ਗੁਜਰਾਤ ਤੋਂ ਮਨਾਲੀ ਟੂਰ ਲਈ ਜਾ ਰਹੇ ਬੱਚਿਆਂ ਨਾਲ ਭਰੀ ਬੱਸ ਰੋਪੜ ਨੇੜੇ ਪਲਟੀ,13 ਜ਼ਖਮੀ

ਗੁਜਰਾਤ ਤੋਂ ਮਨਾਲੀ ਟੂਰ ਲਈ ਜਾ ਰਹੇ ਬੱਚਿਆਂ ਨਾਲ ਭਰੀ ਬੱਸ ਰੋਪੜ ਨੇੜੇ ਪਲਟੀ,13 ਜ਼ਖਮੀ:ਰੋਪੜ ਵਿੱਚ ਅੱਜ ਸਵੇਰੇ ਕਰੀਬ 5 ਵਜੇ ਸਕੂਲੀ ਬੱਚਿਆਂ ਨਾਲ ਭਰੀ ਟੂਰਿਸਟ ਬੱਸ ਪਲਟ ਗਈ ਹੈ।ਇਸ ਹਾਦਸੇ ਵਿੱਚ 11 ਬੱਚਿਆ ਸਮੇਤ 13 ਜਾਣੇ ਜ਼ਖਮੀ ਹੋ ਗਏ ਹਨ।ਸ਼ਨੀਵਾਰ ਸਵੇਰ ਇਹ ਹਾਦਸਾ ਰੋਪੜ ਟੋਲ ਪਲਾਜ਼ਾ ਦੇ ਨੇੜੇ ਵਾਪਰਿਆ ਹੈ।ਜਿੰਨਾ ਨੂੰ ਇਲਾਜ ਲਈ ਰੋਪੜ ਦੇ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।ਜਾਣਕਾਰੀ ਮੁਤਾਬਕ ਗੁਜਰਾਤ ਦੇ ਮਹਿਸਾਣਾ ਜ਼ਿਲ੍ਹੇ ਤੋਂ 3 ਮਈ ਤੋਂ ਬੱਚਿਆਂ ਦਾ ਮਨਾਲੀ ਲਈ ਟੂਰ ਚੱਲਿਆ ਸੀ।ਅੱਜ ਸਵੇਰੇ ਤਕਰੀਬਨ ਪੰਜ ਵਜੇ ਰੋਪੜ ਦੇ ਟੋਲ ਪਲਾਜ਼ਾ ਹਨੇਰਾ ਹੋਣ ਕਾਰਨ ਬੱਸ ਪਹਿਲਾਂ ਸੜਕ ਕੰਢੇ ਲੱਗੇ ਸਾਈਨ ਬੋਰਡ ਨਾਲ ਟਕਰਾਈ ਤੇ ਫਿਰ ਖਤਾਨਾਂ ਵਿੱਚ ਜਾ ਉੱਤਰੀ।ਬੱਸ ਰੋਪੜ ਨੇੜੇ ਪਲਟ ਜਾਣ ਕਾਰਨ 13 ਜਣਿਆਂ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਹੈ,ਜਿਨ੍ਹਾਂ ਵਿੱਚੋਂ ਇੱਕ ਦੀ ਹਾਲਤ ਗੰਭੀਰ ਹੈ।ਗੁਜਰਾਤ ਤੋਂ 10 ਦਿਨਾਂ ਦੇ ਟੂਰ ਲਈ ਯੂਥ ਹੋਸਟਲ ਮਹਿਸਾਣਾ ਤੋਂ ਵੱਖ ਵੱਖ ਸਕੂਲਾਂ ਦੇ ਬੱਚੇ ਰਵੇਨਾ ਹੋਏ ਸੀ।ਦਿੱਲੀ ਤੋਂ ਮਨਾਲੀ ਜਾ ਰਹੀ ਇਸ ਬੱਸ ਵਿੱਚ ਕੁੱਲ 36 ਸਵਾਰੀਆਂ ਸਨ।ਹਾਲਾਂਕਿ, ਟੂਰ ਵਿੱਚ ਕੁੱਲ 49 ਵਿਅਕਤੀ ਸਨ ਤੇ 13 ਜਣੇ ਹੋਰ ਕਿਸੇ ਗੱਡੀ ਰਾਹੀਂ ਪਹਿਲਾਂ ਹੀ ਨਿੱਕਲ ਗਏ ਸਨ।ਪੁਲਿਸ ਬੱਸ ਚਾਲਕ ਤੋਂ ਹਾਦਸੇ ਦੇ ਕਾਰਨਾਂ ਦੀ ਪੜਤਾਲ ਕਰ ਰਹੀ ਹੈ। -PTCNews