ਤੁਸ਼ਾਰ ਕਾਲੀਆ ਨੇ 'Khatron Ke Khiladi 12' ਦੀ ਜਿੱਤੀ ਟਰਾਫੀ, ਮਿਲੇ 20 ਲੱਖ ਰੁਪਏ
Khatron Ke Khiladi 12: ਉਡੀਕ ਖਤਮ ਹੋ ਗਈ ਹੈ। ਰੋਹਿਤ ਸ਼ੈੱਟੀ ਦੇ ਸ਼ੋਅ 'ਖਤਰੋਂ ਕੇ ਖਿਲਾੜੀ 12' ਨੂੰ ਵਿਜੇਤਾ ਮਿਲ ਗਿਆ ਹੈ। ਤੁਸ਼ਾਰ ਕਾਲੀਆ ਨੇ 'ਖਤਰੋਂ ਕੇ ਖਿਲਾੜੀ' ਟਰਾਫੀ ਜਿੱਤੀ ਹੈ। ਫਾਈਨਲ ਵਿੱਚ ਤੁਸ਼ਾਰ ਦਾ ਮੁਕਾਬਲਾ ਫੈਸਲ ਸ਼ੇਖ, ਮੋਹਿਤ ਮਲਿਕ, ਰੁਬੀਨਾ ਦਿਲਾਇਕ ਅਤੇ ਜੰਨਤ ਜ਼ੁਬੈਰ ਨਾਲ ਸੀ। ਸਾਰਿਆਂ ਨੂੰ ਪਛਾੜਦੇ ਹੋਏ ਤੁਸ਼ਾਰ 'ਖਤਰੋਂ ਕੇ ਖਿਲਾੜੀ 12' ਦੇ ਜੇਤੂ ਬਣੇ। ਕੋਰੀਓਗ੍ਰਾਫਰ ਤੁਸ਼ਾਰ ਕਾਲੀਆ ਨੇ ਇੰਡਸਟਰੀ 'ਚ ਆਪਣੀ ਪਛਾਣ ਬਣਾਈ ਹੈ। ਉਹ ਡਾਂਸ ਵਿੱਚ ਮਾਹਰ ਹੈ ਪਰ ਇਹ ਨਹੀਂ ਸੀ ਪਤਾ ਕਿ ਉਹ ਖ਼ਤਰਿਆਂ ਨਾਲ ਖੇਡਣ ਵਿੱਚ ਵੀ ਨਿਪੁੰਨ ਹੋਵੇਗਾ।
ਪੂਰੇ ਸੀਜ਼ਨ ਦੌਰਾਨ ਉਸ ਨੇ ਸਾਰੇ ਕੰਮ ਪੂਰੇ ਜੋਸ਼ ਨਾਲ ਕੀਤੇ। ਹਰ ਸਟੰਟ ਵਿਚ ਉਸ ਨੇ ਆਪਣੀ ਤਾਕਤ ਅਤੇ ਹੁਨਰ ਦਾ ਪ੍ਰਦਰਸ਼ਨ ਕੀਤਾ। ਜਿਵੇਂ ਹੀ ਰੋਹਿਤ ਸ਼ੈੱਟੀ ਨੇ ਸ਼ੋਅ ਦੇ ਜੇਤੂ ਦਾ ਐਲਾਨ ਕੀਤਾ ਤਾਂ ਤੁਸ਼ਾਰ ਖੁਸ਼ੀ ਨਾਲ ਉਛਲ ਪਏ। ਤੁਸ਼ਾਰ ਨੂੰ ਲੈ ਕੇ ਪਹਿਲਾਂ ਹੀ ਕਾਫੀ ਚਰਚਾ ਹੈ। ਅੰਤ ਵਿੱਚ, ਉਹੀ ਹੋਇਆ ਜੋ ਸਾਰਿਆਂ ਨੂੰ ਉਮੀਦ ਸੀ। ਤੁਸ਼ਾਰ ਨੇ ਫਾਈਨਲ ਮੈਚ ਵਿੱਚ ਫੈਜੂ ਨੂੰ ਹਰਾ ਕੇ ਟਰਾਫੀ ਜਿੱਤੀ।