Wear Well ਦੇ ਮਾਲਕ ਸੰਜੇ ਵਰਮਾ ਕਤਲ ਮਾਮਲਾ, ਜਾਣੋ ਕਿਹੜੇ ਗੈਂਗਸਟਰਾਂ ਨੇ ਲਈ ਕਤਲ ਦੀ ਜ਼ਿੰਮੇਵਾਰੀ, ਦੱਸਿਆ - ਕਿਉਂ ਕੀਤਾ ਕਤਲ ?
Wear Well Sanjy Verma Murder : ਫਾਜ਼ਿਲਕਾ ਜ਼ਿਲ੍ਹੇ ਦੇ ਅਬੋਹਰ ਸ਼ਹਿਰ ਵਿੱਚ ਇੱਕ ਮਸ਼ਹੂਰ ਕਾਰੋਬਾਰੀ ਅਤੇ New Wear Well ਜੈਂਟਸ ਟੇਲਰ ਸ਼ੋਅਰੂਮ ਦੇ ਸਹਿ-ਮਾਲਕ ਸੰਜੇ ਵਰਮਾ ਦਾ ਸੋਮਵਾਰ ਨੂੰ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਇਸ ਕਤਲ ਦੀ ਜ਼ਿੰਮੇਵਾਰੀ ਹੁਣ ਤਿੰਨ ਗੈਂਗਸਟਰਾਂ ਨੇ ਲਈ ਹੈ। ਪੋਸਟ ਰਾਹੀਂ ਗੈਂਗਸਟਰਾਂ ਨੇ ਕਿਹਾ ਹੈ ਕਿ ਜੇਕਰ ਕੋਈ ਵੀ ਉਨ੍ਹਾਂ ਖਿਲਾਫ਼ ਭੁਗਤੇਗਾ ਤਾਂ ਇਹੀ ਅੰਜਾਮ ਹੋਵੇਗਾ। ਹਾਲਾਂਕਿ, ਪੀਟੀਸੀ ਨਿਊਜ਼ ਇਸ ਪੋਸਟ ਸਬੰਧੀ ਕੋਈ ਪੁਸ਼ਟੀ ਨਹੀਂ ਕਰਦਾ ਹੈ।
ਦੱਸ ਦਈਏ ਕਿ ਮੁਲਜ਼ਮਾਂ ਨੇ ਸੰਜੇ ਵਰਮਾ ਨੂੰ ਉਦੋਂ ਨਿਸ਼ਾਨਾ ਬਣਾਇਆ ਜਦੋਂ ਉਹ ਭਗਤ ਸਿੰਘ ਚੌਕ ਸਥਿਤ ਆਪਣੇ ਸ਼ੋਅਰੂਮ ਦੇ ਬਾਹਰ ਕਾਰ ਵਿੱਚ ਉਥੇ ਪਹੁੰਚਿਆ ਸੀ। ਚਸ਼ਮਦੀਦਾਂ ਅਨੁਸਾਰ ਤਿੰਨ ਹਮਲਾਵਰ ਇੱਕ ਮੋਟਰਸਾਈਕਲ 'ਤੇ ਆਏ ਅਤੇ ਜਿਵੇਂ ਹੀ ਸੰਜੇ ਵਰਮਾ ਕਾਰ ਤੋਂ ਬਾਹਰ ਨਿਕਲਿਆ, ਉਨ੍ਹਾਂ ਨੇ ਉਸ 'ਤੇ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ।
ਤਿੰਨ ਗੈਂਗਸਟਰਾਂ ਨੇ ਲਈ ਜ਼ਿੰਮੇਵਾਰੀ
ਆਰਜੂ ਬਿਸ਼ਨੋਈ ਦੇ ਨਾਂਅ ਵਾਲੀ ਇਸ ਫੇਸਬੁੱਕ ਪ੍ਰੋਫਾਈਲ ਪੋਸਟ ਵਿੱਚ ਲਿਖਿਆ ਗਿਆ ਗਿਆ ਹੈ, ''ਇਹ ਜਿਹੜਾ New Wear Well Abohar ਦਾ ਕਤਲ ਹੋਇਆ ਹੈ, ਇਸ ਦੀ ਜ਼ਿੰਮੇਵਾਰੀ ਮੈਂ Goldy Dhillon, Aarzoo Bishnoi ਅਤੇ Shubham Lonker Maharashtra ਲੈਂਦੇ ਹਾਂ।''
ਕਤਲ ਦਾ ਕਾਰਨ ਆਇਆ ਸਾਹਮਣੇ ?
ਇਸ ਵਿੱਚ ਅੱਗੇ ਲਿਖਿਆ ਗਿਆ ਹੈ, ''ਇਸ ਨੂੰ ਅਸੀਂ ਕਾਲ ਕੀਤਾ ਸੀ ਕਿਸੇ ਮੈਟਰ ਨੂੰ ਲੈ ਕੇ, ਇਸ ਨੇ ਸਾਨੂੰ ਪਛਾਣਨ ਤੋਂ ਇਨਕਾਰ ਕਰ ਦਿੱਤਾ, ਤਾਂ ਇਸ ਨੂੰ ਇਹ ਦੱਸਣ ਲਈ ਅਸੀਂ ਠੋਕ ਦਿੱਤਾ, ਕਿ ਪਤਾ ਚੱਲ ਸਕੇ ਅਸੀਂ ਕੌਣ ਹਾਂ। ਇਹ ਸਾਡੇ ਦੁਸ਼ਮਣਾਂ ਨੂੰ ਸਪੋਰਟ ਕਰਦਾ ਸੀ, ਜਿਹੜਾ ਵੀ ਸਾਡੇ ਖਿਲਾਫ਼ ਜਾਵੇਗਾ, ਉਸ ਨੂੰ ਮਿੱਟੀ 'ਚ ਮਿਲਾ ਦੇਵਾਂਗੇ।''
ਪੋਸਟ ਦੇ ਅਖੀਰ 'ਚ ਲਿਖਿਆ ਗਿਆ ਹੈ, ''ਜੋ ਅਸੀਂ ਕਰਦੇ ਹਾਂ ਉਸ ਦੀ ਜ਼ਿੰਮੇਵਾਰੀ ਲੈਂਦੇ ਹੈ, ਭਾਵੇਂ ਉਹ ਕਿਸੇ ਦੀ 302 ਹੋਵੇ ਜਾਂ 207, ਅਸੀਂ ਜੋ ਕਰਦੇ ਹੈ, ਉਸ ਦੀ ਜ਼ਿੰਮੇਵਾਰੀ ਲੈਂਦੇ ਹਾਂ।''
- PTC NEWS
