ਅੱਜ ਇਕ-ਦੂਜੇ ਦੇ ਹੋਣਗੇ ਵਿੱਕੀ ਕੌਸ਼ਲ-ਕੈਟਰੀਨਾ, ਵਿਆਹ ਦਾ 75 ਫੀਸਦੀ ਖਰਚਾ ਖੁਦ ਚੁੱਕ ਰਹੀ ਕੈਫ
ਨਵੀਂ ਦਿੱਲੀ: ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦਾ ਵਿਆਹ ਸੋਸ਼ਲ ਮੀਡੀਆ ਤੋਂ ਲੈ ਕੇ ਮੀਡੀਆ ਦੀਆਂ ਖਬਰਾਂ ਤੱਕ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਦੋਵੇਂ ਅੱਜ ਰਾਜਸਥਾਨ ਦੇ ਸਿਕਸ ਸੈਂਸ ਫੋਰਟ 'ਚ ਸੱਤ ਫੇਰੇ ਲੈਣਗੇ। ਇਸ ਦੌਰਾਨ ਖਬਰ ਆ ਰਹੀ ਹੈ ਕਿ ਇਸ ਸ਼ਾਹੀ ਵਿਆਹ ਦਾ 75 ਫੀਸਦੀ ਖਰਚਾ ਕੈਟਰੀਨਾ ਕੈਫ ਖੁਦ ਝੱਲ ਰਹੀ ਹੈ। ਬਾਕੀ ਬਚੇ 25% ਖਰਚੇ ਦੀ ਜਿੰਮੇਵਾਰੀ ਵਿੱਕੀ ਨੇ ਲਈ ਹੈ। ਇਸ ਤੋਂ ਇਲਾਵਾ ਵਿਆਹ ਦੇ ਸਾਰੇ ਵੱਡੇ ਫੈਸਲੇ ਵੀ ਕੈਟਰੀਨਾ ਹੀ ਲੈ ਰਹੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਵਿਆਹ ਦੇ ਖਰਚੇ ਦੇ ਚੈੱਕ ਕੈਟਰੀਨਾ ਖੁਦ ਸਾਈਨ ਕਰ ਰਹੀ ਹੈ। ਕੈਟਰੀਨਾ ਯਾਤਰਾ, ਮਹਿਮਾਨਾਂ ਦੇ ਖਰਚੇ, ਪਹਿਰਾਵੇ, ਸਜਾਵਟ, ਵਿਆਹ ਦੇ ਕਾਰਡ, ਸੁਰੱਖਿਆ ਪ੍ਰਬੰਧ ਅਤੇ ਹੋਰ ਕਈ ਵੱਡੇ ਖਰਚੇ ਦੇਖ ਰਹੀ ਹੈ।
ਖਬਰਾਂ ਮੁਤਾਬਕ ਵਿੱਕੀ-ਕੈਟਰੀਨਾ ਦੇ ਵਿਆਹ ਲਈ ਸਵਾਈ ਮਾਧੋਪੁਰ 'ਚ 'ਸਿਕਸ ਸੈਂਸ ਫੋਰਟ' ਵੈਡਿੰਗ ਵੈਨਿਊ ਮੁਫਤ ਦਿੱਤਾ ਗਿਆ ਹੈ। ਕਿਉਂਕਿ, ਜਾਇਦਾਦ ਦੇ ਮਾਲਕਾਂ ਨੂੰ ਉਮੀਦ ਹੈ ਕਿ ਇਸ ਕਿਲ੍ਹੇ ਨੂੰ ਅਜਿਹੇ ਹਾਈ-ਪ੍ਰੋਫਾਈਲ ਵਿਆਹਾਂ ਨਾਲ ਬਹੁਤ ਮਸ਼ਹੂਰੀ ਮਿਲੇਗੀ।
ਰਿਪੋਰਟਾਂ ਇਹ ਵੀ ਦੱਸਦੀਆਂ ਹਨ ਕਿ ਵਿਆਹ 'ਤੇ ਮੀਡੀਆ ਕਵਰੇਜ 'ਤੇ ਪਾਬੰਦੀ ਤੋਂ ਵਿੱਕੀ ਖੁਸ਼ ਨਹੀਂ ਹੈ। ਵਿੱਕੀ ਨੂੰ ਇਹ ਸਥਾਨ ਬਹੁਤਾ ਪਸੰਦ ਨਹੀਂ ਆਇਆ ਪਰ ਕੈਟਰੀਨਾ ਦੀ ਖੁਸ਼ੀ ਲਈ ਉਹ ਇਸ ਥਾਂ 'ਤੇ ਵਿਆਹ ਕਰਵਾਉਣ ਲਈ ਤਿਆਰ ਹੋ ਗਿਆ ਹੈ ਅਤੇ ਹਰ ਫੈਸਲੇ 'ਚ ਉਸ ਦਾ ਸਾਥ ਵੀ ਦੇ ਰਿਹਾ ਹੈ।
-PTC News