ਫ਼ਰੀਦਾਬਾਦ ਨਗਰ ਨਿਗਮ ਦਾ ਕਾਰਨਾਮਾ, ਸਰਵੇ 'ਚ ਔਰਤਾਂ 196-196 ਬੱਚੇ ਪੈਦਾ ਕਰ ਰਹੀਆਂ
ਫ਼ਰੀਦਾਬਾਦ : ਫ਼ਰੀਦਾਬਾਦ ਨਗਰ ਨਿਗਮ ਨੇ ਇਕ ਅਜਿਹਾ ਕਾਰਨਾਮਾ ਕਰ ਦਿਖਾਇਆ ਹੈ ਜੋ ਸ਼ਾਇਦ ਮਹਾਭਾਰਤ ਦੇ ਸਮੇਂ ਵੀ ਸੰਭਵ ਨਹੀਂ ਸੀ। ਮਹਾਭਾਰਤ ਵਿਚ ਤੁਸੀਂ ਸੁਣਿਆ ਹੋਵੇਗਾ ਕਿ ਕੌਰਵ 100 ਭਰਾ ਸਨ। ਫ਼ਰੀਦਾਬਾਦ ਵਿਚ ਕਈ ਅਜਿਹੀਆਂ ਔਰਤਾਂ ਹਨ, ਜਿਨ੍ਹਾਂ ਦੇ 5,10 ਜਾਂ 20 ਨਹੀਂ ਬਲਕਿ 196 ਬੱਚੇ ਹਨ। ਜਿਨ੍ਹਾਂ ਵਿਚੋਂ 98 ਲੜਕੀਆਂ ਤੇ 98 ਲੜਕੇ ਹਨ। ਇੰਨਾ ਹੀ ਨਹੀਂ ਤਿੰਨ ਗੁਆਂਢੀਆਂ ਦੇ ਬਰਾਬਰ ਬੱਚੇ ਹਨ।
ਜਦਕਿ ਕਈ ਅਜਿਹੀਆਂ ਔਰਤਾਂ ਹਨ ਜਿਨ੍ਹਾਂ ਦੇ 50,60 ਜਾਂ 70 ਬੱਚੇ ਹਨ। ਹਾਲਾਂਕਿ ਅਜਿਹਾ ਸੰਭਵ ਤਾਂ ਨਹੀਂ ਲੱਗਦਾ ਪਰ ਨਗਰ ਦੇ ਸਰਵੇ ਅਨੁਸਾਰ ਤਾਂ ਇਹ ਸੱਚ ਹੈ। ਆਰਟੀਆਈ ਰਹੀ ਮੰਗੀ ਗਈ ਜਾਣਕਾਰੀ ਵਿਚ ਹੈਰਾਨੀਜਨਕ ਖ਼ੁਲਾਸੇ ਹੋਏ ਹਨ।
ਇਹ ਅੰਕੜੇ ਫ਼ਰੀਦਾਬਾਦ ਐਨਆਈਟੀ ਤੋਂ ਕਾਂਗਰਸ ਵਿਧਾਇਕ ਨੀਰਜ ਸ਼ਰਮਾ ਵੱਲੋਂ ਪੇਸ਼ ਕੀਤੇ ਗਏ ਹਨ ਅਤੇ ਉਨ੍ਹਾਂ ਨੇ ਇਨ੍ਹਾਂ ਅੰਕੜਿਆਂ ਨੂੰ ਪੇਸ਼ ਕਰਦੇ ਹੋਏ ਕਿਹਾ ਕਿ ਇਹ ਕੋਈ ਸਰਕਾਰੀ ਤਕਨੀਕ ਹੈ ਜਿਸ ਰਾਹੀਂ ਇਕ ਮਹਿਲਾ ਇੰਨੇ ਬੱਚੇ ਪੈਦਾ ਕਰ ਸਕਦੀ ਹੈ ਜਾਂ ਫਿਰ ਇਸ ਕੰਮ ਵਿਚ ਭਾਰੀ ਬੇਨਿਯਮੀਆਂ ਅਤੇ ਭ੍ਰਿਸ਼ਟਾਚਾਰ ਹੋਇਆ ਹੈ। ਸਰਕਾਰ ਨੂੰ ਇਨ੍ਹਾਂ ਦੋਵੇਂ ਗੱਲਾਂ ਵਿਚੋਂ ਇਕ ਗੱਲ ਤਾਂ ਸਵੀਕਾਰ ਕਰਨ ਪਵੇਗੀ। ਉਨ੍ਹਾਂ ਨੇ ਇਸ ਸਮੇਂ ਸਵਾਲੀਆਂ ਨਿਸ਼ਾਨ ਖੜ੍ਹੇ ਕੀਤੇ।
-PTC News