Whatsapp Ban Account: WhatsApp ਨੇ ਭਾਰਤ ’ਚ ਬੈਨ ਕੀਤੇ 47 ਲੱਖ ਅਕਾਊਂਟ, ਭੁੱਲ ਕੇ ਵੀ ਨਾ ਕਰਨਾ ਤੁਸੀਂ ਵੀ ਇਹ ਗਲਤੀਆਂ
Whatsapp Ban Account: ਭਾਰਤ ’ਚ ਇੱਕ ਵਾਰ ਫਿਰ ਤੋਂ ਵੱਡੀ ਕਾਰਵਾਈ ਕੀਤੀ ਗਈ ਹੈ। ਦੱਸ ਦਈਏ ਕਿ ਮੈਟਾ-ਮਾਲਕੀਅਤ ਵਾਲੇ ਵਾਟਸਐਪ ਨੇ ਨਵੇਂ ਆਈਟੀ ਨਿਯਮਾਂ 2021 ਦੀ ਪਾਲਣਾ ਵਿੱਚ ਮਾਰਚ ਮਹੀਨੇ ਵਿੱਚ ਭਾਰਤ ਵਿੱਚ 47 ਲੱਖ ਤੋਂ ਵੱਧ ਇਤਰਾਜਯੋਗ ਵਾਲੇ ਖਾਤਿਆਂ ਦੇ ਰਿਕਾਰਡਾਂ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਕੰਪਨੀ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ।
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਕੰਪਨੀ ਇਸ ਯੂਜ਼ਰ ਸੇਫਟੀ ਰਿਪੋਰਟ ਨੂੰ ਹਰ ਮਹੀਨੇ ਜਾਰੀ ਕਰਦੀ ਹੈ, ਜਿਸ 'ਚ ਕੰਪਨੀ ਨੂੰ ਯੂਜ਼ਰਸ ਤੋਂ ਕਿੰਨੀਆਂ ਸ਼ਿਕਾਇਤਾਂ ਮਿਲੀਆਂ ਹਨ ਅਤੇ ਉਨ੍ਹਾਂ 'ਤੇ ਕੀ ਐਕਸ਼ਨ ਲਿਆ ਗਿਆ ਹੈ, ਇਸ ਦਾ ਪੂਰਾ ਵੇਰਵਾ ਹੁੰਦਾ ਹੈ। ਇਸੇ ਰਿਪੋਰਟ ਨੇ ਆਪਣੀ ਮਾਸਿਕ ਰਿਪੋਰਟ 'ਚ ਦੱਸਿਆ ਕਿ ਮਾਰਚ ਮਹੀਨੇ 'ਚ ਵਟਸਐਪ ਨੇ 47 ਲੱਖ ਤੋਂ ਜ਼ਿਆਦਾ ਖਾਤਿਆਂ ਨੂੰ ਬੈਨ ਕਰ ਦਿੱਤਾ ਸੀ। ਇਸ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ 1 ਮਾਰਚ 2023 ਤੋਂ 31 ਮਾਰਚ 2023 ਦਰਮਿਆਨ 47,15,906 ਵਟਸਐਪ ਖਾਤਿਆਂ ਨੂੰ ਬੈਨ ਕੀਤਾ ਗਿਆ ਸੀ। ਇਨ੍ਹਾਂ ਵਿੱਚੋਂ 16,59,385 ਖਾਤਿਆਂ ਨੂੰ ਸਰਗਰਮੀ ਨਾਲ ਬੈਨ ਕਰ ਦਿੱਤਾ ਗਿਆ ਸੀ।
ਵਾਟਸਐਪ ਵੱਲੋਂ ਕੀਤੀ ਗਈ ਕਾਰਵਾਈ
ਵਟਸਐਪ ਨੇ 1 ਜਨਵਰੀ, 2023 ਤੋਂ 28 ਫਰਵਰੀ, 2023 ਦਰਮਿਆਨ ਲਗਭਗ 4,597,400 ਭਾਰਤੀ ਉਪਭੋਗਤਾਵਾਂ 'ਤੇ ਪਾਬੰਦੀ ਲਗਾਈ ਹੈ। ਕਿਸੇ ਵੀ ਉਪਭੋਗਤਾ ਦੀਆਂ ਸ਼ਿਕਾਇਤਾਂ ਪ੍ਰਾਪਤ ਹੋਣ ਤੋਂ ਪਹਿਲਾਂ ਇਸ ਨੇ 1,298,000 ਤੋਂ ਵੱਧ ਖਾਤਿਆਂ ਨੂੰ ਸਰਗਰਮੀ ਨਾਲ ਬਲੌਕ ਕਰ ਦਿੱਤਾ। ਨਾਲ ਹੀ ਸਭ ਤੋਂ ਤਾਜ਼ਾ ਰਿਪੋਰਟ ਦੇ ਅਨੁਸਾਰ, ਵਟਸਐਪ ਨੂੰ 4,720 ਸ਼ਿਕਾਇਤਾਂ ਪ੍ਰਾਪਤ ਹੋਈਆਂ ਹਨ। ਇਨ੍ਹਾਂ ਵਿੱਚੋਂ 4,316 ਪਾਬੰਦੀ ਦੀਆਂ ਅਪੀਲਾਂ ਸਨ, ਹਾਲਾਂਕਿ ਵਟਸਐਪ ਨੇ ਸਿਰਫ਼ 553 'ਤੇ ਕਾਰਵਾਈ ਕੀਤੀ।
ਆਖਿਰ ਕਿਉਂ ਕੀਤੇ ਜਾਂਦੇ ਹਨ ਵਾਟਸਐਪ ਅਕਾਉਂਟ ਬੈਨ
ਦੱਸ ਦਈਏ ਕਿ ਨਫਰਤ ਭਰੇ ਭਾਸ਼ਣ, ਗਲਤ ਜਾਣਕਾਰੀ ਅਤੇ ਜਾਅਲੀ ਖਬਰਾਂ ਫੈਲਾਉਣ ਲਈ ਵੱਡੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਦੀ ਵਰਤੋਂ ਕਈ ਵਾਰ ਕੀਤੀ ਜਾਂਦੀ ਹੈ। ਇਸ ਤਰ੍ਹਾਂ ਦੀ ਸਥਿਤੀ ਤੋਂ ਬਚਣ ਲਈ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਨੂੰ ਅਕਾਊਂਟ ਬੈਨ ਕਰਨ ਵਰਗੇ ਕਦਮ ਚੁੱਕਣੇ ਪੈਂਦੇ ਹਨ।
ਇਹ ਵੀ ਪੜ੍ਹੋ: SYL Haryana-Himachal: ਹਰਿਆਣਾ ਹੁਣ ਪੰਜਾਬ ਦੀ ਬਜਾਏ ਹਿਮਾਚਲ ਰਾਹੀਂ ਲਵੇਗਾ ਸਤਲੁਜ ਦਾ ਪਾਣੀ
- PTC NEWS
