ਸਿੱਖ ਨੌਜਵਾਨਾਂ ਨੇ ਇੱਕ ਵਾਰ ਫਿਰ ਪੇਸ਼ ਕੀਤੀ ਮਿਸਾਲ, ਦੇਸ਼ ਬੰਦ ਦੇ ਸੱਦੇ ਦੌਰਾਨ ਯਾਤਰੀਆਂ ਨੂੰ ਛਕਾਇਆ ਲੰਗਰ
SC/ST Bharat Bandh: Sikh youth serves Langar (food) to passengers: ਸਿੱਖ ਨੌਜਵਾਨਾਂ ਨੇ ਇੱਕ ਵਾਰ ਫਿਰ ਪੇਸ਼ ਕੀਤੀ ਮਿਸਾਲ, ਦੇਸ਼ ਬੰਦ ਦੇ ਸੱਦੇ ਦੌਰਾਨ ਯਾਤਰੀਆਂ ਨੂੰ ਛਕਾਇਆ ਲੰਗਰ
ਅਜਿਹੀ ਹੀ ਇੱਕ ਹੋਰ ਮਿਸਾਲ ਪੇਸ਼ ਕੀਤੀ ਹੈ ਆਗਰਾ ਦੇ ਸਿੱਖ ਨੌਜਵਾਨਾਂ ਨੇ।ਐਸ.ਸੀ/ਐਸ.ਟੀ ਐਕਟ 'ਚ ਦੇਸ਼ ਬੰਦ ਦੇ ਸੱਦੇ ਦੌਰਾਨ ਆਗਰਾ 'ਚ ਵੀ ਰੇਲਗੱਡੀਆਂ ਸਮੇਤ ਹੋਰ ਵਾਹਨਾਂ ਨੂੰ ਅੱਗੇ ਜਾਣ ਤੋਂ ਰੋਕ ਦਿੱਤਾ ਗਿਆ।
ਇਸ ਦੌਰਾਨ ਅਜੀਤ ਨਗਰ ਆਗਰਾ 'ਚ ਸਿੱਖ ਨੌਜਾਵਨਾਂ ਨੇ ਭੁੱਖੇ ਪਿਆਸੇ ਯਾਤਰੀਆਂ ਲਈ ਜਿੱਥੇ ਲੰਗਰ ਤਿਆਰ ਕਰਵਾਇਆ, ਉਥੇ ਹੀ ਸਟੇਸ਼ਨ ਸਮੇਤ ਉਹਨਾਂ ਸਥਾਨਾਂ 'ਤੇ ਲੰਗਰ ਲਗਾਇਆ ਜਿੱਥੇ ਯਾਤਰੀ ਭੁੱਖ ਅਤੇ ਗਰਮੀ ਤੋਂ ਬੇਹਾਲ ਹੋ ਰਹੇ ਸਨ।
ਸਿਰਫ ਇੰਨ੍ਹਾਂ ਹੀ ਨਹੀਂ, ਵੱਧਦੀ ਗਰਮੀ ਦੇ ਮੱਦੇਨਜ਼ਰ ਸਿੱਖ ਨੌਜਵਾਨਾਂ ਨੇ ਇਹ ਵੀ ਯਕੀਨੀ ਬਣਾਇਆ ਕਿ ਯਾਤਰੀਆਂ ਨੂੰ ਪਿਆਸ ਕਾਰਨ ਪਰੇਸ਼ਾਨੀ ਦਾ ਸਾਹਮਣਾ ਨਾ ਕਰਨਾ ਪਵੇ, ਜਿਸ ਕਾਰਨ ਉਹਨਾਂ ਨੇ ਦਿਨ ਭਰ ਜਲ ਦੀ ਸੇਵਾ ਵੀ ਜਾਰੀ ਰੱਖੀ।
ਅੱਜ ਆਪੋ ਧਾਪ ਦੇ ਇਸ ਦੌਰ 'ਚ ਅਜਿਹੀਆਂ ਉਦਾਹਰਣਾਂ ਇਹ ਯਕੀਨ ਦਵਾਉਂਦੀਆਂ ਹਨ ਕਿ ਇਨਸਾਨੀਅਤ ਇੰਨ੍ਹੀ ਜਲਦੀ ਵੀ ਮੁੱਕਣ ਵਾਲੀ ਨਹੀਂ।—PTC News