Bathinda ਦੇ ਰਾਮਪੁਰਾ ਫੂਲ ਦੇ ਭਗਤਾ ਭਾਈ ’ਚ ਵਾਪਰਿਆ ਭਿਆਨਕ ਹਾਦਸਾ; ਕੋਲਡ ਸਟੋਰ ਦੀ ਡਿੱਗੀ ਇਮਾਰਤ, 1 ਦੀ ਮੌਤ
ਮਲਬੇ ਹੇਠ ਦੱਬੇ ਤੀਜੇ ਮਜ਼ਦੂਰ ਨੂੰ ਰਾਤ 11:30 ਵਜੇ ਐਨਡੀਆਰਐਫ ਟੀਮਾਂ ਨੇ ਮ੍ਰਿਤਕ ਹਾਲਤ ਵਿੱਚ ਬਾਹਰ ਕੱਢਿਆ। ਉਸਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਲਿਜਾਇਆ ਗਿਆ।
Blast In Bathinda : ਬਠਿੰਡਾ ’ਚ ਬੀਤੀ ਸ਼ਾਮ ਰਾਮਪੁਰਾ ਫੂਲ ਦੇ ਭਗਤਾ ਭਾਈ ’ਚ ਭਿਆਨਕ ਹਾਦਸਾ ਵਾਪਰਿਆ। ਮਿਲੀ ਜਾਣਕਾਰੀ ਮੁਤਾਬਿਕ ਕੱਲ੍ਹ ਸ਼ਾਮ 4 ਵਜੇ, ਭਗਤਾ ਭਾਈ ਵਿੱਚ ਬਾਘਾਪੁਰਾਣਾ ਰੋਡ 'ਤੇ ਸਿੰਗਲਾ ਕੋਲਡ ਸਟੋਰੇਜ ਦੀ ਛੱਤ ਇੱਕ ਜ਼ੋਰਦਾਰ ਧਮਾਕਾ ਹੋਇਆ। ਜਿਸ ਕਾਰਨ ਪੂਰੀ ਕੋਲਡ ਸਟੋਰੇਜ ਇਮਾਰਤ ਢਹਿ ਗਈ, ਜਿਸ ਵਿੱਚ ਤਿੰਨ ਮਜ਼ਦੂਰ ਫਸ ਗਏ। ਉਨ੍ਹਾਂ ਵਿੱਚੋਂ ਦੋ ਨੂੰ ਪ੍ਰਸ਼ਾਸਨ ਅਤੇ ਸਥਾਨਕ ਨਿਵਾਸੀਆਂ ਦੀ ਮਦਦ ਨਾਲ ਬਚਾਇਆ ਗਿਆ।
ਮਲਬੇ ਹੇਠ ਦੱਬੇ ਤੀਜੇ ਮਜ਼ਦੂਰ ਨੂੰ ਰਾਤ 11:30 ਵਜੇ ਐਨਡੀਆਰਐਫ ਟੀਮਾਂ ਨੇ ਮ੍ਰਿਤਕ ਹਾਲਤ ਵਿੱਚ ਬਾਹਰ ਕੱਢਿਆ। ਉਸਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਲਿਜਾਇਆ ਗਿਆ।
ਪਿੰਡ ਵਾਸੀ ਮਨਜੀਤ ਸਿੰਘ ਨੇ ਦੱਸਿਆ ਕਿ ਕੋਲਡ ਸਟੋਰੇਜ ਸਹੂਲਤ ਦੇ ਅੰਦਰ ਇੱਕ ਜ਼ੋਰਦਾਰ ਧਮਾਕਾ ਹੋਇਆ, ਜਿਸ ਕਾਰਨ ਕੰਧਾਂ ਢਹਿ ਗਈਆਂ ਅਤੇ ਛੱਤ ਡਿੱਗ ਗਈ। ਡੀਐਸਪੀ ਸ਼ਰਮਾ ਦੇ ਅਨੁਸਾਰ, ਫੈਕਟਰੀ ਮਾਲਕ ਨੂੰ ਵੀ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ।
ਛੱਤ ਡਿੱਗਣ ਦਾ ਕਾਰਨ ਅਜੇ ਵੀ ਸਪੱਸ਼ਟ ਨਹੀਂ ਹੈ। ਪੁਲਿਸ ਜਾਂਚ ਕਰ ਰਹੀ ਹੈ। ਰਿਪੋਰਟਾਂ ਅਨੁਸਾਰ, ਇਸ ਕੋਲਡ ਸਟੋਰੇਜ ਦੀ ਛੱਤ 2016 ਵਿੱਚ ਵੀ ਡਿੱਗ ਗਈ ਸੀ।