MiG-21 Farewell : ਚੰਡੀਗੜ੍ਹ ਏਅਰ ਫੋਰਸ ਸਟੇਸ਼ਨ ਤੋਂ ਮਿਗ-21 ਦੀ ਵਿਦਾਈ , ਏਅਰ ਚੀਫ ਮਾਰਸ਼ਲ ਨੇ ਭਰੀ ਆਖਰੀ ਉਡਾਣ
MiG-21 Farewell : ਭਾਰਤੀ ਹਵਾਈ ਸੈਨਾ (IAF) ਦੇ ਲੜਾਕੂ ਜਹਾਜ਼ MiG-21 ਅੱਜ ਸੇਵਾਮੁਕਤ ਹੋ ਗਿਆ। ਚੰਡੀਗੜ੍ਹ ਏਅਰ ਫੋਰਸ ਸਟੇਸ਼ਨ ਤੋਂ MiG-21 ਨੂੰ ਵਿਦਾਇਗੀ ਦਿੱਤੀ ਗਈ। ਇਸ ਵਿਦਾਇਗੀ ਸਮਾਰੋਹ ਵਿੱਚ ਦੇਸ਼ ਦੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ ਸਨ।
ਉਨ੍ਹਾਂ ਤੋਂ ਇਲਾਵਾ ਚੀਫ਼ ਆਫ਼ ਡਿਫੈਂਸ ਸਟਾਫ਼ ਅਨਿਲ ਚੌਹਾਨ, ਹਵਾਈ ਸੈਨਾ ਮੁਖੀ ਏਪੀ ਸਿੰਘ, ਸੈਨਾ ਮੁਖੀ ਉਪੇਂਦਰ ਦਿਵੇਦੀ ਅਤੇ ਜਲ ਸੈਨਾ ਮੁਖੀ ਦਿਨੇਸ਼ ਕੁਮਾਰ ਤ੍ਰਿਪਾਠੀ ਨੇ ਵੀ ਸ਼ਿਰਕਤ ਕੀਤੀ ਅਤੇ MiG-21 ਦੀ ਵਿਦਾਇਗੀ ਸਮਾਰੋਹ ਦੇ ਇਤਿਹਾਸਕ ਪਲ ਦੇ ਗਬਾਹ ਬਣੇ। ਦੁਸ਼ਮਣਾਂ ਦੇ ਦੰਦ ਖੱਟੇ ਕਰਨ ਵਾਲਾ ਇਹ ਲੜਾਕੂ ਜਹਾਜ਼ ਹੁਣ ਅਸਮਾਨ ਵਿੱਚ ਉੱਡਦਾ ਨਹੀਂ ਦਿਖਾਈ ਦੇਵੇਗਾ। ਤੇਜਸ ਹੁਣ MiG-21 ਦੀ ਥਾਂ ਲਵੇਗਾ।
ਚੰਡੀਗੜ੍ਹ ਏਅਰ ਫੋਰਸ ਸਟੇਸ਼ਨ 'ਤੇ ਆਯੋਜਿਤ ਮਿਗ-21 ਵਿਦਾਇਗੀ ਸਮਾਰੋਹ ਵਿੱਚ ਕੁੱਲ ਛੇ ਮਿਗ-21 ਜਹਾਜ਼ਾਂ ਨੇ ਅਸਮਾਨ ਵਿੱਚ ਆਖਰੀ ਵਾਰ ਤਾਕਤ ਦਿਖਾਈ। ਸੱਤਵੀਂ ਮਹਿਲਾ ਪਾਇਲਟ ਸਕੁਐਡਰਨ ਲੀਡਰ ਪ੍ਰਿਆ ਸ਼ਰਮਾ ਨੇ ਵੀ ਮਿਗ-21 ਉਡਾਇਆ। ਪੈਂਥਰ ਫਾਰਮੇਸ਼ਨ ਦੇ ਸਾਰੇ ਜਹਾਜ਼ ਏਅਰਬੇਸ 'ਤੇ ਵਾਪਸ ਆ ਗਏ। ਇਸ ਤੋਂ ਬਾਅਦ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਮਿਗ-21 ਉਡਾਉਣ ਵਾਲੇ 6 ਭਾਰਤੀ ਹਵਾਈ ਸੈਨਾ ਦੇ ਪਾਇਲਟਾਂ ਨਾਲ ਇੱਕ ਇਤਿਹਾਸਕ ਫੋਟੋ ਖਿਚਵਾਈ।
ਖਾਸ ਗੱਲ ਇਹ ਹੈ ਕਿ ਲਗਭਗ 60 ਸਾਲ ਪਹਿਲਾਂ ਮਿਗ-21 ਨੂੰ ਚੰਡੀਗੜ੍ਹ ਏਅਰ ਫੋਰਸ ਸਟੇਸ਼ਨ ਤੋਂ ਲਾਂਚ ਕੀਤਾ ਗਿਆ ਸੀ। ਇਹੀ ਕਾਰਨ ਹੈ ਕਿ ਅੱਜ ਇਸਦੀ ਰਿਟਾਇਰਮੈਂਟ ਵੀ ਇੱਥੋਂ ਹੋ ਰਹੀ ਹੈ। ਅੱਜ ਤੱਕ ਮਿਗ-21 ਹਵਾਈ ਸੈਨਾ ਦੀ ਤਾਕਤ ਰਿਹਾ ਹੈ ਕਿਉਂਕਿ ਮਿਗ ਨੇ ਕਈ ਇਤਿਹਾਸਕ ਯੁੱਧਾਂ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ।
ਇਸਨੇ 1965-1971 ਦੀ ਭਾਰਤ-ਪਾਕਿਸਤਾਨ ਜੰਗ, 1999 ਦੀ ਕਾਰਗਿਲ ਜੰਗ, ਬਾਲਾਕੋਟ ਸਟ੍ਰਾਈਕ ਅਤੇ ਆਪ੍ਰੇਸ਼ਨ ਸਿੰਦੂਰ ਵਿੱਚ ਭਾਰਤ ਦੀ ਬਹਾਦਰੀ ਨੂੰ ਵਧਾਇਆ। ਇਸਨੇ ਦੁਸ਼ਮਣਾਂ ਨੂੰ ਹਰਾਇਆ। ਲੋੜ ਪੈਣ 'ਤੇ ਇਸਨੇ ਦੇਸ਼ ਦੀ ਅਗਵਾਈ ਫਰੰਟ ਲਾਈਨ ਵਿੱਚ ਕੀਤੀ। ਇਸਨੇ ਦੇਸ਼ ਨੂੰ ਹਮੇਸ਼ਾ ਵਿਜੇ ਭਾਵ ਦੀ ਦਿਸ਼ਾ ਵਿੱਚ ਲੈ ਕੇ ਜਿੱਤ ਦੀ ਭਾਵਨਾ ਸਿਖਾਈ।
- PTC NEWS
