ਲੁਧਿਆਣਾ 'ਚ ਹਰ ਦਿਨ ਲੜਕੀ ਨਾਲ ਰੇਪ,ਹੁਣ ਦੂਜੀ ਕਲਾਸ ਦੀ ਬੱਚੀ ਨਾਲ ਹੋਇਆ ਜਬਰ-ਜ਼ਨਾਹ

ਲੁਧਿਆਣਾ 'ਚ ਹਰ ਦਿਨ ਲੜਕੀ ਨਾਲ ਰੇਪ,ਹੁਣ ਦੂਜੀ ਕਲਾਸ ਦੀ ਬੱਚੀ ਨਾਲ ਹੋਇਆ ਜਬਰ-ਜ਼ਨਾਹ:ਬੀਤੇ ਸਮੇਂ ਤੋਂ ਲੁਧਿਆਣਾ 'ਚ ਜਿਆਦਾਤਾਰ ਬਲਾਤਕਾਰ ਦੀਆਂ ਘਟਨਾਵਾਂ ਲਗਾਤਾਰ ਵਾਪਰ ਰਹੀਆਂ ਹਨ।ਪੁਲਿਸ ਵੀ ਰੋਕਣ ਦੇ ਵਿੱਚ ਨਕਾਮ ਸ਼ਾਬਤ ਹੋਈ ਹੈ।ਹੁਣ ਮੁੜ ਲੁਧਿਆਣਾ ਦੇ ਨਿਊ ਸ਼ਿਵਾ ਨਗਰ ਵਿਖੇ 8 ਸਾਲਾ ਦੀ ਲੜਕੀ ਨਾਲ ਜਬਰ-ਜ਼ਨਾਹ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਦੱਸਿਆ ਜਾਂਦਾ ਹੈ ਕਿ ਇੱਕ ਨੌਜਵਾਨ ਨੇ ਕੋਲ ਇੱਕ ਕਮਰੇ 'ਚ ਰਹਿਣ ਵਾਲੀ 8 ਸਾਲਾ ਮਾਸੂਮ ਬੱਚੀ ਜਬਰ-ਜ਼ਨਾਹ ਕੀਤਾ ਹੈ, ਜੋ ਕਿ ਦੂਜੀ ਕਲਾਸ ਵਿੱਚ ਪੜ੍ਹਦੀ ਹੈ।ਦੋਸ਼ੀ ਫੈਕਟਰੀ 'ਚ ਓਵਰਲਾਕ ਦਾ ਕੰਮ ਕਰਦਾ ਹੈ।ਇਸ ਮਾਮਲੇ 'ਚ ਥਾਣਾ ਡਵੀਜ਼ਨ ਨੰ. 6 ਦੀ ਪੁਲਿਸ ਨੇ ਬੱਚੀ ਦੇ ਪਿਤਾ ਦੀ ਸ਼ਿਕਾਇਤ 'ਤੇ ਕੇਸ ਦਰਜ ਕਰ ਕੇ ਦੋਸ਼ੀ ਸੋਨੂੰ ਕੁਮਾਰ ਨੂੰ ਗ੍ਰਿਫਤਾਰ ਕਰ ਲਿਆ,ਜਿਸ ਨੂੰ ਸੋਮਵਾਰ ਨੂੰ ਅਦਾਲਤ ਵਿਚ ਪੇਸ਼ ਕਰ ਕੇ ਜੇਲ ਭੇਜਿਆ ਗਿਆ। ਥਾਣਾ ਇੰਚਾਰਜ ਦਵਿੰਦਰ ਸਿੰਘ ਅਨੁਸਾਰ ਪੁਲਿਸ ਨੂੰ ਦਿੱਤੇ ਬਿਆਨ 'ਚ ਪਿਤਾ ਨੇ ਦੱਸਿਆ ਕਿ ਉਸ ਦੇ ਚਾਰ ਬੱਚੇ ਹਨ।ਜਬਰ-ਜ਼ਨਾਹ ਦਾ ਸ਼ਿਕਾਰ ਬੱਚੀ ਦੂਜੀ ਕਲਾਸ 'ਚ ਪੜ੍ਹਦੀ ਹੈ।ਉਹ ਲੇਬਰ ਦਾ ਕੰਮ ਕਰਦਾ ਹੈ ਅਤੇ ਪਤਨੀ ਲੋਕਾਂ ਦੇ ਘਰਾਂ ਵਿਚ ਸਾਫ-ਸਫਾਈ ਕਰਦੀ ਹੈ। 29 ਮਾਰਚ ਨੂੰ ਸਵੇਰੇ ਦੋਵੇਂ ਘਰੋਂ ਕੰਮ 'ਤੇ ਚਲੇ ਗਏ।ਸਾਰੇ ਬੱਚੇ ਕਮਰੇ ਵਿਚ ਸਨ।ਦੁਪਹਿਰ ਲਗਭਗ 3.30 ਵਜੇ ਜਦ ਪਤਨੀ ਕਮਰੇ 'ਚ ਆਈ ਤਾਂ ਬੱਚੀ ਨੇ ਰੋਂਦੇ ਹੋਏ ਸਾਰੀ ਗੱਲ ਦੱਸੀ ਕਿ ਉਕਤ ਦੋਸ਼ੀ ਉਸ ਨੂੰ ਖੇਡਦੇ ਸਮੇਂ ਜ਼ਬਰਦਸਤੀ ਚੁੱਕ ਕੇ ਲੈ ਗਿਆ ਅਤੇ ਜਬਰ-ਜ਼ਨਾਹ ਕੀਤਾ। -PTCNews