turkey earthquake : 128 ਘੰਟੇ ਬਾਅਦ ਮਲਬੇ ਥੱਲਿਓਂ ਨਵਜੰਮੇ ਬੱਚੇ ਨੂੰ ਸੁਰੱਖਿਅਤ ਕੱਢਿਆ, ਵੇਖੋ ਵੀਡੀਓ
ਅੰਕਾਰਾ : ਤੁਰਕੀ ਤੇ ਸੀਰੀਆ 'ਚ ਭਿਆਨਕ ਭੂਚਾਲ (ਤੁਰਕੀ-ਸੀਰੀਆ ਭੂਚਾਲ) ਨੇ ਜਿੱਥੇ ਭਾਰੀ ਜਾਨੀ ਨੁਕਸਾਨ ਕੀਤਾ ਹੈ ਉੱਥੇ ਹੀ ਹੈਰਾਨੀਜਨਕ ਚਮਤਕਾਰ ਵੀ ਸਾਹਮਣੇ ਆ ਰਹੇ ਹਨ। ਇਸ ਨੂੰ ਕੁਦਰਤ ਦਾ ਚਮਤਕਾਰ ਹੀ ਮੰਨਣਾ ਪਵੇਗਾ ਕਿ ਤੁਰਕੀ ਦੇ ਹੇਤੇ ਸੂਬੇ 'ਚ ਇਕ ਨਵਜੰਮੇ ਬੱਚੇ ਨੂੰ ਆਪਣੇ ਘਰ ਦੇ ਮਲਬੇ ਹੇਠ ਦੱਬੇ ਹੋਣ ਤੋਂ 128 ਘੰਟਿਆਂ ਬਾਅਦ ਸੁਰੱਖਿਅਤ ਕੱਢ ਲਿਆ। ਭੁੱਖੀ, ਪਿਆਸੀ ਤੇ ਸਾਹ ਲੈਣ ਵਿਚ ਦਿੱਕਤ ਦੇ ਬਾਵਜੂਦ ਬੱਚੀ ਦੇ ਸੁਰੱਖਿਅਤ ਨਿਕਲਣ ਨੂੰ ਹਰ ਕੋਈ ਕੁਦਰਤ ਦਾ ਕ੍ਰਿਸ਼ਮਾ ਕਹਿ ਰਹਿ ਹੈ।
ਇਸ ਬੱਚੇ ਦਾ ਬਹੁਤ ਦੀ ਭਾਵੁਕ ਇਕ ਵੀਡੀਓ ਸਾਹਮਣੇ ਆਇਆ ਹੈ ਜਿਸ 'ਚ ਉਹ ਉਸ ਵਿਅਕਤੀ ਦੀ ਉਂਗਲ ਚੂਸ ਰਿਹਾ ਹੈ ਜਿਸ ਨੇ ਉਸ ਨੂੰ ਆਪਣੀ ਗੋਦ 'ਚ ਚੁੱਕਿਆ ਹੋਇਆ ਹੈ। ਇਸ ਤੋਂ ਪਹਿਲਾਂ NDRF ਦੀ ਟੀਮ ਨੇ ਤੁਰਕੀ 'ਚ ਭੂਚਾਲ ਪ੍ਰਭਾਵਿਤ ਇਲਾਕੇ 'ਚ ਮਲਬੇ 'ਚ ਫਸੀ 8 ਸਾਲਾ ਬੱਚੀ ਨੂੰ ਸੁਰੱਖਿਅਤ ਬਾਹਰ ਕੱਢਿਆ ਸੀ।
The look of loneliness, cold, hunger and thirst.. ????After 128 hours of suffering, being trapped under the rubble, a 2-month-old baby with tearful blueish eyes is rescued from the ruins of a house after the earthquake in Turkey. A miracle in the desperation of the earthquake.????❤️ pic.twitter.com/LT6z9C7ybN — Emmanuel Fosu-Mensah (@kwasifosu25) February 11, 2023
ਸੋਸ਼ਲ ਮੀਡੀਆ ਉਤੇ ਬੱਚੇ ਦੀ ਤਸਵੀਰ ਦੇਖ ਕੇ ਹਰ ਕੋਈ ਆਪਣੀ ਪ੍ਰਤੀਕਿਰਿਆ ਦੇ ਰਿਹਾ ਹੈ ਅਤੇ ਸਾਰਿਆਂ ਨੂੰ ਸੁਰੱਖਿਅਤ ਰੱਖਣ ਲਈ ਰੱਬ ਅੱਗੇ ਅਰਦਾਸ ਕਰ ਰਹੇ ਹਨ। ਤੁਰਕੀ ਤੇ ਸੀਰੀਆ 'ਚ ਆਏ ਵਿਨਾਸ਼ਕਾਰੀ ਭੂਚਾਲ ਤੋਂ ਬਾਅਦ ਸਥਿਤੀ ਦਿਨੋ-ਦਿਨ ਵਿਗੜਦੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : ਚੋਰਾਂ ਨੇ ਗੁਰਦੁਆਰਾ ਸਾਹਿਬ ਤੇ ਮੰਦਿਰ ਨੂੰ ਬਣਾਇਆ ਨਿਸ਼ਾਨਾ, ਇਕ ਘਰ 'ਚੋਂ ਭਗਵਾਨ ਦੀਆਂ ਮੂਰਤੀਆਂ ਚੋਰੀ
ਤੁਰਕੀ ਤੇ ਸੀਰੀਆ 'ਚ ਭੂਚਾਲ ਕਾਰਨ ਹੁਣ ਤੱਕ 25000 ਤੋਂ ਵੱਧ ਲੋਕ ਮਾਰੇ ਜਾ ਚੁੱਕੇ ਹਨ। ਭਾਰਤ 'ਆਪ੍ਰੇਸ਼ਨ ਦੋਸਤ' ਤਹਿਤ ਦੋਵਾਂ ਦੇਸ਼ਾਂ 'ਚ ਮਦਦ ਪ੍ਰਦਾਨ ਕਰ ਰਿਹਾ ਹੈ। ਭਾਰਤ ਦੀ ਨੈਸ਼ਨਲ ਡਿਜ਼ਾਸਟਰ ਰਿਸਪਾਂਸ ਫੋਰਸ (NDRF) ਦੀਆਂ ਟੀਮਾਂ ਤੁਰਕੀ ਤੇ ਸੀਰੀਆ 'ਚ ਬਚਾਅ ਕਾਰਜਾਂ 'ਚ ਲੱਗੀਆਂ ਹੋਈਆਂ ਹਨ।
- PTC NEWS
