ਵਿਦਿਆਰਥੀਆਂ 'ਚ ਨਾਗਰਿਕ ਤੇ ਨੈਤਿਕ ਕਦਰਾਂ-ਕੀਮਤਾਂ ਪੈਦਾ ਕਰਨ ਸਬੰਧੀ ਫੈਸਟ ਦਾ ਆਯੋਜਨ
ਚੰਡੀਗੜ੍ਹ, 30 ਨਵੰਬਰ: ਮਾਨਵ ਮੰਗਲ ਸਮਾਰਟ ਵਰਲਡ ਵਿਖੇ ਚਰਿੱਤਰ ਨਿਰਮਾਣ ਅਤੇ ਸਿਵਿਕ ਸੈਂਸ ਫੈਸਟ ਦਾ ਆਯੋਜਨ ਕੀਤਾ ਗਿਆ। ਫੈਸਟ ਦਾ ਉਦੇਸ਼ ਵਿਦਿਆਰਥੀਆਂ ਵਿੱਚ ਨਾਗਰਿਕ ਅਤੇ ਨੈਤਿਕ ਕਦਰਾਂ-ਕੀਮਤਾਂ ਬਾਰੇ ਰਚਨਾਤਮਕ ਜਾਗਰੂਕਤਾ ਪੈਦਾ ਕਰਨਾ ਹੈ।
ਸਾਡੇ ਬੱਚੇ ਸਾਡੇ ਦੇਸ਼ ਦੇ ਭਵਿੱਖ ਦੇ ਨਾਗਰਿਕ ਹਨ। ਉਨ੍ਹਾਂ ਵਿੱਚ ਜ਼ਿੰਮੇਵਾਰੀ ਦੀ ਭਾਵਨਾ, ਅਧਿਕਾਰਾਂ ਅਤੇ ਕਰਤੱਵਾਂ ਦਾ ਸਤਿਕਾਰ ਅਤੇ ਕਾਨੂੰਨ ਪ੍ਰਤੀ ਸਤਿਕਾਰ ਇਹ ਯਕੀਨੀ ਬਣਾਏਗਾ ਕਿ ਉਹ ਸਮਾਜ ਦੇ ਜ਼ਿੰਮੇਵਾਰ ਅਤੇ ਉਤਪਾਦਕ ਮੈਂਬਰ ਬਣ ਸਕਣ।
ਫੈਸਟ ਵਿੱਚ ਵੱਖੋ-ਵੱਖਰੇ ਵਿਸ਼ਿਆਂ ਦੇ ਤਹਿਤ ਵੱਖ-ਵੱਖ ਰੰਗੋਲੀਆਂ ਬਣਾਈਆਂ ਗਈਆਂ ਸਨ ਜਿਵੇਂ ਕਿ ਹਮਦਰਦੀ, ਧੱਕੇਸ਼ਾਹੀ ਦਾ ਵਿਰੋਧ, ਗੁੱਸੇ ਨੂੰ ਕਿਵੇਂ ਸੰਭਾਲਣਾ ਅਤੇ ਦੂਜਿਆਂ ਲਈ ਸਤਿਕਾਰ, ਇੰਟਰਨੈਟ ਦੀ ਗਲਤ ਵਰਤੋਂ, ਦਿਆਲੂ ਅਤੇ ਭਰੋਸੇਮੰਦ ਬਣਨਾ, ਸ਼ੁਕਰਗੁਜ਼ਾਰ ਹੋਣਾ, ਭੇਦਭਾਵ 'ਤੇ ਰੋਕ ਵਰਗੇ ਹੋਰ ਅਨੇਕਾਂ ਹੀ ਵਿਸ਼ੇ ਸ਼ਾਮਲ ਸਨ।
ਇਸ ਦਰਮਿਆਨ ਪੰਜਵੀਂ, ਛੇਵੀਂ ਅਤੇ ਸੱਤਵੀਂ ਜਮਾਤ ਦੇ ਵਿਦਿਆਰਥੀਆਂ ਦਰਸ਼ਕਾਂ ਨੂੰ ਰੰਗੋਲੀਆਂ ਬਾਰੇ ਸਮਝਣਾ ਵੀ ਕੀਤਾ ਗਿਆ। ਮਾਪਿਆਂ ਨੇ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਦੁਆਰਾ ਕੀਤੇ ਗਏ ਯਤਨਾਂ ਦੀ ਸ਼ਲਾਘਾ ਕੀਤੀ।
- PTC NEWS
