ਸਿੱਖ ਜਥੇਬੰਦੀਆਂ ਤੇ ਸ਼੍ਰੋਮਣੀ ਕਮੇਟੀ ਟਾਸਕ ਫੋਰਸ 'ਚ ਹੋਈ ਝੜਪ,ਸਰੇਆਮ ਲਹਿਰਾਈਆਂ ਤਲਵਾਰਾਂ
Jagroop Kaur
October 24th 2020 04:30 PM
ਅੰਮ੍ਰਿਤਸਰ : ਅੰਮ੍ਰਿਤਸਰ ਵਿਖੇ ਮਾਹੋਲ ਉਸ ਸਮੇਂ ਵਿਗੜ ਗਿਆ ਜਦੋਂ ਸਿੱਖ ਜਥੇਬੰਦੀਆਂ ਅਤੇ shiromani task force ਵਿਚਕਾਰ ਝੜਪ ਹੋ ਗਈ। ਦੱਸ ਦਈਏ ਕਿ 328 ਪਾਵਨ ਸਰੂਪ ਲਾਪਤਾ ਹੋਣ ਦੇ ਮਾਮਲੇ ਵਿੱਚ ਸਿੱਖ ਜਥੇਬੰਦੀਆਂ ਪਿਛਲੇ ਦਿਨਾਂ ਤੋਂ ਧਰਨਾ ਪ੍ਰਦਰਸ਼ਨ ਕਰ ਰਹੀਆਂ ਹਨ। ਪਰ ਇਹ ਸ਼ਾਂਤਮਈ ਪ੍ਰਦਰਸ਼ਨ ਉਸ ਵੇਲੇ ਹਿੰਸਕ ਹੋ ਗਿਆ ਜਦੋਂ ਸਿੱਖ ਜਥੇਬੰਦੀਆਂ ਨੇ ਸ਼੍ਰੋਮਣੀ ਕਮੇਟੀ ਦੇ ਦਫ਼ਤਰ ਨੂੰ ਤਾਲਾ ਜੜ ਦਿੱਤਾ।ਇਸ ਤੋਂ ਬਾਅਦ ਸਿੱਖ ਜਥੇਬੰਦੀਆਂ ਅਤੇ ਸ਼੍ਰੋਮਣੀ ਕਮੇਟੀ ਦੀ ਟਾਸਕ ਫੋਰਸ ਵਿਚਕਾਰ ਝੜਪ ਹੋ ਗਈ । ਇਸ ਦੌਰਾਨ ਖੁਲ੍ਹੇਆਮ ਕਿਰਪਾਨਾਂ ਤੱਕ ਚੱਲੀਆਂ। ਇਸ ਦੇ ਨਾਲ ਹੀ ਇੱਥੇ ਤਲਵਾਰਾਂ ਦੇ ਨਾਲ ਨਾਲ ਡਾਂਗਾਂ ਵੀ ਚੱਲੀਆਂ ।ਹਲਾਂਕਿ ਫਿਲਹਾਲ ਸਥਿਤੀ ਸੁਧਰੀ ਹੋਈ ਹੈ ਪਰ ਵਿਚੋਂ ਵਿਚ ਤਣਾਅ ਬਣਿਆ ਹੋਇਆ ਹੈ।