ਜੰਮੂ-ਕਸ਼ਮੀਰ 'ਚ ਖੁੱਲ੍ਹੇ 190 ਸਕੂਲ - ਕਾਲਜ ,15 ਦਿਨ ਬਾਅਦ ਬੱਚੇ ਗਏ ਸਕੂਲ ,ਸੁਰੱਖਿਆ ਬਲ ਤਾਇਨਾਤ
ਜੰਮੂ-ਕਸ਼ਮੀਰ 'ਚ ਖੁੱਲ੍ਹੇ 190 ਸਕੂਲ - ਕਾਲਜ ,15 ਦਿਨ ਬਾਅਦ ਬੱਚੇ ਗਏ ਸਕੂਲ ,ਸੁਰੱਖਿਆ ਬਲ ਤਾਇਨਾਤ:ਜੰਮੂ ਕਸ਼ਮੀਰ : ਜੰਮੂ-ਕਸ਼ਮੀਰ 'ਚ ਹਾਲਾਤ ਹੌਲੀ-ਹੌਲੀ ਆਮ ਹੋ ਰਹੇ ਹਨ। ਜੰਮੂ ਕਸ਼ਮੀਰ ਦੇ ਕਈ ਇਲਾਕਿਆਂ ਵਿਚ ਸੋਮਵਾਰ ਨੂੰ ਸਕੂਲ -ਕਾਲਜ ਖੁੱਲ੍ਹ ਗਏ ਹਨ। ਕਸ਼ਮੀਰ ਦੇ ਸ਼ੋਪੀਆ 'ਚ 15 ਦਿਨ ਬਾਅਦ ਬੱਚੇ ਸਕੂਲ ਜਾਂਦੇ ਦਿਖਾਈ ਦੇ ਰਹੇ ਹਨ। ਸ੍ਰੀਨਗਰ 'ਚ ਸਕੂਲ-ਕਾਲਜ ਖੁੱਲ੍ਹ ਗਏ ਹਨ ਪਰ ਹਾਲੇ ਵੀ ਇਕ ਅਜੀਬ ਸੰਨਾਟਾ ਪਸਰਿਆ ਹੋਇਆ ਹੈ। ਬੱਚੇ ਹੌਲੀ-ਹੌਲੀ ਸਕੂਲ ਪਹੁੰਚ ਰਹੇ ਹਨ, ਹਾਲਾਂਕਿ ਬੱਚਿਆਂ ਦੀ ਗਿਣਤੀ ਕਾਫ਼ੀ ਘੱਟ ਹੈ। ਸਕੂਲ ਜਾਣ ਵਾਲੇ ਬੱਚਿਆਂ ਨੂੰ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਨਾ ਹੋਵੇ ਤੇ ਕੋਈ ਵੀ ਅਣਸੁਖਾਵੀਂ ਘਟਨਾ ਨਾਲ ਨਜਿੱਠਿਆ ਜਾ ਸਕੇ, ਇਸ ਲਈ ਸੁਰੱਖਿਆ ਬਲ ਚੱਪੇ-ਚੱਪੇ 'ਤੇ ਤਾਇਨਾਤ ਹਨ।ਇਸ ਦੌਰਾਨ ਕਰੀਬ 14 ਦਿਨਾਂ ਬਾਅਦ ਘਾਟੀ 'ਚ 190 ਸਕੂਲ-ਕਾਲਜ ਖੋਲ੍ਹੇ ਗਏ ਹਨ, ਅਜਿਹੇ 'ਚ ਇਕ ਵਾਰ ਮੁੜ ਸੁਰੱਖਿਆ ਬਲਾਂ ਲਈ ਸ਼ਾਂਤ ਮਾਹੌਲ ਬਣਾਈ ਰੱਖਣ ਦੀ ਚੁਣੌਤੀ ਹੈ। ਜੰਮੂ-ਕਸ਼ਮੀਰ 'ਚ ਧਾਰਾ 370 ਲਾਗੂ ਹੋਣ 'ਤੇ ਕੇਂਦਰ ਸ਼ਾਸਿਤ ਸੂਬਾ ਬਣਨ ਤੋਂ ਬਾਅਦ ਕਸ਼ਮੀਰ 'ਚ ਧਾਰਾ 144 ਲਾਗੂ ਸੀ।