ਪੰਜਾਬ

AAI Recruitment 2022: ਏਅਰਪੋਰਟ ਅਥਾਰਟੀ 'ਚ ਨਿਕਲੀ 156 ਜੂਨੀਅਰ ਸਹਾਇਕ ਦੀ ਭਰਤੀ

By Pardeep Singh -- September 01, 2022 8:22 am

ਚੰਡੀਗੜ੍ਹ: ਏਅਰਪੋਰਟ ਅਥਾਰਟੀ ਵਿੱਚ ਸਰਕਾਰੀ ਨੌਕਰੀਆਂ ਦੀ ਚਾਹਤ ਰੱਖਣ ਵਾਲੇ ਉਮੀਦਵਾਰਾਂ ਲਈ ਖੁਸ਼ਖਬਰੀ ਹੈ। ਏਅਰਪੋਰਟ ਅਥਾਰਟੀ ਆਫ਼ ਇੰਡੀਆ ਭਾਰਤ ਸਰਕਾਰ ਦੇ ਜਨਤਕ ਖੇਤਰ ਦੇ ਅਦਾਰਿਆਂ ਵਿੱਚੋਂ ਇਕ ਅਤੇ ਮਿੰਨੀ ਰਤਨ ਕੰਪਨੀ ਨੇ ਵੱਖ-ਵੱਖ ਵਿਭਾਗਾਂ ਵਿੱਚ ਜੂਨੀਅਰ ਸਹਾਇਕ ਦੀਆਂ ਅਸਾਮੀਆਂ ਦੀ ਭਰਤੀ ਲਈ ਇਸ਼ਤਿਹਾਰ ਜਾਰੀ ਕੀਤਾ ਹੈ। ਅਥਾਰਟੀ ਦੁਆਰਾ 25 ਅਗਸਤ 2022 ਨੂੰ ਜਾਰੀ ਕੀਤੇ ਗਏ ਭਰਤੀ ਇਸ਼ਤਿਹਾਰ (No.SR/01/2022) ਅਨੁਸਾਰ, ਫਾਇਰ ਸਰਵਿਸ, ਦਫਤਰ, ਲੇਖਾ ਅਤੇ ਸਰਕਾਰੀ ਭਾਸ਼ਾ ਦੇ ਵਿਭਾਗਾਂ ਵਿੱਚ ਕੁੱਲ 156 ਅਸਾਮੀਆਂ ਦੀ ਭਰਤੀ ਕੀਤੀ ਜਾਵੇਗੀ।

ਇਨ੍ਹਾਂ ਵਿੱਚੋਂ ਫਾਇਰ ਸਰਵਿਸ ਵਿੱਚ ਸਭ ਤੋਂ ਵੱਧ 132 ਅਸਾਮੀਆਂ ਹਨ, ਜਦੋਂ ਕਿ ਦਫ਼ਤਰ ਵਿੱਚ 10, ਅਕਾਉਂਟ 13 ਅਤੇ ਸਰਕਾਰੀ ਭਾਸ਼ਾ ਵਿੱਚ ਜੂਨੀਅਰ ਸਹਾਇਕ ਦੀਆਂ ਸਿਰਫ਼ 1 ਅਸਾਮੀਆਂ ਹਨ। ਇਨ੍ਹਾਂ ਅਸਾਮੀਆਂ ਲਈ ਅਰਜ਼ੀਆਂ 1 ਸਤੰਬਰ ਤੋਂ 30 ਸਤੰਬਰ 2022 ਤਕ ਅਧਿਕਾਰਤ ਵੈੱਬਸਾਈਟ, aai.aero 'ਤੇ ਭਰਤੀ ਸੈਕਸ਼ਨ ਵਿੱਚ ਆਨਲਾਈਨ ਮੋਡ ਵਿੱਚ ਦਿੱਤੀਆਂ ਜਾ ਸਕਦੀਆਂ ਹਨ।

AAI ਦੇ ਇਸ਼ਤਿਹਾਰ ਦੇ ਅਨੁਸਾਰ ਸਿਰਫ ਉਹ ਉਮੀਦਵਾਰ ਜੋ ਤਾਮਿਲਨਾਡੂ, ਆਂਧਰਾ ਪ੍ਰਦੇਸ਼, ਤੇਲੰਗਾਨਾ, ਕਰਨਾਟਕ, ਕੇਰਲ, ਪੁਡੂਚੇਰੀ ਅਤੇ ਲਕਸ਼ਦੀਪ ਦੇ ਵਸਨੀਕ ਹਨ ਉਹ 156 ਜੂਨੀਅਰ ਅਸਿਸਟੈਂਟ ਪੋਸਟਾਂ ਲਈ ਅਪਲਾਈ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ, ਵਿਭਾਗਾਂ ਅਨੁਸਾਰ ਜੂਨੀਅਰ ਸਹਾਇਕ ਦੀਆਂ ਅਸਾਮੀਆਂ ਲਈ ਨਿਰਧਾਰਤ ਵਿਦਿਅਕ ਯੋਗਤਾ, ਉਮਰ ਸੀਮਾ ਆਦਿ ਹੇਠ ਲਿਖੇ ਅਨੁਸਾਰ ਹਨ: -

ਫਾਇਰ ਸਰਵਿਸ ਵਿੱਚ ਜੂਨੀਅਰ ਅਸਿਸਟੈਂਟ ਦੀਆਂ ਅਸਾਮੀਆਂ ਲਈ ਅਪਲਾਈ ਕਰਨ ਦੇ ਇੱਛੁਕ ਉਮੀਦਵਾਰਾਂ ਕੋਲ ਘੱਟੋ-ਘੱਟ 50% ਅੰਕਾਂ ਨਾਲ 10ਵੀਂ ਪਾਸ ਅਤੇ ਮਕੈਨੀਕਲ/ਆਟੋਮੋਬਾਈਲ/ਫਾਇਰ ਵਿੱਚ ਤਿੰਨ ਸਾਲ ਦਾ ਡਿਪਲੋਮਾ ਹੋਣਾ ਚਾਹੀਦਾ ਹੈ।

ਘੱਟੋ-ਘੱਟ 50% ਅੰਕਾਂ ਨਾਲ 12ਵੀਂ ਪਾਸ ਕੀਤੀ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਉਮੀਦਵਾਰਾਂ ਕੋਲ ਯੋਗ ਹੈਵੀ ਵਹੀਕਲ ਡਰਾਈਵਿੰਗ ਲਾਇਸੈਂਸ ਹੋਣਾ ਚਾਹੀਦਾ ਹੈ। ਉਮਰ ਸੀਮਾ 25 ਅਗਸਤ ਨੂੰ 18 ਤੋਂ 30 ਸਾਲ ਹੈ।

ਜੂਨੀਅਰ ਅਸਿਸਟੈਂਟ ਲਈ ਬੈਚਲਰ ਡਿਗਰੀ ਅਤੇ ਕੰਪਿਊਟਰ ਟਾਈਪਿੰਗ ਸਪੀਡ ਲਈ ਅੰਗਰੇਜ਼ੀ ਵਿੱਚ 30 ਸ਼ਬਦ ਪ੍ਰਤੀ ਮਿੰਟ ਜਾਂ ਹਿੰਦੀ ਵਿੱਚ 25 ਸ਼ਬਦ ਪ੍ਰਤੀ ਮਿੰਟ ਦੀ ਸਪੀਡ ਹੋਣੀ ਚਾਹੀਦੀ ਹੈ। ਇਸ ਦੇ ਨਾਲ ਹੀ ਸਬੰਧਤ ਕੰਮ ਵਿੱਚ ਘੱਟੋ-ਘੱਟ 2 ਸਾਲ ਦਾ ਤਜ਼ਰਬਾ ਜ਼ਰੂਰੀ ਹੈ।

ਇਹ ਵੀ ਪੜ੍ਹੋ:ਵਿਜੀਲੈਂਸ ਨੇ ਮਨਪ੍ਰੀਤ ਸਿੰਘ ਈਸੇਵਾਲ ਨੂੰ ਹਿਰਾਸਤ 'ਚ ਲੈ ਕੇ ਕੀਤੀ ਪੁੱਛਗਿੱਛ

-PTC News

  • Share