ਭੇਦਭਰੀ ਹਾਲਤ ਵਿੱਚ ਅਗਿਆਤ ਔਰਤ ਦੀ ਨਗਨ ਹਾਲਤ ਵਿੱਚ ਲਾਸ਼ ਸੂਏ ਦੇ ਪੁੱਲ ਹੇਠਾਂ ਫਸੀ ਮਿਲੀ
ਫ਼ਰੀਦਕੋਟ ਦੇ ਕਸਬੇ ਜੈਤੋ ਵਿੱਚ ਜੈਤੋ - ਕੋਟਕਪੂਰਾ ਰੋਡ ਉੱਤੇ ਡਰੇਨ ਵਿੱਚ ਰੇਲਵੇ ਪੁੱਲ ਨੰਬਰ 26 ਦੇ ਹੇਠਾਂ ਇੱਕ ਔਰਤ ਦੀ ਨਗਨ ਹਾਲਤ ਵਿੱਚ ਲਾਸ਼ ਮਿਲਣ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਜਾਣਕਰੀ ਮੁਤਾਬਿਕ ਇੱਕ ਅਣਪਛਾਤੀ ਔਰਤ ਦੀ ਲਾਸ਼ ਡਰੇਨ ਦੇ ਪੁੱਲ ਨੰਬਰ 26 ਹੇਠਾਂ ਫਸੀ ਹੋਈ ਸੀ ਜਿਸ ਨੂੰ ਸਹਾਰਾ ਮੈਬਰਾਂ ਦੀ ਟੀਮ ਦੇ ਵੱਲੋਂ ਜਾਕੇ ਲਾਸ਼ ਨੂੰ ਬਾਹਰ ਕੱਢਿਆ ਗਿਆ ਜਿਸ ਦੀ ਉਮਰ ਲੱਗਭੱਗ 35 ਸਾਲ ਹੈ। ਜ਼ਿਕਰਯੋਗ ਹੈ ਕਿ ਇਸ ਔਰਤ ਦੇ ਸਰੀਰ ਉੱਤੇ ਕੋਈ ਵੀ ਕੱਪੜਾ ਨਹੀਂ ਸੀ ਇਸ ਔਰਤ ਦੀ ਮੌਤ ਕਿਸ ਤਰ੍ਹਾਂ ਹੋਈ ਇਸ ਦਾ ਕਾਰਨ ਪਤਾ ਨਹੀ ਚੱਲ ਸਕਿਆ।
ਲਾਸ਼ ਨੂੰ ਸ਼ਨਾਖਤ ਲਈ ਕੋਟਕਪੂਰਾ ਵਿੱਚ 72 ਘੰਟੀਆਂ ਲਈ ਮੋਰਚਰੀ ਵਿੱਚ ਰਖਵਾ ਦਿੱਤਾ ਗਿਆ ਹੈ ਜੇਕਰ ਉਸ ਦੀ ਪਹਿਚਾਣ ਨਾ ਹੋ ਸਕੀ ਤਾਂ ਇਸ ਨੂੰ ਸਹਾਰਾ ਕਲੱਬ ਦੇ ਵੱਲੋਂ ਪੋਸਟਮਾਟਮ ਕਰਵਾ ਕਰ ਸੰਸਕਾਰ ਕਰ ਦਿੱਤਾ ਜਾਵੇਗਾ ।
ਸਹਾਰਾ ਕਲੱਬ ਦੇ ਮੇਂਬਰ ਨਵਦੀਪ ਸਪਰਾ ਨੇ ਦੱਸਿਆ ਦੇ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਦੇ ਡਰੇਨ ਉੱਤੇ ਰੇਲਵੇ ਪੁੱਲ ਨੰਬਰ 26 ਦੇ ਹੇਠਾਂ ਇੱਕ ਔਰਤ ਦੀ ਲਾਸ਼ ਫਸੀ ਹੋਈ ਹੈ ਜਿਸ ਤੇ ਅਸੀਂ ਰੇਲਵੇ ਪੁਲਿਸ ਨੂੰ ਇਤਲਾਹ ਦਿੱਤੀ ਅਤੇ ਲੋਕੋ ਦੀ ਮਦਦ ਨਾਲ ਔਰਤ ਦੀ ਲਾਸ਼ ਨੂੰ ਬਾਹਰ ਕੱਢਿਆ ਗਿਆ । ਇਸ ਦੀ ਉਮਰ ਅੰਦਾਜ਼ਾ 35 ਸਾਲ ਦੇ ਕਰੀਬ ਹੋਵੇਗੀ ਅਤੇ ਇਹ ਬਿਲਕੁੱਲ ਨਗਨ ਹਾਲਤ ਵਿੱਚ ਸੀ ।
-
ਇਸ ਮੌਕੇ ਰੇਲਵੇ ਪੁਲਿਸ ਦੇ ਅਧਿਕਾਰੀ ਦਵਿੰਦਰ ਬਾਬੂ ਨੇ ਦੱਸਿਆ ਦੇ ਸਾਨੂੰ ਸਹਾਰਾ ਕਲੱਬ ਦੇ ਵੱਲੋਂ ਸੂਚਨਾ ਮਿਲੀ ਸੀ ਜਿਸ ਉੱਤੇ ਅਸੀਂ ਕਾਰਵਾਈ ਕਰਦੇ ਹੋਏ ਲਾਸ਼ ਨੂੰ ਬਾਹਰ ਕੱਢਿਆ ਗਿਆ ਹੈ ਅਤੇ ਇਸ ਦੀ ਪਹਿਚਾਣ ਨਾ ਹੋਣ ਦੇ ਚਲਦੇ ਇਸਨੂੰ 72 ਘੰਟੇ ਲਈ ਮੋਰਚਰੀ ਵਿੱਚ ਰਖਵਾਇਆ ਜਾ ਰਿਹਾ ਹੈ।
—PTC News