ 'ਚ ਆਪਣੀ ਜਗ੍ਹਾ ਬਣਾ ਕੇ ਰੱਖੀ ਹੋਈ ਹੈ। ਇਸ ਗੀਤ ਦੇ ਡੇਢ ਕਰੋੜ ਵਿਊਜ਼ ਮਿਲਣ ਤੇ ਗਾਣੇ ਦੇ ਟਰੈਂਡਿੰਗ 'ਚ ਬਣੇ ਰਹਿਣ ਦੀ ਖੁਸ਼ੀ 'ਚ ਕਾਕਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਟੋਰੀ ਸ਼ੇਅਰ ਕੀਤੀ ਸੀ।
ਉਨ੍ਹਾਂ ਨੇ ਯੂਟਿਊਬ ਤੋਂ ਸਕ੍ਰੀਨਸ਼ਾਟ ਲੈ ਕੇ ਆਪਣੀ ਸਟੋਰੀ 'ਚ ਅਪਲੋਡ ਵੀ ਕੀਤਾ ਸੀ। ਇਸ ਦੇ ਨਾਲ ਉਨ੍ਹਾਂ ਨੇ ਲਿਖਿਆ, "ਗੀਤ ਨੂੰ ਇੰਨਾਂ ਪਿਆਰ ਦੇਣ ਲਈ ਧੰਨਵਾਦ, ਇਸੇ ਤਰ੍ਹਾਂ ਪਿਆਰ ਦਿੰਦੇ ਰਹੋ, ਇਹੋ ਜਿਹੇ ਗੀਤ ਬਣਾਉਣ ਦਾ ਹੌਸਲਾ ਬਣਿਆ ਰਹਿੰਦਾ। ਆਰਟਿਸਟ ਮਰਨਾ ਨੀ ਚਾਹੀਦਾ।"
ਦੱਸ ਦਈਏ ਕਿ ਕਾਕਾ ਆਪਣੇ ਵੱਖਰੇ ਸਟਾਈਲ ਲਈ ਜਾਣੇ ਜਾਂਦੇ ਹਨ। ਕੁਝ ਦਿਨ ਪਹਿਲਾਂ ਉਨ੍ਹਾਂ ਨੇ ਆਟੋ ਚਲਾਉਂਦੇ ਹੋਏ ਆਪਣੀ ਇੱਕ ਵੀਡੀਓ ਸ਼ੇਅਰ ਕੀਤੀ ਸੀ ਜੋ ਕਿ ਕਾਫ਼ੀ ਵਾਇਰਲ ਹੋ ਗਈ ਸੀ।
-PTC News