ਦੁਬਈ ਦੇ ਸ਼ਾਸ਼ਕ ਦੀ ਧੀ ਘਰੋਂ ਭੱਜੀ, ਮਾਮਲਾ ਹੋਇਆ ਗੁੰਝਲਦਾਰ
ਦੁਨੀਆ ਦਾ ਕੋਈ ਵੀ ਅਜਿਹਾ ਕੋਨਾ ਨਹੀਂ ਜਿੱਥੇ ਅਜਬ ਜਿਹੀਆਂ ਘਟਨਾਵਾਂ ਨਾ ਵਾਪਰਦੀਆਂ ਹੋਣ। ਚਾਹੇ ਗੱਲ ਕਰੀਏ ਕਿਸੇ ਗਰੀਬ ਤਬਕੇ ਦੀ ਜਾਂ ਅਮੀਰ ਤਬਕੇ ਦੀ ਇਸ ਤਰ੍ਹਾਂ ਦੀਆਂ ਗੱਲਾਂ ਆਮ ਸੁਣਨ ਨੂੰ ਮਿਲਦੀਆਂ ਹਨ ਕਿ ਕਿਸੇ ਕਾਰਨ ਕਰਕੇ ਫਲਾਣੇ ਪਰਿਵਾਰ ਦਾ ਬੱਚਾ ਘਰੋਂ ਭੱਜ ਗਿਆ। ਪਰ ਅੱਜ ਜਿਹੜੀ ਗੱਲ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਇਹ ਕਿਸੇ ਆਮ ਬੰਦੇ ਦੀ ਗੱਲ ਨਹੀਂ ਹੈ ਬਲਕਿ ਦੁਬਈ ਦੇ ਸ਼ਾਸ਼ਕ ਦੀ ਧੀ ਸ਼ੇਖਾ ਲਤੀਫ਼ਾ ਦੇ ਘਰੋਂ ਭੱਜ ਜਾਣ ਦੀ ਹੈ ।
ਲਤੀਫ਼ਾ ਨੇ ਆਪਣੇ ਪਰਿਵਾਰ ਤੇ ਦੋਸ਼ ਮੜ੍ਹਿਆ ਹੈ ਕਿ ਉਨ੍ਹਾਂ ਵੱਲੋਂ ਉਸ ਨਾਲ ਬਹੁਤ ਹੀ ਮਾੜਾ ਵਿਵਹਾਰ ਕੀਤਾ ਜਾ ਰਿਹਾ ਸੀ ਤੇ ਉਹ ਇੱਕ ਕੈਦੀ ਦੇ ਵਾਂਗ ਆਪਣੀ ਜ਼ਿੰਦਗੀ ਬਿਤਾ ਰਹੀ ਸੀ ।ਜਿਸਦੇ ਨਤੀਜੇ ਵਜੋਂ ਇਹ ਸ਼ਹਿਜ਼ਾਦੀ ਸ਼ੇਖਾ ਲਤੀਫ਼ ਨੇ ਫਰਾਂਸ ਦੇ ਸਾਬਕਾ ਜਾਸੂਸ ਹਾਰਵੇ ਜਾਓਬਰਟ ਅਤੇ ਦੋਸਤ ਟੀਨਾ ਯੋਹੰਨਾ ਨਾਲ ਭੱਜਣ ਲਈ ਮਜ਼ਬੂਰ ਹੋ ਗਈ।
ਚਾਹੇ ਇਹ ਕਿਹਾ ਜਾ ਰਿਹਾ ਹੈ ਕਿ ਦੁਬਈ ਸ਼ਾਸ਼ਕ ਸੰਯੁਕਤ ਰਾਸ਼ਟਰ ਅਮੀਰਾਤ ਦੇ ਉੱਪ ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੌਮ ਦੀ ਧੀ ਭੱਜ ਗਈ ਹੈ ਪਰ ਗਵਾਹ ਕਹਿੰਦੇ ਹਨ ਕਿ ਸਮੁੰਦਰੀ ਯਾਤਰਾ ਦੌਰਾਨ ਉਸਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਸੀ। ਜਿਸ ਤੋਂ ਇਹ ਜ਼ਾਹਿਰ ਹੁੰਦਾ ਹੈ ਕਿ ਇਹ ਮਾਮਲਾ ਉਸਦੀ ਗੁੰਮਸ਼ੁਦਗੀ ਵੱਲ ਰੁੱਖ ਕਰ ਰਿਹਾ ਹੈ।ਹਿਊਮਨ ਰਾਈਟਸ ਦੇ ਅਨੁਸਾਰ ਇਹ ਕਿਹਾ ਗਿਆ ਹੈ ਕਿ ਉਸਦਾ ਪਤਾ ਨਾ ਦੱਸਣ ਦੀ ਸੂਰਤ ਵਿੱਚ ਇਹ ਸਿੱਧੇ ਤੌਰ ਤੇ ਕਿਹਾ ਜਾ ਸਕੇਗਾ ਕਿ ਉਹ ਭੱਜੀ ਨਹੀਂ ਬਲਕਿ ਉਸਨੂੰ ਗਾਇਬ ਕੀਤਾ ਗਿਆ ਹੈ । ਦੁਬਈ ਮੀਡਿਆ ਦਾ ਅਤੇ ਦੁਬਈ ਸਰਕਾਰ ਦਾ ਇਸ ਮਾਮਲੇ ਤੇ ਕੋਈ ਟਿੱਪਣੀ ਨਾ ਕਰਨ ਨਾਲ ਇਹ ਮਸਲਾ ਕਾਫ਼ੀ ਗੁੰਝਲਦਾਰ ਬਣਦਾ ਜਾ ਰਿਹਾ ਹੈ।
—PTC News
