ਸਕੂਟਰੀ 'ਤੇ ਵਿਆਹ ਲਿਆਇਆ ਲਾੜੀ, 5 ਬੰਦਿਆਂ ਦੀ ਗਈ ਸੀ ਬਰਾਤ

ਫਰੀਦਕੋਟ: ਹਰ ਕੋਈ ਆਪਣੇ ਵਿਆਹ ਨੂੰ ਯਾਦਗਾਰ ਬਣਾਉਣ ਲਈ ਕੁਝ ਵੱਖਰਾ ਕਰ ਰਿਹਾ ਹੈ, ਪਰ ਫਰੀਦਕੋਟ ਦੇ ਇੱਕ ਸੁਖਦੇਵ ਸਿੰਘ ਨਾਮ ਦੇ ਨੌਜਵਾਨ ਨੇ ਵੱਖਰਾ ਵੀ ਕੀਤਾ ਤੇ ਉਹਨਾਂ ਲੋਕਾਂ ਦੇ ਮੂੰਹ 'ਤੇ ਕਰਾਰੀ ਚਪੇੜ ਮਾਰੀ, ਜੋ ਵਿਆਹਾਂ 'ਚ ਲੱਖਾਂ ਦਾ ਖਰਚਾ ਕਰ ਕਰਜ਼ਾਈ ਹੁੰਦੇ ਹਨ। ਦਰਅਸਲ, ਇਹ ਨੌਜਵਾਨ ਆਪਣੀ ਵਹੁਟੀ ਨੂੰ ਸਕੂਟਰੀ ਦੀ ਬੈਕ ਸੀਟ ਤੇ ਬਿਠਾ ਕੇ ਲੈ ਕੇ ਆਇਆ ਤੇ ਸਾਧਾਰਨ ਵਿਆਹ ਦੀ ਮਿਸਾਲ ਪੇਸ਼ ਕੀਤੀ। ਸੁਖਦੇਵ ਨੇ ਬੜੇ ਹੀ ਸਾਦੇ ਢੰਗ ਨਾਲ ਵਿਆਹ ਕਰਵਾਇਆ ਅਤੇ ਵਿਆਹ ਵਿਚ ਨਾ ਤੇ ਕੋਈ ਬੈਡ ਵਾਜਾ ਸੀ ਨਾ ਹੀ ਫੋਟੋਗ੍ਰਾਫਰ ਤੇ ਨਾ ਹੀ ਰਿਸ਼ਤੇਦਾਰਾਂ ਦਾ ਹਜੂਮ ਸੀ। ਹੋਰ ਪੜ੍ਹੋ:ਖੰਨਾ 'ਚ ਵੱਡੀ ਵਾਰਦਾਤ, ਅਣਪਛਾਤਿਆਂ ਨੇ ਸਿਵਸੈਨਾ ਆਗੂ ਦੇ ਘਰ 'ਤੇ ਕੀਤੀ ਫਾਇਰਿੰਗ ਸਿਰਫ ਮਹਿਜ਼ 5 ਲੋਕ ਬਰਾਤ ਵਿਚ ਗਏ ਸਨ ਉਹ ਵੀ ਕਿਸੇ ਲਗਜ਼ਰੀ ਗੱਡੀਆਂ ਉੱਤੇ ਨਹੀਂ ਬਲਕਿ ਸਕੂਟਰ-ਮੋਟਰ ਸਾਈਕਲਾਂ ਉੱਤੇ ਗਏ ਸਨ। ਸੁਖਦੇਵ ਮੁਤਾਬਿਕ ਉਸ ਨੇ ਸ਼ੁਰੂ ਤੋਂ ਹੀ ਸੋਚਿਆ ਸੀ ਕਿ ਉਹ ਕਦੀ ਵੀ ਆਪਣੇ ਵਿਆਹ ਤੇ 10 ਹਜ਼ਾਰ ਤੋਂ ਵੱਧ ਖ਼ਰਚ ਨਹੀਂ ਕਰਨਗੇ। ਸੁਖਦੇਵ ਸਿੰਘ ਦੇ ਇਸ ਉਪਰਾਲੇ ਦੀ ਹਰ ਤਰਫਾ ਸ਼ਲਾਘਾ ਹੋ ਰਹੀ ਹੈ। -PTC News