'ਪੰਜਾਬ ਨੂੰ ਮਿਲੇ ਲੋੜੀਂਦੀ ਵੈਕਸੀਨ ਤਾਂ ਜਲਦ ਮਿਲ ਸਕਦੀ ਹੈ ਕੋਰੋਨਾ ਤੋਂ ਰਾਹਤ'
Jagroop Kaur
May 23rd 2021 01:07 PM
ਕੋਰੋਨਾ ਵਾਇਰਸ ਪੰਜਾਬ ਵਿਚ ਆਪਣੇ ਪੈਰ ਪਸਾਰ ਚੁੱਕਿਆ ਹੈ , ਜਿਸ ਦੇ ਹਲ ਲਈ ਸਰਕਾਰਾਂ ਬਹੁਤ ਸਾਰੇ ਯਤਨ ਵੀ ਕਰ ਰਹੀਆਂ ਹਨ , ਵੈਕਸੀਨ ਲਗਵਾਉਣ ਦੀ ਹਿਦਾਇਤ ਅਤੇ ਸਖਤੀ ਕੀਤੀ ਗਈ ਹੈ , ਉਥੇ ਹੀ ਹਾਲ ਹੀ ਚ ਪੰਜਾਬ ਦੇ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ ਬਲਬੀਰ ਸਿੰਘ ਸਿੱਧੂ ਨੇ ਇਕ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਕਿ ਜੇ ਕੇਂਦਰ ਸਰਕਾਰ ਪੰਜਾਬ ਨੂੰ ਲੋੜੀਂਦੀ ਵੈਕਸੀਨ ਦੇ ਦੇਵੇ ਤਾਂ ਅਗਲੇ ਤਿੰਨ ਮਹੀਨਿਆਂ ਦੇ ਅੰਦਰ-ਅੰਦਰ ਪੂਰੇ ਪੰਜਾਬ ਦੇ ਲੋਕਾਂ ਦਾ ਟੀਕਾਕਰਨ ਹੋ ਸਕਦਾ ਹੈ। ਸਿੱਧੂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਕੋਲ ਵੈਕਸੀਨ ਦੀ ਓਨੀ ਸਪਲਾਈ ਨਹੀਂ, ਜਿੰਨੀ ਪੰਜਾਬ ਨੂੰ ਲੋੜ ਹੈ।