ਨਾਮੀ ਗੈਂਗਸਟਰ ਨੇ ਕੀਤਾ ਆਤਮ ਸਮਰਪਣ

Gangster ravi deol surrenders in sangrur court today: ਵਿੱਕੀ ਗੌਂਡਰ, ਪ੍ਰੇਮਾ ਲਾਹੌਰੀਆ ਦੇ ਐਨਕਾਉਂਟਰ ਤੋਂ ਬਾਅਦ ਅੱਜ ਇੱਕ ਨਾਮੀ ਗੈਂਗਸਟਰ ਰਵੀ ਦਿਓਲ ਵੱਲੋਂ ਸੰਗਰੂਰ ਅਦਾਲਤ 'ਚ ਸਿਰੰਡਰ ਕੀਤੇ ਜਾਣ ਦੀ ਖਬਰ ਹੈ। ਦੱਸ ਦੇਈਏ ਕਿ ਗੈਂਗਸਟਰ ਰਵੀ ਦਿਓਲ ਦੇ ਵਿਰੁੱਧ ਸੰਗਰੂਰ 'ਚ ਕਈ ਅਪਰਾਧਕ ਮਾਮਲਿਆਂ ਤੋਂ ਇਲਾਵਾ ਨਸ਼ਾ ਤਸਕਰੀ ਦੇ ਵੀ ਦੋਸ਼ ਹਨ, ਜਿੰਨ੍ਹਾਂ ਦੇ ਚੱਲਦਿਆਂ ਪੁਲਿਸ ਵੱਲੋਂ ਉਸਦੀ ਭਾਲ ਸੀ। ਪੁਲਸ ਦੀ ਲੰਮੇ ਸਮੇਂ ਤੋਂ ਰਵੀ ਦਿਓਲ ਦੀ ਭਾਲ ਉਦੋਂ ਖਤਮ ਹੋਈ ਮੰਗਲਵਾਰ ਨੂੰ ਗੈਂਗਸਟਰ ਰਵੀ ਨੇ ਖੁਦ ਸੰਗਰੂਰ ਅਦਾਲਤ ਵਿਚ ਆਤਮ ਸਮਰਪਣ ਕਰ ਦਿੱਤਾ। Gangster ravi deol surrenders in sangrur court today: ਰਵੀ ਪਟਿਆਲਾ ਅਤੇ ਫਤਿਹਗੜ੍ਹ ਤੋਂ ਭਗੌੜਾ ਸੀ ਅਤੇ ਉਸਦੇ ਖਿਲਾਫ 2005 ਤੋਂ 8 ਮਾਮਲੇ ਦਰਜ ਸਨ। ਜ਼ਿਕਰਯੋਗ ਹੈ ਕਿ ਵਿੱਕੀ ਗੌਂਡਰ ਐਨਕਾਊਂਟਰ ਤੋਂ ਪੰਜਾਬ ਪੁਲਿਸ ਹੋਰ ਸਤਰਕ ਹੋ ਗਈ ਹੈ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਵੱਲੋਂ ਵੀ ਗੁੰਡਾਗਰਦੀ ਦੇ ਰਾਹ ਪਏ ਨੌਜਵਾਨਾਂ ਨੂੰ ਆਤਮ ਸਮਰਪਣ ਕਰਨ ਦੀ ਅਪੀਲ ਕੀਤੀ ਗਈ ਹੈ। —PTC News