PM ਮੋਦੀ ਖ਼ਿਲਾਫ਼ ਟਵੀਟ ਮਾਮਲੇ 'ਚ ਗੁਜਰਾਤ ਕਾਂਗਰਸ ਦੇ ਵਿਧਾਇਕ ਨੂੰ ਮਿਲੀ ਜ਼ਮਾਨਤ
ਤੁਹਾਨੂੰ ਦੱਸ ਦੇਈਏ ਕਿ 21 ਅਪ੍ਰੈਲ ਨੂੰ ਆਸਾਮ ਪੁਲਿਸ ਨੇ ਗੁਜਰਾਤ ਦੇ ਵਡਗਾਮ ਤੋਂ ਕਾਂਗਰਸੀ ਵਿਧਾਇਕ ਜਿਗਨੇਸ਼ ਮੇਵਾਨੀ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਗੁਜਰਾਤ ਦੇ ਇੱਕ ਪ੍ਰਮੁੱਖ ਦਲਿਤ ਨੇਤਾ ਮੇਵਾਨੀ ਦੇ ਖਿਲਾਫ ਇੱਕ ਭਾਜਪਾ ਵਰਕਰ ਦੁਆਰਾ ਅਸਾਮ ਦੇ ਕੋਕਰਾਝਾਰ ਪੁਲਿਸ ਸਟੇਸ਼ਨ ਵਿੱਚ ਐਫਆਈਆਰ ਦਰਜ ਕਰਵਾਈ ਗਈ ਸੀ।
ਐਫਆਈਆਰ ਵਿੱਚ, ਆਈਪੀਸੀ ਦੀਆਂ ਧਾਰਾਵਾਂ 120ਬੀ (ਅਪਰਾਧਿਕ ਸਾਜ਼ਿਸ਼), 153 (ਏ) (ਦੋ ਭਾਈਚਾਰਿਆਂ ਵਿਰੁੱਧ ਦੁਸ਼ਮਣੀ ਨੂੰ ਉਤਸ਼ਾਹਿਤ ਕਰਨਾ), 295 (ਏ) ਅਤੇ 504 (ਸ਼ਾਂਤੀ ਭੰਗ ਕਰਨ ਦੇ ਇਰਾਦੇ ਨਾਲ ਸ਼ਬਦ ਬੋਲਣਾ) ਅਤੇ ਆਈਟੀ ਐਕਟ ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ। ਸਥਾਪਿਤ ਐਫਆਈਆਰ ਦੇ ਅਨੁਸਾਰ, ਮੇਵਾਨੀ ਨੇ ਕਥਿਤ ਤੌਰ 'ਤੇ ਇੱਕ ਟਵੀਟ ਵਿੱਚ ਦਾਅਵਾ ਕੀਤਾ ਸੀ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ "ਗੌਡਸੇ ਨੂੰ ਭਗਵਾਨ ਮੰਨਦੇ ਹਨ। ਐਤਵਾਰ ਨੂੰ ਕੋਕਰਾਝਾਰ ਦੀ ਸੀਜੇਐਮ ਅਦਾਲਤ ਨੇ ਇੱਕ ਦਿਨ ਲਈ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ। ਜਿਗਨੇਸ਼ ਮੇਵਾਨੀ ਦੀ ਜ਼ਮਾਨਤ ਪਟੀਸ਼ਨ 'ਤੇ ਸੋਮਵਾਰ ਨੂੰ ਸੁਣਵਾਈ ਹੋਈ। ਕੋਕਰਾਝਾਰ ਦੀ ਸੀਜੇਐਮ ਅਦਾਲਤ ਨੇ ਉਸ ਨੂੰ ਜ਼ਮਾਨਤ ਦੇ ਦਿੱਤੀ ਹੈ।
ਇਹ ਵੀ ਪੜ੍ਹੋ: ਕਣਕ ਦੀ ਖਰੀਦ ਸੀਜ਼ਨ ਦੌਰਾਨ 13000 ਕਰੋੜ ਦੀ ਕਮਾਈ: ਲਾਲ ਚੰਦ ਕਟਾਰੂਚੱਕ
-PTC News
