ਜੂਸ ਦੀ ਦੁਕਾਨ 'ਤੇ ਆਉਂਦੀ ਸੀ ਮੁਟਿਆਰ, ਹੋਇਆ ਪਿਆਰ, ਕੁਹਾੜੀ ਨਾਲ ਕੀਤੇ ਟੋਟੇ
ਗਾਜ਼ੀਆਬਾਦ : ਗਾਜ਼ੀਆਬਾਦ 'ਚ ਆਸ਼ਾ ਦੇਵੀ ਨਾਂ ਦੀ ਮਹਿਲਾ ਦੇ ਕਤਲ ਦੇ ਇਲਜ਼ਾਮ 'ਚ ਨਦੀਮ ਨਾਂ ਦੇ ਨੌਜਵਾਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਪੁਲਿਸ ਮੁਤਾਬਕ ਨਦੀਮ ਅਤੇ ਆਸ਼ਾ ਦੇਵੀ ਵਿਚਕਾਰ ਪ੍ਰੇਮ ਸਬੰਧ ਸਨ ਪਰ ਉਸ ਨੂੰ ਆਸ਼ਾ ਦੇ ਸੁਭਾਅ ਅਤੇ ਹੋਰ ਮਰਦਾਂ ਨਾਲ ਸਬੰਧਾਂ 'ਤੇ ਸ਼ੱਕ ਸੀ। ਇਸ ਕਾਰਨ ਉਸ ਨੇ ਕੁਹਾੜੀ ਨਾਲ ਵੱਢ ਕੇ ਟੋਟੇ ਕਰ ਦਿੱਤੇ।
ਇਹ ਮਾਮਲਾ ਗਾਜ਼ੀਆਬਾਦ ਦੇ ਆਨੰਦਗ੍ਰਾਮ ਇਲਾਕੇ ਦਾ ਹੈ। ਪੁਲਿਸ ਮੁਤਾਬਕ 17 ਸਤੰਬਰ ਨੂੰ ਨੰਦਗਰਾਮ ਦੇ ਦੀਨਦਿਆਲਪੁਰੀ 'ਚ ਇੱਕ ਔਰਤ ਦਾ ਕਤਲ ਕਰ ਦਿੱਤਾ ਗਿਆ ਸੀ। ਟੀਮ ਘਟਨਾ ਦਾ ਪਰਦਾਫਾਸ਼ ਕਰਨ ਲਈ ਕੰਮ ਕਰ ਰਹੀ ਸੀ। ਮਾਮਲੇ 'ਚ ਦੋਸ਼ੀ ਨਦੀਮ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਮੁਲਜ਼ਮ ਨਦੀਮ ਇੱਕ ਸਾਲ ਪਹਿਲਾਂ ਮਹਿਲਾ ਆਸ਼ਾ ਨੂੰ ਮਿਲਿਆ ਸੀ ਅਤੇ ਦੋਵਾਂ ਵਿੱਚ ਪ੍ਰੇਮ ਸਬੰਧ ਸਨ। ਕੁਝ ਦਿਨ ਪਹਿਲਾਂ ਉਹ ਮੁਰਾਦਾਬਾਦ ਗਿਆ ਸੀ। ਜਦੋਂ ਉਸਨੇ ਆਸ਼ਾ ਦੇਵੀ ਨੂੰ ਫ਼ੋਨ ਕੀਤਾ ਤਾਂ ਇੱਕ ਵਿਅਕਤੀ ਨੇ ਫ਼ੋਨ ਚੁੱਕਿਆ। ਇਸ ਲਈ ਨਦੀਮ ਨੂੰ ਔਰਤ 'ਤੇ ਕਿਸੇ ਹੋਰ ਪੁਰਸ਼ ਨਾਲ ਅਫੇਅਰ ਹੋਣ ਦਾ ਸ਼ੱਕ ਸੀ। ਘਟਨਾ ਵਾਲੇ ਦਿਨ ਉਹ ਔਰਤ ਦੇ ਘਰ ਗਿਆ ਸੀ। ਇਸ ਦੌਰਾਨ ਉਸ ਨੇ ਔਰਤ ਨੂੰ ਕੁਝ ਨਹੀਂ ਕਿਹਾ ਪਰ ਫਿਰ ਵੀ ਥੋੜ੍ਹਾ ਜਿਹਾ ਝਗੜਾ ਹੋਇਆ ਅਤੇ ਇਸ ਤੋਂ ਬਾਅਦ ਦੋਵੇਂ ਸੌਂ ਗਏ। ਰਾਤ ਨੂੰ ਅਚਾਨਕ ਨਦੀਮ ਜਾਗ ਗਿਆ ਅਤੇ ਸੁੱਤੀ ਹੋਈ ਔਰਤ 'ਤੇ ਕੁਹਾੜੀ ਨਾਲ ਹਮਲਾ ਕਰ ਦਿੱਤਾ।
ਦੱਸ ਦੇਈਏ ਕਿ ਆਸ਼ਾ ਦਾ ਪਿਛਲੇ ਦਿਨੀਂ ਵਿਆਹ ਹੋਇਆ ਸੀ ਪਰ ਉਹ ਆਪਣੇ ਪਤੀ ਤੋਂ ਵੱਖ ਹੋ ਕੇ ਨੰਦਗ੍ਰਾਮ ਇਲਾਕੇ 'ਚ ਕਿਰਾਏ ਦੇ ਮਕਾਨ 'ਚ ਰਹਿ ਰਹੀ ਸੀ। ਨਦੀਮ ਬਾਰੇ ਪਤਾ ਲੱਗਾ ਹੈ ਕਿ ਉਹ ਜੂਸ ਵੇਚਣ ਦਾ ਕੰਮ ਕਰਦਾ ਹੈ। ਉਸ ਦਾ ਮੁਰਾਦਾਬਾਦ ਵਿੱਚ ਜੂਸ ਵੇਚਣ ਦਾ ਕਾਰੋਬਾਰ ਹੈ। ਪੁਲਿਸ ਹੁਣ ਇਸ ਐਂਗਲ 'ਤੇ ਵੀ ਜਾਂਚ ਕਰ ਰਹੀ ਹੈ ਕਿ ਵਿਆਹੁਤਾ ਆਸ਼ਾ ਨਦੀਮ ਦੇ ਸੰਪਰਕ 'ਚ ਕਿਵੇਂ ਆਈ।ਮਿਲੀ ਜਾਣਕਾਰੀ ਮੁਤਾਬਿਕ ਘਰੇਲੂ ਕਾਰਨਾਂ ਕਰਕੇ ਆਪਣੇ ਪਹਿਲੇ ਪਤੀ ਤੋਂ ਵੱਖ ਹੋਣ ਤੋਂ ਬਾਅਦ ਸੋਗ ਵਿਚ ਡੁੱਬੀ ਆਸ਼ਾ ਨੂੰ ਜ਼ਰੂਰ ਲੱਗਾ ਹੋਵੇਗਾ ਕਿ ਨਦੀਮ ਉਸ ਦਾ ਸਹਾਰਾ ਬਣ ਜਾਵੇਗਾ। ਪਰ ਨਦੀਮ ਉਸ ਲਈ ਮੌਤ ਬਣ ਜਾਵੇਗਾ, ਸ਼ਾਇਦ ਆਸ਼ਾ ਨੇ ਵੀ ਨਹੀਂ ਸੋਚਿਆ ਹੋਵੇਗਾ।
ਇਹ ਵੀ ਪੜ੍ਹੋ:IIT ਬੰਬੇ ਦੇ ਮਹਿਲਾ ਬਾਥਰੂਮ ਵਿੱਚ ਝਾਤੀ ਮਾਰਨ ਵਾਲਾ ਕੰਟੀਨ ਵਰਕਰ ਗ੍ਰਿਫ਼ਤਾਰ
-PTC News