ਕੈਫੇ ਨੂੰ ਗਾਹਕ ਦਾ ਫੋਨ ਨੰ. ਮੰਗਣਾ ਪਿਆ ਮਹਿੰਗਾ; ਲੱਗਿਆ 12 ਹਜ਼ਾਰ ਜੁਰਮਾਨਾ
ਚੰਡੀਗੜ੍ਹ: ਖਰੀਦਦਾਰੀ ਦੌਰਾਨ ਬਿੱਲ ਦੇ ਬਹਾਨੇ ਗਾਹਕ ਦਾ ਫੋਨ ਨੰਬਰ ਲੈਣ ਦੇ ਮਾਮਲੇ 'ਚ ਚੰਡੀਗੜ੍ਹ ਖਪਤਕਾਰ ਅਦਾਲਤ (Chandigarh consumer court) ਦਾ ਵੱਡਾ ਫੈਸਲਾ ਸਾਹਮਣੇ ਆਇਆ ਹੈ। ਖਪਤਕਾਰ ਅਦਾਲਤ ਨੇ ਸਵੀਕਾਰ ਕੀਤਾ ਕਿ ਇਹ ਨਾ ਸਿਰਫ਼ ਨਿੱਜਤਾ ਦੇ ਅਧਿਕਾਰ ਦੀ ਉਲੰਘਣਾ ਹੈ, ਸਗੋਂ ਖਪਤਕਾਰ ਸੁਰੱਖਿਆ ਕਾਨੂੰਨ ਦੇ ਨਵੇਂ ਪ੍ਰਬੰਧਾਂ ਦੀ ਵੀ ਉਲੰਘਣਾ ਹੈ।
ਚੰਡੀਗੜ੍ਹ ਦੀ ਖਪਤਕਾਰ ਅਦਾਲਤ ਨੇ ਸੈਕਟਰ 10 ਸਥਿਤ Coffee Bean & Tea Leaf (CBTL) ਕੈਫੇ ਨੂੰ ਹੁਕਮ ਦਿੱਤਾ ਕਿ ਉਹ ਪਟੀਸ਼ਨਕਰਤਾ ਦਾ ਨੰਬਰ ਤੁਰੰਤ ਆਪਣੇ ਡਾਟਾ ਬੇਸ ਤੋਂ ਹਟਾਵੇ ਅਤੇ ਅਜਿਹਾ ਕਰਨ 'ਤੇ 2500 ਰੁਪਏ ਦਾ ਮੁਆਵਜ਼ਾ ਅਦਾ ਕਰੇ, ਜਿਸ ਕਾਰਨ ਪਟੀਸ਼ਨਕਰਤਾ ਨੂੰ ਮਾਨਸਿਕ ਅਤੇ ਸਰੀਰਕ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਦੇ ਨਾਲ ਕੈਫੇ ਮਾਲਕ 'ਤੇ 10,000 ਰੁਪਏ ਦਾ ਜ਼ੁਰਮਾਨਾ ਵੀ ਲਗਾਇਆ ਗਿਆ ਹੈ।
ਦੱਸ ਦੇਈਏ ਕਿ ਚੰਡੀਗੜ੍ਹ ਦੇ ਵਕੀਲ ਪੰਕਜ ਚਾਂਦਗੋਟੀਆ ਚੰਡੀਗੜ੍ਹ ਦੇ ਸੈਕਟਰ 10 ਸਥਿਤ ਇੱਕ ਕੈਫੇ ਵਿੱਚ ਕੋਲਡ ਕੌਫੀ ਪੀਣ ਗਏ ਸਨ, ਜਿੱਥੇ ਉਨ੍ਹਾਂ ਕੋਲੋਂ ਬਿੱਲ ਲੈਣ ਦੇ ਬਹਾਨੇ ਉਨ੍ਹਾਂ ਦਾ ਫੋਨ ਨੰਬਰ ਮੰਗਿਆ ਗਿਆ। ਪਟੀਸ਼ਨਕਰਤਾ ਦੇ ਵਕੀਲ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਫ਼ੋਨ ਨੰਬਰ ਲੈਣ ਨਾਲ ਕਈ ਅਣਚਾਹੇ ਅਤੇ ਪ੍ਰਚਾਰ ਸੰਬੰਧੀ ਕਾਲਾਂ ਆਉਣ ਲੱਗਦੀਆਂ ਹਨ। ਇਹ ਪਟੀਸ਼ਨਕਰਤਾ ਦੇ ਨਿੱਜਤਾ ਦੇ ਅਧਿਕਾਰ ਦੀ ਉਲੰਘਣਾ ਹੈ।
ਵਕੀਲ ਪੰਕਜ ਚਾਂਦਗੋਟੀਆ ਦਾ ਕਹਿਣਾ ਕਿ ਇਸ ਤਰ੍ਹਾਂ ਦੁਕਾਨਦਾਰ ਬਿੱਲ ਦੇ ਬਹਾਨੇ ਗਾਹਕ ਨੂੰ ਆਪਣਾ ਨੰਬਰ ਦੇਣ ਲਈ ਮਜਬੂਰ ਨਹੀਂ ਕਰ ਸਕਦਾ। ਹਾਲ ਹੀ ਵਿੱਚ ਕੇਂਦਰ ਸਰਕਾਰ ਨੇ ਖਪਤਕਾਰ ਸੁਰੱਖਿਆ ਕਾਨੂੰਨ ਵਿੱਚ ਕਈ ਵਿਵਸਥਾਵਾਂ ਸ਼ਾਮਲ ਕੀਤੀਆਂ ਹਨ, ਜਿਸ ਵਿੱਚ ਡਾਰਕ ਪੈਟਰਨ ਅਤੇ ਅਣਉਚਿਤ ਵਪਾਰਕ ਅਭਿਆਸ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਇਸ ਤਰ੍ਹਾਂ ਤੁਹਾਡਾ ਨੰਬਰ ਲੈ ਲਿਆ ਜਾਂਦਾ ਹੈ ਅਤੇ ਉਸ ਤੋਂ ਬਾਅਦ ਤੁਹਾਨੂੰ ਕਈ ਪ੍ਰਮੋਸ਼ਨਲ ਕਾਲਾਂ ਆਉਣੀਆਂ ਸ਼ੁਰੂ ਹੋ ਜਾਂਦੀਆਂ ਹਨ।
ਚੰਡੀਗੜ੍ਹ ਦੀ ਖਪਤਕਾਰ ਅਦਾਲਤ ਦਾ ਇਹ ਫੈਸਲਾ ਪੂਰੇ ਦੇਸ਼ ਲਈ ਇਕ ਮਿਸਾਲ ਸਾਬਤ ਹੋ ਸਕਦਾ ਹੈ ਕਿ ਹੁਣ ਕੋਈ ਵੀ ਮਾਲ, ਕੈਫੇ, ਰੈਸਟੋਰੈਂਟ ਜਾਂ ਦੁਕਾਨਦਾਰ ਤੁਹਾਨੂੰ ਬਿੱਲ ਦੇ ਬਹਾਨੇ ਆਪਣਾ ਨੰਬਰ ਦੇਣ ਲਈ ਮਜਬੂਰ ਨਹੀਂ ਕਰ ਸਕੇਗਾ।
-