ਕਾਬੁਲ ਗੁਰਦੁਆਰਾ ਕਮੇਟੀ ਨਾਲ ਤਾਲਿਬਾਨ ਦੀ ਮੀਟਿੰਗ, ਕਿਹਾ - ਹਿੰਦੂਆਂ -ਸਿੱਖਾਂ ਨੂੰ ਪ੍ਰੇਸ਼ਾਨ ਨਹੀਂ ਕੀਤਾ ਜਾਵੇਗਾ
ਕਾਬੁਲ : ਅਫ਼ਗਾਨਿਸਤਾਨ ਵਿੱਚ ਜਦੋਂ ਦੀ ਤਾਲਿਬਾਨ ਦੀ ਵਾਪਸੀ ਹੋਈ ਹੈ , ਘੱਟਗਿਣਤੀਆਂ ਆਪਣੀ ਸੁਰੱਖਿਆ ਨੂੰ ਲੈ ਕੇ ਬਹੁਤ ਚਿੰਤਤ ਹਨ। ਕੀ ਹਿੰਦੂ , ਕੀ ਸਿੱਖ, ਇਸ ਸਮੇਂ ਹਰ ਕੋਈ ਡਰਿਆ ਹੋਇਆ ਹੈ ਅਤੇ ਤਾਲਿਬਾਨ ਦੇ ਸ਼ਾਸਨ ਤੋਂ ਭੱਜਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਭਾਰਤ ਨੇ ਅਫਗਾਨਿਸਤਾਨ ਵਿੱਚ ਰਹਿਣ ਵਾਲੇ ਹਿੰਦੂ ਅਤੇ ਸਿੱਖ ਭਾਈਚਾਰੇ ਦੇ ਲੋਕਾਂ ਨੂੰ ਪਨਾਹ ਦੇਣ ਦੀ ਗੱਲ ਵੀ ਕਹੀ ਹੈ ਪਰ ਹੁਣ ਇਸ ਦੌਰਾਨ ਤਾਲਿਬਾਨ ਦਾ ਇੱਕ ਵੱਡਾ ਬਿਆਨ ਸਾਹਮਣੇ ਆਇਆ ਹੈ।
[caption id="attachment_525187" align="aligncenter" width="275"]
ਕਾਬੁਲ ਗੁਰਦੁਆਰਾ ਕਮੇਟੀ ਨਾਲ ਤਾਲਿਬਾਨ ਦੀ ਮੀਟਿੰਗ, ਕਿਹਾ - ਹਿੰਦੂਆਂ -ਸਿੱਖਾਂ ਨੂੰ ਪ੍ਰੇਸ਼ਾਨ ਨਹੀਂ ਕੀਤਾ ਜਾਵੇਗਾ[/caption]
ਤਾਲਿਬਾਨ ਨੇ ਜ਼ੋਰ ਦੇ ਕੇ ਕਿਹਾ ਹੈ ਕਿ ਅਫਗਾਨਿਸਤਾਨ ਵਿੱਚ ਹਿੰਦੂ ਅਤੇ ਸਿੱਖ ਬਿਲਕੁਲ ਸੁਰੱਖਿਅਤ ਹਨ। ਕਾਬੁਲ ਗੁਰਦੁਆਰਾ ਕਮੇਟੀ ਨਾਲ ਮੁਲਾਕਾਤ ਤੋਂ ਬਾਅਦ ਤਾਲਿਬਾਨ ਨੇ ਇਹ ਬਿਆਨ ਦਿੱਤਾ ਹੈ। ਇਹ ਭਰੋਸਾ ਦਿੱਤਾ ਗਿਆ ਹੈ ਕਿ ਅਫਗਾਨਿਸਤਾਨ ਵਿੱਚ ਹਿੰਦੂਆਂ ਅਤੇ ਸਿੱਖਾਂ ਨੂੰ ਪ੍ਰੇਸ਼ਾਨ ਨਹੀਂ ਕੀਤਾ ਜਾਵੇਗਾ ਅਤੇ ਉਨ੍ਹਾਂ ਨੂੰ ਪੂਰੀ ਸੁਰੱਖਿਆ ਵੀ ਮਿਲੇਗੀ। ਤਾਲਿਬਾਨ ਦੇ ਨਾਲ ਕਾਬੁਲ ਗੁਰਦੁਆਰਾ ਕਮੇਟੀ ਦੀ ਇਸ ਬੈਠਕ ਦੀ ਤਸਵੀਰ ਵੀ ਸਾਹਮਣੇ ਆਈ ਹੈ, ਜਿੱਥੇ ਕਈ ਤਾਲਿਬਾਨ ਨੇਤਾ ਬੈਠੇ ਦਿਖਾਈ ਦੇ ਰਹੇ ਹਨ।
[caption id="attachment_525188" align="aligncenter" width="300"]
ਕਾਬੁਲ ਗੁਰਦੁਆਰਾ ਕਮੇਟੀ ਨਾਲ ਤਾਲਿਬਾਨ ਦੀ ਮੀਟਿੰਗ, ਕਿਹਾ - ਹਿੰਦੂਆਂ -ਸਿੱਖਾਂ ਨੂੰ ਪ੍ਰੇਸ਼ਾਨ ਨਹੀਂ ਕੀਤਾ ਜਾਵੇਗਾ[/caption]
ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਸਮਾਂ ਪਹਿਲਾਂ ਖ਼ਬਰ ਆਈ ਸੀ ਕਿ 200 ਲੋਕਾਂ ਨੇ ਤਾਲਿਬਾਨ ਦੇ ਡਰ ਕਾਰਨ ਕਾਬੁਲ ਦੇ ਇੱਕ ਗੁਰਦੁਆਰੇ ਵਿੱਚ ਸ਼ਰਨ ਲਈ ਹੋਈ ਹੈ। ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਹਿੰਦੂ ਅਤੇ ਸਿੱਖ ਭਾਈਚਾਰੇ ਦੇ ਸਨ। ਬਹੁਤ ਸਾਰੇ ਅਜਿਹੇ ਵੀ ਸਨ ,ਜੋ ਹੁਣ ਸਿੱਧੇ ਅਮਰੀਕਾ ਜਾਂ ਕੈਨੇਡਾ ਜਾਣ ਦੀ ਯੋਜਨਾ ਬਣਾ ਰਹੇ ਸਨ। ਉਨ੍ਹਾਂ ਨੂੰ ਤਾਲਿਬਾਨ ਵਿੱਚ ਵਿਸ਼ਵਾਸ ਨਹੀਂ ਸੀ।
[caption id="attachment_525186" align="aligncenter" width="275"]
ਕਾਬੁਲ ਗੁਰਦੁਆਰਾ ਕਮੇਟੀ ਨਾਲ ਤਾਲਿਬਾਨ ਦੀ ਮੀਟਿੰਗ, ਕਿਹਾ - ਹਿੰਦੂਆਂ -ਸਿੱਖਾਂ ਨੂੰ ਪ੍ਰੇਸ਼ਾਨ ਨਹੀਂ ਕੀਤਾ ਜਾਵੇਗਾ[/caption]
ਪਰ ਹੁਣ ਉਹੀ ਵਿਸ਼ਵਾਸ ਜਿੱਤਣ ਲਈ ਤਾਲਿਬਾਨ ਨੇ ਕਾਬੁਲ ਗੁਰਦੁਆਰਾ ਕਮੇਟੀ ਨਾਲ ਇਹ ਮੀਟਿੰਗ ਕੀਤੀ ਹੈ। ਮੀਟਿੰਗ ਵਿੱਚ ਸਪੱਸ਼ਟ ਕਿਹਾ ਗਿਆ ਹੈ ਕਿ ਕਿਸੇ ਨੂੰ ਡਰਨ ਦੀ ਲੋੜ ਨਹੀਂ ਹੈ ਅਤੇ ਸਾਰਿਆਂ ਨੂੰ ਸੁਰੱਖਿਆ ਦਿੱਤੀ ਜਾਵੇਗੀ ਪਰ ਮੌਜੂਦਾ ਸਥਿਤੀ ਨੂੰ ਵੇਖਦੇ ਹੋਏ ਕੋਈ ਵੀ ਤਾਲਿਬਾਨ ਦੇ ਭਰੋਸੇ 'ਤੇ ਵਿਸ਼ਵਾਸ ਨਹੀਂ ਕਰ ਰਿਹਾ ਹੈ। ਇਸ ਵੇਲੇ ਤਾਲਿਬਾਨ ਦੀ ਕਹਿਣੀ ਅਤੇ ਕਰਨੀ ਵਿੱਚ ਬਹੁਤ ਅੰਤਰ ਹੈ।
[caption id="attachment_525187" align="aligncenter" width="275"] ਕਾਬੁਲ ਗੁਰਦੁਆਰਾ ਕਮੇਟੀ ਨਾਲ ਤਾਲਿਬਾਨ ਦੀ ਮੀਟਿੰਗ, ਕਿਹਾ - ਹਿੰਦੂਆਂ -ਸਿੱਖਾਂ ਨੂੰ ਪ੍ਰੇਸ਼ਾਨ ਨਹੀਂ ਕੀਤਾ ਜਾਵੇਗਾ[/caption]
ਵੈਸੇ ਵੀ ਤਾਲਿਬਾਨ ਹੁਣ ਘੱਟਗਿਣਤੀਆਂ ਨੂੰ ਕਿੰਨੀ ਆਜ਼ਾਦੀ ਦੇਵੇਗਾ, ਜਿਸਨੇ ਅਫਗਾਨਿਸਤਾਨ ਵਿੱਚ ਸ਼ਰੀਆ ਕਾਨੂੰਨ ਲਾਗੂ ਕਰਨ ਦੀ ਗੱਲ ਕਹੀ ਹੈ, ਆਪਣੇ ਆਪ ਵਿੱਚ ਇੱਕ ਵੱਡਾ ਸਵਾਲ ਹੈ। ਇਸ ਸ਼ੱਕ ਦੇ ਕਾਰਨ ਅਫਗਾਨਿਸਤਾਨ ਵਿੱਚ ਮੌਜੂਦ ਘੱਟਗਿਣਤੀਆਂ ਡਰ ਰਹੀਆਂ ਹਨ। ਉਨ੍ਹਾਂ ਨੂੰ ਆਪਣੀ ਸੁਰੱਖਿਆ ਦੀ ਚਿੰਤਾ ਹੋਣ ਲੱਗੀ ਹੈ। ਤਾਲਿਬਾਨ ਨਿਸ਼ਚਤ ਰੂਪ ਤੋਂ ਆਪਣਾ ਅਕਸ ਬਦਲਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਪਰ ਇਸ ਦੀਆਂ ਕਾਰਵਾਈਆਂ ਵੀ ਮਸ਼ਹੂਰ ਹਨ ਅਤੇ ਇਸਦੀ ਵਿਚਾਰਧਾਰਾ ਵੀ ਸਪਸ਼ਟ ਸੰਦੇਸ਼ ਦੇ ਰਹੀ ਹੈ।
-PTCNews
