ਜਦੋਂ ਸ਼ਰਾਬ ਦੇ ਰੱਜੇ ਧਰਮਿੰਦਰ ਦੀ ਇਸ ਗਲਤੀ ਨੇ ਉਤਾਰ ਦਿੱਤਾ ਸੀ ਉਨ੍ਹਾਂ ਦਾ ਸਾਰਾ ਨਸ਼ਾ, ਕਰਨਾ ਪਿਆ ਸੀ ਇਹ ਵਾਅਦਾ
Dharmendra Deol: ਬਾਲੀਵੁੱਡ ਦੇ ਹੀਮਨ ਧਰਮਿੰਦਰ ਦਿਓਲ ਇੱਕ ਅਜਿਹੇ ਅਭਿਨੇਤਾ ਨੇ, ਜਿਨ੍ਹਾਂ ਨੇ ਕਰੀਬ 5 ਦਹਾਕਿਆਂ ਦੇ ਆਪਣੇ ਕਰੀਅਰ ਵਿੱਚ 300 ਤੋਂ ਵੱਧ ਫਿਲਮਾਂ ਕੀਤੀਆਂ ਹਨ। ਆਪਣੇ ਸ਼ਾਨਦਾਰ ਅਭਿਨੈ ਅਤੇ ਮਜ਼ਬੂਤ ਸ਼ਖਸੀਅਤ ਲਈ ਜਾਣੇ ਜਾਂਦੇ, ਧਰਮਿੰਦਰ ਨੂੰ ਨਾ ਸਿਰਫ ਆਪਣੇ ਕੰਮ ਲਈ ਪ੍ਰਸਿੱਧੀ ਮਿਲੀ, ਸਗੋਂ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਵੀ ਅਕਸਰ ਚਰਚਾ ਵਿੱਚ ਰਹਿੰਦੀ ਸੀ। ਚਾਹੇ ਉਨ੍ਹਾਂ ਦੀ ਲਵ ਲਾਈਫ ਹੋਵੇ ਜਾਂ ਉਨ੍ਹਾਂ ਦੇ ਸੰਘਰਸ਼ ਦੌਰਾਨ ਦੀਆਂ ਕਹਾਣੀਆਂ, ਇਨ੍ਹਾਂ ਦੀ ਉਨ੍ਹਾਂ ਦੀ ਅਕਸਰ ਚਰਚਾ ਹੁੰਦੀ ਰਹਿੰਦੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਨਸ਼ੇ ਦੀ ਆਦਤ ਨਾਲ ਜੁੜੀਆਂ ਕਹਾਣੀਆਂ ਵੀ ਵਿਚਾਰੀਆਂ ਗਈਆਂ। ਮਨੋਰੰਜਨ ਜਗਤ 'ਚ ਕਿਹਾ ਜਾਂਦਾ ਹੈ ਕਿ ਇੱਕ ਵਾਰ ਧਰਮਿੰਦਰ ਨੇ ਸ਼ਰਾਬ ਪੀ ਕੇ ਅਜਿਹਾ ਕੁਝ ਕੀਤਾ ਸੀ ਜਿਸ ਦਾ ਉਨ੍ਹਾਂ ਨੂੰ ਅੱਜ ਵੀ ਪਛਤਾਵਾ ਹੈ।
8 ਦਸੰਬਰ 1935 ਨੂੰ ਲੁਧਿਆਣਾ, ਪੰਜਾਬ ਵਿੱਚ ਜਨਮੇ ਧਰਮਿੰਦਰ ਦਾ ਅਸਲੀ ਨਾਂ ਧਰਮ ਸਿੰਘ ਦਿਓਲ ਹੈ। ਧਰਮਿੰਦਰ ਨੇ ਆਪਣੇ ਬਾਲੀਵੁੱਡ ਕਰੀਅਰ ਦੀ ਸ਼ੁਰੂਆਤ ਸਾਲ 1960 'ਚ ਫਿਲਮ 'ਦਿਲ ਵੀ ਤੇਰਾ ਹਮ ਭੀ ਤੇਰੇ' ਨਾਲ ਕੀਤੀ ਸੀ। 1960 ਤੋਂ 1967 ਦੇ ਵਿਚਕਾਰ, ਉਨ੍ਹਾਂ ਕਈ ਰੋਮਾਂਟਿਕ ਫਿਲਮਾਂ ਕੀਤੀਆਂ ਅਤੇ ਹਰ ਦਿਲ ਦੇ ਪਿਆਰੇ ਬਣ ਗਏ। ਖਾਸ ਤੌਰ 'ਤੇ ਮਹਿਲਾ ਪ੍ਰਸ਼ੰਸਕਾਂ ਲਈ ਉਨ੍ਹਾਂ ਦੀ ਪ੍ਰਸਿੱਧੀ ਕਾਫੀ ਵਧ ਗਈ ਸੀ। ਦੱਸਿਆ ਜਾਂਦਾ ਹੈ ਕਿ ਹਰ ਰੋਜ਼ ਤਰੱਕੀ ਕਰ ਰਿਹਾ ਧਰਮਿੰਦਰ ਉਸ ਸਮੇਂ ਨਸ਼ੇ ਦਾ ਆਦੀ ਵੀ ਹੋ ਗਿਆ ਸੀ। ਇੱਕ ਵਾਰ ਨਸ਼ੇ ਕਾਰਨ ਕੁਝ ਅਜਿਹਾ ਹੋ ਗਿਆ ਜਿਸ ਕਾਰਨ ਧਰਮਿੰਦਰ ਅੱਜ ਵੀ ਪਛਤਾਉਂਦੇ ਹਨ।
ਜਦੋਂ ਸ਼ਰਾਬ ਨ ਨਾਲ ਰੱਜੇ ਘਰੇ ਪਹੁੰਚੇ ਧਰਮਿੰਦਰ
ਧਰਮਿੰਦਰ ਨੇ ਇੱਕ ਇੰਟਰਵਿਊ 'ਚ ਖੁਲਾਸਾ ਕੀਤਾ ਸੀ ਕਿ ਜਦੋਂ ਵੀ ਉਹ ਸ਼ਰਾਬ ਪੀਂਦੇ ਸਨ ਤਾਂ ਨੌਕਰ ਨੂੰ ਘਰ ਪਹੁੰਚ ਕੇ ਸ਼ਾਂਤੀਪੂਰਵਕ ਤਰੀਕੇ ਨਾਲ ਦਰਵਾਜ਼ਾ ਖੋਲ੍ਹਣ ਲਈ ਕਹਿੰਦੇ ਸਨ ਤਾਂ ਕਿ ਘਰ 'ਚ ਕਿਸੇ ਨੂੰ ਇਸ ਬਾਰੇ ਪਤਾ ਨਾ ਲੱਗੇ। ਇੱਕ ਦਿਨ ਜਦੋਂ ਧਰਮਿੰਦਰ ਸ਼ੂਟਿੰਗ ਤੋਂ ਬਾਅਦ ਰਾਤ ਇੱਕ ਵਜੇ ਘਰ ਪਹੁੰਚੇ ਤਾਂ ਉਹ ਨਸ਼ੇ ਵਿੱਚ ਸਨ। ਘਰ ਦੇ ਦੋਵੇਂ ਦਰਵਾਜ਼ੇ ਬੰਦ ਸਨ। ਇਹ ਦੇਖ ਕੇ ਧਰਮਿੰਦਰ ਦਾ ਖੂਨ ਉਬਾਲੇ ਖਾਣ ਲੱਗਿਆ। ਉਨ੍ਹਾਂ ਨੇ ਨੌਕਰ ਨੂੰ ਕਈ ਵਾਰ ਬੁਲਾਇਆ ਪਰ ਉਸ ਨੇ ਦਰਵਾਜ਼ਾ ਨਹੀਂ ਖੋਲ੍ਹਿਆ। ਕੁਝ ਦੇਰ ਬਾਅਦ ਘਰ ਦਾ ਦਰਵਾਜ਼ਾ ਖੁੱਲ੍ਹਿਆ ਤਾਂ ਉਥੇ ਬਹੁਤ ਹਨੇਰਾ ਸੀ। ਧਰਮਿੰਦਰ ਗੁੱਸੇ ਨਾਲ ਭੜਕੇ ਹੋਏ ਸਨ। ਗੁੱਸੇ ਵਿਚ ਆ ਕੇ ਉਨ੍ਹਾਂ ਨੇ ਦਰਵਾਜ਼ਾ ਖੋਲ੍ਹਣ ਵਾਲੇ ਦਾ ਕੋਲਰ ਫੜ ਲਿਆ ਅਤੇ ਕਿਹਾ, 'ਮੈਂ ਤੁਹਾਨੂੰ ਕਿਹਾ ਸੀ ਕਿ ਮੇਰੇ ਕਮਰੇ ਦਾ ਦਰਵਾਜ਼ਾ ਖੁੱਲ੍ਹਾ ਰੱਖੀ। ਤੂੰ ਇਹ ਦਰਵਾਜ਼ਾ ਕਿਉਂ ਨਹੀਂ ਖੋਲ੍ਹਿਆ? ਹੁਣ ਜਾ ਕੇ ਮੇਰਾ ਕਮਰਾ ਖੋਲ।'
ਪਿਤਾ ਤੋਂ ਮੰਗਣੀ ਪਈ ਸੀ ਮੁਆਫ਼ੀ
ਧਰਮਿੰਦਰ ਨੇ ਸੋਚਿਆ ਕਿ ਜਿਸ ਵਿਅਕਤੀ 'ਤੇ ਉਹ ਗੁੱਸਾ ਦਿਖਾ ਰਿਹਾ ਹੈ, ਉਹ ਉਸ ਦਾ ਨੌਕਰ ਹੈ, ਪਰ ਜਦੋਂ ਕਮਰੇ 'ਚ ਰੌਸ਼ਨੀ ਕੀਤੀ ਗਈ ਤਾਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਉਹ ਉਨ੍ਹਾਂ ਦੇ ਪਿਤਾ ਸਨ। ਜਿਸ ਮਗਰੋਂ ਉਨ੍ਹਾਂ ਦੇ ਪਿਤਾ, ਧਰਮਿੰਦਰ ਦਾ ਕਾਲਰ ਫੜ ਕੇ ਮਾਂ ਦੇ ਕਮਰੇ ਵੱਲ ਲੈ ਗਏ। ਫਿਰ ਕੀ ਸੀ, ਧਰਮਿੰਦਰ ਦਾ ਨਸ਼ਾ ਪੂਰੀ ਤਰ੍ਹਾਂ ਉਤਰ ਗਿਆ ਅਤੇ ਉਨ੍ਹਾਂ ਆਪਣੇ ਪਿਤਾ ਤੋਂ ਮੁਆਫੀ ਮੰਗੀ ਅਤੇ ਸਮੇਂ ਸਿਰ ਘਰ ਆਉਣ ਦਾ ਵਾਅਦਾ ਵੀ ਕੀਤਾ ਅਤੇ ਸ਼ਰਾਬ ਨਾ ਪੀਣ ਦੀ ਕਸਮ ਵੀ ਖਾਧੀ ਸੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਅੱਜ ਵੀ ਧਰਮਿੰਦਰ ਇਸ ਘਟਨਾ ਨੂੰ ਯਾਦ ਕਰਕੇ ਸ਼ਰਮਿੰਦਾ ਹੋ ਜਾਂਦੇ ਹਨ।
ਇਹ ਵੀ ਪੜ੍ਹੋ: Louis Vuitton ਦੇ ਡਿਜ਼ਾਈਨ ਵਾਲਾ ਲੂਣ ਦੇ ਦਾਣੇ ਤੋਂ ਵੀ ਛੋਟਾ ਹੈਂਡਬੈਗ; ਵੇਖਣ ਲਈ ਨਾਲ ਵੇਚਿਆ ਮਾਈਕ੍ਰੋਸਕੋਪ
- PTC NEWS
