Apple ਦਾ ਕੱਲ੍ਹ ਵੱਡਾ ਇਵੈਂਟ, iPhone 15 ਤੋਂ ਬਾਅਦ ਲਾਂਚ ਹੋਣਗੇ ਇਹ ਨਵੇਂ ਪ੍ਰੋਡਕਟ, ਦੇਖੋ ਇਸ ਤਰ੍ਹਾਂ ਲਾਈਵ
Apple: ਐਪਲ ਇੱਕ ਵੱਡੇ ਈਵੈਂਟ ਦਾ ਆਯੋਜਨ ਕਰਨ ਜਾ ਰਿਹਾ ਹੈ, ਜਿਸਦਾ ਨਾਮ Scary Fast ਹੈ। ਇਸ ਈਵੈਂਟ ਦੌਰਾਨ ਕੁਝ ਵੱਡੇ ਐਲਾਨ ਹੋਣਗੇ। ਕੰਪਨੀ ਨੇ ਅਜੇ ਤੱਕ ਪ੍ਰੋਡਕਟ ਲਾਂਚ ਨੂੰ ਲੈ ਕੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ ਪਰ ਕਈ ਮੀਡੀਆ ਰਿਪੋਰਟਾਂ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਇਸ ਈਵੈਂਟ ਦੌਰਾਨ ਨਵੇਂ ਮੈਕਬੁੱਕ ਅਤੇ iMac ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ, ਜਿਸ 'ਚ M3 ਚਿਪਸੈੱਟ ਦੀ ਵਰਤੋਂ ਕੀਤੀ ਜਾਵੇਗੀ।
M3 ਚਿੱਪ ਪੁਰਾਣੇ M2 Pro ਅਤੇ M2 Pro ਨਾਲੋਂ ਤੇਜ਼ ਅਤੇ ਜ਼ਿਆਦਾ ਪਾਵਰ ਕੁਸ਼ਲ ਹੋਵੇਗੀ। ਇੰਨਾ ਹੀ ਨਹੀਂ ਨਵੇਂ ਮੈਕ 'ਚ ਨਵਾਂ ਡਿਜ਼ਾਈਨ ਦੇਖਿਆ ਜਾ ਸਕਦਾ ਹੈ। ਇਸ ਵਿੱਚ ਪਤਲੇ ਬੇਜ਼ਲ, ਚਮਕਦਾਰ ਡਿਸਪਲੇਅ ਅਤੇ ਬਿਹਤਰ ਕੈਮਰਾ ਸੈੱਟਅਪ ਹੋਵੇਗਾ। ਇਸ ਈਵੈਂਟ 'ਚ 24-ਇੰਚ iMac (M3 ਚਿੱਪ), 14-ਇੰਚ ਮੈਕਬੁੱਕ ਪ੍ਰੋ (M3 ਚਿੱਪ) ਅਤੇ M3 ਚਿੱਪ ਦੇ ਨਾਲ 16-ਇੰਚ ਮੈਕਬੁੱਕ ਪ੍ਰੋ ਨੂੰ ਪੇਸ਼ ਕੀਤਾ ਜਾਵੇਗਾ।
ਭਾਰਤ 'ਚ ਇਹ ਈਵੈਂਟ 31 ਅਕਤੂਬਰ ਨੂੰ ਸਵੇਰੇ 5:30 ਵਜੇ ਸ਼ੁਰੂ ਹੋਵੇਗਾ, ਜਦਕਿ ਅਮਰੀਕਾ 'ਚ ਇਹ 30 ਅਕਤੂਬਰ ਦੀ ਰਾਤ ਨੂੰ ਸ਼ੁਰੂ ਹੋਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਅਤੇ ਅਮਰੀਕਾ ਵਿੱਚ ਕੈਲੀਫੋਰਨੀਆ ਦੇ ਸਮੇਂ ਵਿੱਚ 12:30 ਘੰਟਿਆਂ ਦਾ ਅੰਤਰ ਹੈ। ਭਾਰਤ ਉਸ ਤੋਂ 12:30 ਘੰਟੇ ਅੱਗੇ ਹੈ। ਜਦੋਂ ਕੈਲੀਫੋਰਨੀਆ ਵਿੱਚ ਸੋਮਵਾਰ ਦੀ ਸ਼ਾਮ ਹੁੰਦੀ ਹੈ, ਭਾਰਤ ਵਿੱਚ ਮੰਗਲਵਾਰ ਦੀ ਸਵੇਰ ਹੁੰਦੀ ਹੈ।
ਤੁਸੀਂ ਲਾਈਵ ਕਿੱਥੇ ਦੇਖ ਸਕਦੇ ਹੋ
ਇਸ ਈਵੈਂਟ ਨੂੰ ਐਪਲ ਦੀ ਵੈੱਬਸਾਈਟ 'ਤੇ ਲਾਈਵ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਤੁਸੀਂ ਇਸ ਨੂੰ ਐਪਲ ਦੇ ਯੂਟਿਊਬ ਚੈਨਲਾਂ 'ਤੇ ਵੀ ਲਾਈਵ ਦੇਖ ਸਕਦੇ ਹੋ। ਇਸ ਈਵੈਂਟ ਦੀ ਲਾਈਵ ਸਟ੍ਰੀਮਿੰਗ ਐਪਲ ਟੀਵੀ ਐਪ 'ਤੇ ਵੀ ਕੀਤੀ ਜਾਵੇਗੀ। ਇਸ ਨੂੰ ਦੇਖਣਾ ਬਿਲਕੁਲ ਮੁਫਤ ਹੈ।
ਐਪਲ ਨੇ ਇਸ ਸਾਲ ਦੋ ਵੱਡੇ ਈਵੈਂਟ ਆਯੋਜਿਤ ਕੀਤੇ ਹਨ। ਸਭ ਤੋਂ ਪਹਿਲਾਂ ਜੂਨ ਵਿੱਚ ਇੱਕ ਸਮਾਗਮ ਹੋਇਆ, ਜਿਸ ਨੂੰ ਵਰਲਡ ਵਾਈਡ ਡਿਵੈਲਪਰਜ਼ ਕਾਨਫਰੰਸ ਦਾ ਨਾਂ ਦਿੱਤਾ ਗਿਆ। ਇਸ ਤੋਂ ਬਾਅਦ ਐਪਲ ਨੇ Wonderlust ਈਵੈਂਟ ਦਾ ਆਯੋਜਨ ਕੀਤਾ, ਜੋ ਕਿ 12 ਸਤੰਬਰ ਨੂੰ ਹੋਇਆ ਸੀ। ਇਸ ਈਵੈਂਟ ਦੌਰਾਨ, ਕੰਪਨੀ ਨੇ ਆਈਫੋਨ 15 ਸੀਰੀਜ਼ ਅਤੇ ਆਈਫੋਨ 15 ਪ੍ਰੋ ਸੀਰੀਜ਼ ਦੇ ਨਵੀਨਤਮ ਮਾਡਲਾਂ ਨੂੰ ਪੇਸ਼ ਕੀਤਾ।
- PTC NEWS
